Балкан

„Слушнавме волци и се скаменивме од страв“

Стефан за „Блиц“ за драмата на Бељаница: Една грешка ги одвела во непознато, а еве каде биле 40 часа

"Беше студено, слушнавме завивање на волци и видовме диви свињи. Се исплашивме и решивме да ја поминеме ноќта на тоа место. По два дена, кога за прв пат видовме светла на автомобил, веднаш започнавме да трепкаме со лампите давајќи СОС знак за да не забележат. Но, имаше густа магла, а потоа се појавија момчиња и девојка од Деспотовац ... “

Со овие зборови, Стефан Русов, младиот човек кој со својата девојка Милица Мирјаниќ се изгуби во деспотовачкиот крај на патот кон планината Бељаница, за „Блиц“, открива нови детали за несреќата.

Милица и Стефан биле пријавени како исчезнати од нивните семејства, бидејќи виделе дека младиот пар не се јавува долго време и дека нивните телефони не биле достапни. За кратко време нивните фотографии ги преплавија медиумите и социјалните мрежи, додека единици на Министерството за внатрешни работи, екипи на Горската служба за спасување, ловци, волонтери и нивни роднини тргнаа во потрага по непристапниот терен.

Стефан ни објаснува дека во оваа ситуација се нашле поради мапата за користење во „офлајн режим“.

-Пред да тргнеме, преземавме мапа на „Гугл“ што може да се користи кога немате интернет. Бидејќи тогаш веќе беше 12 часот, проценивме дека е доцна за планинарење и решивме да се вратиме дома. Се упативме кон патот кој на мапата беше означен како главен пат, но се покажа дека станува збор за шумски пат по кој оделе трактори - ни објасни Стефан.

Milica Mirjanić i Stefan Rusov

Првичниот план бил да возат со нивниот автомобил „пежо 207“ до дестинацијата каде ќе можат да го остават, а потоа да одат пеш.

- Колку повеќе се оддалечувавме, видовме дека снегот е сè поголем, а маглата сè погуста. Бидејќи тој пат беше крајно лош и нашиот автомобил се насука во снегот. Тогаш решивме да не одиме понатаму со автомобил - раскажува Стефан.

Немаше никој наоколу, па решиле да излезат од споредниот пат и да тргнат во колибата што ја виделе во шумата. Тие се надевале дека таму ќе најдат некој што ќе им помогне да воспостават врска со своите.

Знаевме каде сме во секое време затоа што имавме мапа. Проблемот беше што никаде немаше мрежа, па не можевме никому да му се јавиме. Се надевавме дека телефоните ќе фатат некоја базна станица или некој ќе го види автомобилот на тој пат, а кога ќе го најдат автомобилот, ќе нè најдат и нас - се сеќава Стефан.

Бидејќи во колибата немало никој, тие ја обиле и влегле со надеж дека ќе можат да ја поминат ноќта на суво и топло место.

-Меѓутоа, затекнавме само печка, која не ни делуваше исправно. Се плашевме да спиеме внатре затоа што внесувањето на јаглерод моноксид може да доведе до задушување, па не сакавме да ризикуваме. Решивме да спиеме во вреќите и запаливме оган надвор за да се стоплиме.

- Дури помислувавме да запалиме голем оган и да нафрламе лисја за да се види чадот, но маглата беше толку густа што не гледав ни на 50 метри од мене. Слушнавме завивање на волци во шумата, а наидовме и на диви свињи. За среќа, не беше вепар, бидејќи сигурно ќе нè нападнеше. Тогаш се тресевме од страв - искрен е Стефан.

Милица и Стефан се обиделе да повикаат некого на помош на сите можни начини на кои се сетиле, дури и давале сигнали со лампите насочени кон небото, но никој не ги видел, најверојатно поради маглата.

- Во еден момент ги видовме фаровите и слушнавме како доаѓа автомобил. Тоа беа првите луѓе, првиот автомобил што го видовме по два дена. Ние ги насочивме светилките и трепкавме во нивна насока, им испраќавме СОС-сигнал. Ни свирнаа и помисливме дека нè виделе, дека помошта стигна. И тогаш сфатив, гледајќи дека автомобилот се оддалечува, дека само не поздравија и заминаа. Подоцна, дознав дека тоа биле случајни минувачи, туристи - се присетува Стефан на моментот на разочарување.

Одлучил да не се предаде, па потрчал по нив, мислејќи дека може да ги стигне, но без успех. Само 15 минути подоцна, Стефан и Милица се озариле кога виделе џип со вклучени светла.

И трепкавме со ламбите во нивна насока, а тие ни сигнализираа дека не видоа. Тоа беа две млади момчиња и една девојка од Деспотовац, кои тргнале во потрагата со џип со предна и задна влеча. Ни рекоа: „Да не трепкавте, сигурно немаше да ве забележиме“. Момчето кое возеше се викаше Бојан Миловановиќ, со него беше неговиот пријател кого го запомнив по прекарот Дута и уште една девојка - ни открива Стефан.

Еден ден по драматичниот престој во магливата и снежна шума, Стефан вели дека тој и Милица се добро, дека одмораат од сè низ кое поминале, но и дека ги повредуваат коментарите на луѓето кои сметаат дека отишле на планина недоволно подготвени и постапиле неодговорно.

- Би сакал да истакнам дека навистина сторивме сè што зависеше од нас и дека жалиме што се случи сето ова. Немавме намера да одиме на планина со „пежо“, бидејќи луѓето не критикуваат, туку сакавме да го паркираме и да продолжиме пеш. Имавме опрема за планинарење, но најголемиот проблем беше што мапата за „офлајн режим“ нè однесе на шумскиот пат наместо на главниот. Момците од ГССС ни рекоа дека слични случаи веќе се случиле, дека навигацијата некого ќе одведе по тој пат - вели Стефан.

Тој и Милица се неизмерно благодарни на сите што учествуваа во нивното спасување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Порака од Москва до идните членки на ЕУ: „Се надеваме дека ќе ги согледате сите последици“

Портпаролката на руското Министерство за надворешни работи, Марија Захарова, изјави дека ЕУ суштински се променила во последните децении и дека нејзиното проширување повеќе не дозволува новите членки да задржат неутрален статус.

Според неа, европската интеграција за земјите од Западен Балкан подразбира прифаќање на антируските политики на Брисел.

Захарова нагласи дека, иако начинот на кој балканските земји градат односи со Европската унија е нивен суверен избор, сепак тие со децении чекаат на членство, пренесува „Спутник“.

Таа додаде дека Албанија е на европскиот пат од 2000 година, Македонија од 2004, Црна Гора од 2008, а Србија од 2009 година.

„Во тој период, Европската унија, се разбира, значително се промени – и тоа секако не на подобро. Ова се однесува и на економските показатели и на нејзиното однесување на меѓународната сцена“, оцени Захарова.

Таа исто така истакна дека брзата милитаризација на Европската унија, нејзината неуспешна миграциска политика и – како што рече таа – целосно ирационалното напуштање на трговската и енергетската соработка со Русија, имаат крајно негативни последици врз социо-економската состојба во Европа.

Како пример за опаѓањето на привлечноста на ЕУ, таа го наведе референдумот одржан на Исланд во август, тврдејќи дека граѓаните на таа земја гласале против продолжување на преговорите за членство во ЕУ. Захарова особено предупреди дека Европската унија сè повеќе се трансформира во воен блок, додека ја означува Русија како примарна егзистенцијална закана – дури и за периодот по завршувањето на конфликтот во Украина.

Според нејзината оценка, оваа промена суштински ја изменила самата природа на проширувањето на Европската унија.

„Овој процес повеќе не ја дозволува можноста новите членки да задржат неутрален статус“, нагласи Захарова.

Таа забележа дека дури и самата перспектива за скоро пристапување во ЕУ автоматски повлекува барање за усогласување со антирускиот став на Брисел. Тоа, според неа, вклучува воведување санкции кон Русија, давање сеопфатна поддршка на властите во Киев и усвојување други конфронтирачки надворешнополитички цели кои не се секогаш во согласност со националните приоритети на земјите-кандидати. „Се надеваме дека земјите од Западен Балкан ќе ги видат и анализираат овие промени во рамките на Европската Унија и јасно ќе ги разберат импликациите од европската интеграција за нивните сопствени национални интереси и за благосостојбата на нивните граѓани“, изјави Захарова.

Извор: Б92

Тагови: ЕУ русија

Македонија

Шумската полиција со засилени акции: Запленети над 500 кубни метри дрвна маса и поднесени 140 пријави

Шумската полиција спроведе засилени акции против нелегалната сеча низ целата држава, при што во текот на септември и во почетокот на октомври беа запленети над 500 кубни метри нелегално исечена дрвна маса и поднесени 140 пријави.

Привремено се одземени 13 товарни и 17 патнички возила, девет трактори, како и моторни пили, приколки, секири и други предмети употребени за незаконска сеча и превоз на дрва.

Акциите се спроведуваат паралелно со секојдневните редовни контроли, со посебно внимание на подрачјата каде што поизразено дејствуваат организирани групи на дрвокрадци. Контролите се насочени и кон сузбивање на нелегалното снабдување со дрва на населението и на производствените капацитети, а со кои се нанесува значителна штета на шумскиот фонд.

„Засилените акции ќе продолжат и во наредниот период, на целата територија на државата. Заштитата на шумите е јавен интерес и наша институционална одговорност. Шумската полиција ја има целосната поддршка на Министерството да постапува одлучно и доследно против незаконската сеча, транспортот и трговијата со дрва, во рамките на своите законски овластувања“, порачува министерот за земјоделство, шумарство и водостопанство, Борче Серафимовски.

Во пресрет на грејната сезона, Министерството за земјоделство, шумарство и водостопанство апелира до граѓаните да купуваат огревно дрво само од лиценцирани продавачи и складови. Со набавката на дрва од легални извори активно се придонесува за спречување на нелегалната трговија и за заштита на шумите.

Воедно, граѓаните се повикуваат да пријавуваат сомнежи за незаконска сеча, транспорт и продажба на дрва до Шумската полиција и другите надлежни органи.

Македонија

Ѓорѓиевски: Средба со бордот на директори од ЕБОР - Скопје заслужува големи проекти и резултати што ќе го менуваат животот на граѓаните

Градоначалникот на Град Скопје, Орце Ѓорѓиевски, денеска оствари средба со делегацијата на Бордот на директори на Европската банка за обнова и развој, со цел продлабочување на соработката за реализација на стратешките инвестиции.

Градоначалникот на Град Скопје, Орце Ѓорѓиевски, денеска оствари средба со делегацијата на Бордот на директори на Европската банка за обнова и развој, со цел продлабочување на соработката за реализација на стратешките инвестиции што му се потребни на нашиот град. На средбата се разговараше за неколку стратешки проекти кои Градот Скопје ги реализира со поддршка на ЕБОР, како проектот за воведување Брз автобуски превоз (БРТ) и проектот за изградба на пречистителна станица за отпадни води во Трубарево.

- Мојата определба е цврста. Секој проект мора да решава вистински проблем, а секоја инвестиција да носи конкретна придобивка за скопјани. Посебен акцент ставивме на Брзиот автобуски превоз - БРТ. Веќе е започната постапката за претквалификација на изведувачи за Линија 1, а паралелно продолжуваат активностите за обезбедување стручна поддршка за реализација на проектот. Скопјани заслужуваат побрз, посигурен и поквалитетен јавен превоз. Помалку време во сообраќај, полесно пристигнување на работа и на училиште, помал метеж и почист воздух. Разговаравме и за пречистителната станица за отпадни води во Трубарево, инвестиција од огромно значење за заштитата на водите, животната средина и здравјето на граѓаните. За овие придобивки работам и на нив останувам целосно посветен. Тоа е одговорност и кон генерациите на кои ќе им го оставиме овој град – рече градоначалникот Ѓорѓиевски.

Градоначалникот Ѓорѓиевски ја потврди и определбата за понатамошна соработка во модернизацијата на инфраструктурата, енергетската ефикасност и реализацијата на Зелениот акциски план за Скопје.

- Довербата што ја добив од граѓаните е мојата најголема обврска. Ќе продолжам да ги придвижувам проектите и истрајно да работам до нивна реализација. Нашиот успех мора да се чувствува во секојдневието на скопјани. За Скопје што оди напред. За град на кој повторно ќе бидеме горди. Заедно продолжуваме да работиме на проекти што ќе остават трајна вредност за Скопје и неговите граѓани – истакна Ѓорѓиевски.

На средбата, градоначалникот Ѓорѓиевски упати искрена благодарност до делегацијата, раководството и тимот на ЕБОР за посетата, долгогодишната поддршка и конструктивната соработка.