„Снежната кралица“ нова премиера на Тетарот за деца и младинци - Канал 5

Култура

„Снежната кралица“ нова премиера на Тетарот за деца и младинци

Театарот за деца и младинци-Скопје, во среда премиерно ќе ја изведе претставата „Снежната кралица“ во режија на Драгана Милошевски – Попов, по текст на Билјана Крајчевска.

„Снежната кралица“ нова премиера на Тетарот за деца и младинци
Катарина Илиевска Силјановска в.д. директор на театарот, на денешната прес-конференција најави дека ова е прва претстава во новата сезона на театарот, која се подготвувала темелно и подолго од вообичеано меѓу другото и поради честите гостувањана театрот на меѓународни фестивали.
Режисерката Милошевски - Попова истакна дека „Снежната кралица “, е нејзина втора соработка со овој театар по претставта „Пипи долгиот чорап“ од 2010 година, која се уште е на репертоарот на овој театар. Нагласи дека се работи за интересен текст кој нуди своја верзија на основната приказна по бајката на Х.К. Анредсен напишана 1844-45 која била инспирација за многу автори.

- Нашата претстава не ги дели ликовите само на добри и само на лоши туку отвора разни прашања зошто некој лик донесува некаква важна одлука. Сметаме дека во Тетарот за деца немаме право да даваме конечни животни ставови, да наметнуваме нешто туку да ги провоцираме децата да размислуваат на тема што е добро да се направи, а што не, да одлучат сами кој е нивниот пат, а ние како родители сме тука да ги поддржиме. Се обидовме во претсатавата со сите автори да ги научиме децата да размислуваат, да поставуваат прашања за тоа зошто донесуваат одредени потези во животот. Тоа за мене е многу важно во создавање на една театрска претстава за деца, рече Милошевски-Попов.

Авторката на текстот Крајчевска, која е вработена како драматург во Битолскиот театар, истакна дека ова е нејзин прв театарски текст за деца.

- Детската фантазија е нешто бесконечно и нешто што треба да ни предизвика и кај нас инспирација за да успееме да ја задржиме и да ја продолжиме низ оваа претстава, низ овој текст, низ овој начин на игра. Радосна сум бидејќи овој процес беше одличен за мене, а се надевам и за колегите, и дека со едно заедно истражување со колегите од театарот стигнавме до еден продукт кој се надевам сите ќе ги израдува, вели Крајчевска.

Ана Левајковиќ која ја игра насловната улога, за разлика од нејзините поранешни улоги, овде вели прв пат се јавува во улога на „негативец“.

- Имавме одлична соработка. Добра екипа сме, грабиме напред. Се надевам дека ќе имаме хит - претстава и дека децата ќе ја засакаат оваа претстава, рече Левајковска.

Во оваа приказна за силата на пријателство, љубовта и расетњето, улогата на Герда ја игра единствената гостинка Сара Климоска, штотуку дипломиран актер на ФДУ, а Кај ќе го донесе Бојан Кирковски. Во актерската екипа се и Мики Анчевски, Симона Спировска, Емра Куртишова и Мартин Јорданоски.
Сценографијата е на Кирил Василев, костимограф е Андреј Папаз Ѓоргиевски, а кореографија и сценски движења се на Симона Спировска. Композитор на музиката е Огнен Анастасовски. Илустратор на боенка и постерот кој е специфично решен е Марко Георгиевски.

Инаку последен пат „Снежната кралица“ е поставена на сцената на Театарот за деца и младинци во 2005 година како куклена претстава. Според првиот човек на театрот в.д. директорката Илиевска Силјановска претставта не се задржала многи на репертоарот што според неа се должи на непостоење интерес кај публиката за ваков тип претстави, кои се вели репер за успешни претстави на меѓународни фестивали. Нејзина интенција, во тој контекст, е вели во лседниот педиод да се наврати на куклените претстави.

Таа најави дека по завршување на подготовските за оваа претстава театарот ќе пристапи кон подготовка на нов проект наменет за младинската сцена инспириран од „Сидарта“ на Хесе во режија на Јане Спасиќ.

Реприза на Снежната кралица ќе се игра ден по премиерата на 30 ноември, а потоа ќе влезе во редовниот репертоар на театарот./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Инцидент во Англија: Навивач му удри шлаканица на фудбалер (ВИДЕО)

Натпреварот помеѓу Портсмут и Кардиф, кој се одигра вчера во рамките на 5-тото коло од Чемпионшип, беше нарушен со инцидент во кој гостинскиот играч Кристијан Биелик влезе во физичка пресметка со млад навивач. 

Инцидент во Англија: Навивач му удри шлаканица на фудбалер (ВИДЕО)

Сето тоа се случи во 70-тата минута на стадионот Фратон Парк, при што Портсмут водеше со 2-0. Натпреварот заврши со тој резултат.

Поранешниот ученик на фудбалската академија на Арсенал се обиде да ја добие топката што заврши на трибините. Снимките од инцидентот покажуваат како навивачот ја фрла топката од него, на што Биелик реагираше фаќајќи го навивачот за вратот и туркајќи го подалеку. Младиот навивач потоа стана и се обиде да возврати.

Натпреварот беше накратко прекинат, а навивачот кој беше зграбен за вратот од фудбалерот беше отстранет од стадионот. Биелик не беше санкциониран.

Изјави по натпреварот

Тренерот на Кардиф, Брајан Бери-Мерфи, рече дека навивачот го удрил Биелик и ја пофали реакцијата на судијата.

„Сакав да проверам дали е заштитен и дали е добро, и беше. Судијата и неговите помошници се справија со ситуацијата беспрекорно, според мене. Тој рече дека јасно видел што се случило, ги смирил сите и ја спровел правилната постапка. Играчите постојано се изложени на неприфатливи ситуации“, рече тој.

Менаџерот на Портсмут, Џон Мусињо, им се извини на Кардиф и нивните играчи.

„Судијата објасни дека имало врева кога Кристијан тргнал по топката и еден навивач го удрил. Не беше убаво да се види. Само го видов и е добро, но тоа не е важно, вакви работи не треба да се случуваат. Сакаме да создадеме вжештена атмосфера на Фратон Парк, во што успеавме во последните години. Понекогаш се преминува границата, го разбирам тоа, но не мислам дека има потреба од вакви сцени. Им се извинуваме на играчите и на Кардиф и ќе направиме сѐ што можеме за да се осигураме дека ова нема да се повтори.“

Тагови: навивач фудбалер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници .

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници стационирани во дел од регионот што го прогласи за безбедносна зона. Израелската војска издаде предупредување за евакуација за област во близина на зграда во јужниот либански град Араб Салим, велејќи дека ќе ја нападне бидејќи ја користи Хезболах.

„Вие сте во близина на објект што ѝ припаѓа на терористичката организација Хезболах, против која израелската армија ќе спроведе операции“, соопшти војската во порака на арапски јазик на Телеграм, која вклучуваше и мапа на зоната за евакуација. Немаше коментар од групата поддржана од Иран.

Израелската војска во вторник соопшти дека нападнала складишта за оружје во јужен Либан кои биле наменети за Хезболах. Борбите во Либан се намалија од јуни, по рамковниот договор меѓу САД и Иран.

Но, Израел продолжува со спорадични воени операции на југ, каде што одржува присуство по должината на граничниот појас широк околу десет километри.

Како знак на поддршка за Техеран, Хезболах почна да извршува напади врз Израел од почетокот на март, што го вовлече Либан во регионална војна. Израелските напади досега одзедоа повеќе од 4.300 животи, според либанските власти.

Тагови: израелски напад Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Економски раст од 4,3 проценти и околу 20 милиони евра за домашните компании

Економскиот раст од 4,3 проценти во вториот квартал е добра вест за државата. Уште поважно е што зад овој раст стојат инвестициите, извозот и преработувачката индустрија.

ВЛЕН: Економски раст од 4,3 проценти и околу 20 милиони евра за домашните компании

Инвестициите се зголемени за 16,5 проценти, извозот за 10,4 проценти, додека преработувачката индустрија бележи раст од 4,1 процент. Компаниите инвестираат повеќе, производството се проширува, а нашите производи наоѓаат место на странските пазари.

Преку Министерството за економија и труд, предводено од Бесар Дурмиши, оваа година се издвоени 1,23 милијарди денари, односно околу 20 милиони евра, за домашните компании. Овие средства се наменети за компании кои сакаат да го прошират производството, да набават опрема и да отворат нови работни места.

ВЛЕН ќе продолжи да ја поддржува оваа политика. Работа сè уште има, но бизнисите веќе знаат дека на чело на Министерството за економија и труд имаат партнер кој ги слуша и ги поддржува кога инвестираат, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер