Почитувани работници, бизнисмени, граѓани но и вие политичари, се наѕира крајот на неделата ама не и крајот на уште една потрага по вистината, вечерва со нашиот гостин, поранешниот министер за надворешни работи сега пратеник од ВМРО-ДПМНЕ, Антонијо Милошоски. Уште не седнат на столчето, новиот потретседател на Собранието распали по опозицијата.
Ја обвини за лицемерие и двојни стандарди. Кој клече пред странците а кој се моли кај домашните? Светската бизнис елита на гости кај нас а македонскиот бизнис се’ уште тешко пробива во светот. Што ќе донесе македонско-рускиот бизнис форум и самитот „Македонија 2025?“ Како до светски конкуретна македонска економија? Бугарија не престанува да притиска. Полицијата влезе во домовите на членовите на новото македонско друштво во Благоевград. Ќе се најдат ли нови и модерни илинденци кои ќе кажат стоп на бугарскиот прогон на Македонците? Институтот за македонски јазик старее, македонситите молат за свои наследници а власта се’ уште ветува нови вработувања.
Ќе успееме ли да го спасиме јазикот, симболот на македонскиот непокор? Имаме ли сила да го исполниме аманетот на Мисирков? Наместо да си го добијат заработеното на глувите и наглувите им се заканува отказ од работа. Кој сее раздор меѓу луѓето со посебни потреби? Вистината за политиката, за бизнисот но и за постоењето ќе ја бараме вечерва само и ексклузивно на Канал 5. Во 18:30 со Антонијо Милошоски во „Само Вистина“