Македонија

„Само вистина“ вечерва во 18:45 со Филип Петровски и Стојанче Ангелов

Соочување на некогаш блиските соработници, екс пратеникот на ВМРО-ДПМНЕ, Филип Петровски и екс генералот Стојанче Ангелов.

Дами и господа, среда е секогаш ден за дерби „натпреварите“, така вечерва е таа вечер, соочување на некогаш блиските соработници , екс пратеникот на ВМРО-ДПМНЕ,Филип Петровски и екс генералот Стојанче Ангелов, човекот кој државата постојано го деградираше во службата.

Според Филип Петровски Македонија може и без НАТО и без ЕУ, а уставното име е најважно. Демократската фракција на ВМРО-ДПМНЕ од која и тој е дел, потпиша меморандум за бојкот на референдумот. Тој е на став дека премиерот Заев се обидува да го вовлече ВМРО-ДПМНЕ да му направи цензус на референдумот.

Штипјанецот Ангелов иако најпрвин бараше преговорите да прекинат, попушти пред вољата на мнозинството на граѓаните. Тој иако имаше политички радикални ставови во минатото, сега е на став дека СДСМ е на вистинскиот пат и Референдумот мора да успее!

Можеше ли изминатите 27 години да има подобар договор за решение на спорот со Јужниот сосед?

На што се должи се поголемото менување на ставот на членовите на ВМРО-ДПМНЕ?

Секој договор носи иднина, но каква ќе биде Македонската на 1ви Октомври ?

Дали после „битката“, сите се „генерали“, или овојпат треба да ги побараме генералите пред одлучувачката „битка“ на крај на месецов, гледајте во вечерашното издание едната и единствена - Само Вистина со Филип Петровски и Стојанче Ангелов,каде ако не на Канал 5 Телевизија.

Фудбал

ПСЖ ќе му понуди нов договор на Донарума

Пари Сен-Жермен има намера да го продолжи договорот со голманот Џанлуиџи Донарума, пренесува новинарот Џанлука Ди Марцио.

Според изворот, парижаните ќе преговараат со 25-годишниот Италијанец по завршувањето на сезоната 2023/24. Управата на клубот сака да го направи голманот капитен на тимот.

Донарума игра за ПСЖ од јули 2021 година. Во сезоната 2023/24 Донарума учествуваше на 40 натпревари во сите натпреварувања, прими 36 гола и ја зачува мрежата чиста 16 пати.

Актуелниот договор на голманот со францускиот клуб е со важност до крајот на јуни 2026 година.

Свет

Скај Њуз: Кина го хакирала платниот систем на британското Министерство за одбрана

Британскиот портал Скај њуз денеска објави дека кинеската влада извршила неколку кибер напади врз платниот систем на британското Министерство за одбрана, кој содржи приватни информации за воениот персонал.

Членовите на Долниот дом на британскиот Парламент денеска ќе бидат информирани за овој инцидент.

Пратеникот на Конзервативната партија Тобијас Елвуд изјави дека Кина „најверојатно бара финансиски слабости“ кај воениот персонал за да натера некои припадници да соработуваат со Кина во замена за пари.

„На потешкиот начин учиме како уметноста на војување брзо се менува со напредокот на технологијата. Одбраната на дигиталниот терен сега е исто толку важна како и одбраната на физичкиот. Доколку овој вид на кибер напад се случува во Велика Британија, можеме да претпоставиме дека ќе бидат нападнати и други земји-членки на НАТО“, рече Елвуд.

Истрагата на Министерството за одбрана досега не покажала дека се украдени некои податоци.

Свет

Катовице: Во салата каде попладнево ќе заседава полската влада пронајден апарат за прислушување

Во салата во седиштето на Шлезискиот регион во Катовице, пред попладневната седница на чешката влада, откриен е и демонтиран апарат за прислушување, соопшти портпаролот на министерот координатор на полските безбедносни служби, Јацек Добжињски.

Службата за државна безбедност и Агенцијата за внатрешна безбедност ја демонтирале направата и покрената е истрага за тоа кој ја поставил.

Полската влада попладнево ќе одржи вонредна седница во Катовице бидејќи премиерот Доналд Туск и претседателката на Европската комисија Урсула фон дер Лајен се главни гости на меѓународниот економски форум во тој град на југот на Полска.

Владата нема „чувствителни“ теми на дневниот ред на денешната седница, најавено е дека ќе одлучува за помош на граѓаните за плаќање на енергетски производи и предлогот за Законот за дигитални комуникации со кој во полските закони се воведува кодот на Европската унија во таа област.

притисни ентер