„Прочка 2018“ со креативни и инвентивни маски - Канал 5

Култура

„Прочка 2018“ со креативни и инвентивни маски

Со карневалската забава со маски и доделувањето на наградите на најдобрите поединечни и групни маски, синоќа во Прилеп заврши меѓународниот карневал „Прочка 2018“. Добитник на најпрестижната Гран-при награда за „најмаска“ е традиционалната маска „Мечкарите“ од Птуј од Словенија.

„Прочка 2018“ со креативни и инвентивни маски
Според жири комисијата, карневалот годинава ќе се памети по креативни маски, по многу инвенција на учесниците, со кои се демонстрира продолжувањето на традицијата на „преправање“ на овие простори, што трае со векови.

Оценувачката комисија на „Прочка 2018“, во состав: Хилда Црнеска-претседател и тројца членови: Габриела Шукуроска, Рубин Белчески и Благоја Атанасоски имаа тешка задача, да ги изберат најдобрите, а сите учесници беа со свои автентични маски со кои пренесуваа различни пораки.
Во категоријата традиционални маски наградени се: „Ратевски бамбурци“ од с. Ратево, Беровско, на кои им е доделена првата награда. Втора награда доби маската „Кураичка крвава свадба“ од с. Куратица, Охридско и „Стари Странчинари“ од Мокриево ја добија третата награда.

Во категоријата „современа маска“, прва награда доби танцовиот клуб „Зодијак“ со „Аладин и волшебната ламба“, второнаградени се „Палави колачиња“ од Пробиштип и третонаградени се „Black Dolls“ од СОУ „Орде Чопела“.

По прв пат годинава е воведена категорија „странски маски“. Првонаградена е маската „Балкан“ од Корча, второнаградена е „Мажуретки“ од Бела Црква, Србија и третонаградена е маската „Оган“ од Будва, Црна Гора.

- Жири комисијата имаше многу напорна работа. Имавме многу успешни маски, креативи, се работело, очигледно, многу време. Критериумите за оценка, беа за сè. Почнувајќи од чевлите, костимите, кореографијата, сценскиот настап, изведбата и сето тоа придонесе да имаме една тешка работа за избор на најдобрите маски, рече Црнеска.

Добитниците на наградите со импресии ја раскажуваа својата приказна.

- Ја освоивме првата награда за перформанс, со маската „Оган“ во која учествуваме 16-мина. Работевме со месеци, рече Сандра, учесник во наградената маска, која што е репрезент на Будва.

Меѓу наградените се и маски што ги подготвуваа учениците со своите ментори, а учествуваа на детскиот карневал.
- Ние сме од ОУ „Рампо Левката“, редовно учествуваме на карневалот и речиси секогаш сме меѓу наградените. Чест ми е што добивме прва награда со детската маска „Да не ни венеат цвеќињата“ во која учествуваа 30-ина ученици, изјави менторот Благоја Дукоски.

Второто место им припадна на „Мудрите танчерки“од ОУ „Добре Јованоски“ и третото место го освои ОУ „Климент Охридски“ со маската „Касни порасни“.
Во категорија на „современи маски“, првонаградена беше маската: „Свемирски суштества“ од ОУ „Добре Јованоски“, втората награда ја доби „Снешковци“ од ОУ „Кочо Рацин“ и трето место го освои „ПОП корн“, со дечињата од ЈОУ „Наша Иднина“. Во категоријата „Театрални маски“, првата награда им припадна на „Музика за тронови“ од Крушево, „Пролетно будење“ од ОУ „Гоце Делчев“ и третото место ја доби маската „Петар Пан“ од ОУ „Кире Гаврилоски –Јане“.
За прв пат годинава е воведена категорија „странски маски“. Првонаградена е маската „Балкан“ од Корча., второнаградена е „Мажуретки“ од Бела Црква, Србија и третонаградена е маската „Оган“ од Будва, Црна Гора.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Што гледаат луѓето пред смртта- научниците споредиле искуства на 50 лица

Од сите искуства поврзани со искуства блиску до смртта (NDEs), ниту едно не е толку познато како светлината на крајот од тунелот.

Што гледаат луѓето пред смртта- научниците споредиле искуства на 50 лица

Луѓето кои биле на работ на смртта, па дури и оние кои биле мртви неколку моменти, понекогаш опишуваат движење низ темнина, како тунел, кон портал на светлина, премин во друг свет, објавува ScienceAlert.

Сликата станала толку вкоренета во популарната култура што станала моќен симбол на крајот на животот.

Сепак, не сите преживеани блиску до смртта виделе тунел. Некои опишале огромен, осветлен простор, закривен хоризонт или чувство дека се опкружени со светлина, според студија на 50 преживеани блиску до смртта.

Истражувачот за неврофеноменологија Франс Лернер од Универзитетот во Хаифа во Израел и нејзините колеги сакале визуелно да пристапат кон прашањето, верувајќи дека тоа ќе открие обрасци што зборовите не можат, објави веб-страницата.

На учесниците им било кажано да нацртаат облик на простор што го паметат дека го доживеале и да опишат каде се доживуваат себеси во него, како се движат низ него и какви бои се сеќаваат. Потоа научниците составиле база на податоци од овие реконструкции и ги споредиле, барајќи сличности во геометријата на просторите. Откриле дека конусните простори, кои го вклучувале познатиот тунел, се повторувале често, како и широките, закривени простори како лакови.

Учесниците исто така често цртале простори кои изгледале како целосно да го опкружуваат набљудувачот, како што е внатрешноста на сфера или овал.

Од 28-те конусни простори што ги реконструирале учесниците, 22 биле црни, бели или сиви, или во светлина без препознатлива нијанса. Од друга страна, 27 од 31 широки, закривени простори биле перцепирани во боја.

Според Лернер и нејзините колеги, истражувањата за невронауката и перцепцијата веќе документирале некои слични визуелни односи.

Еден пример е тунелскиот вид, кој може да се појави кога е нарушено снабдувањето со кислород до мрежницата или мозокот, стеснувајќи го видното поле. Според неа, доминацијата на црната, белата и сивата боја во простори слични на тунел има научно објаснување поврзано со човечкиот вид.

Во услови на слаба осветленост, нашите очи стануваат помалку чувствителни на бои бидејќи клетките чувствителни на светлина одговорни за гледање во темнина преземаат контрола.

Иако истражувачите претходно идентификуваа повторливи карактеристики кај луѓе кои доживеале искуства близу до смртта, како што се тунели и светла, малку внимание е посветено на просторната структура на овие искуства или на тоа како луѓето се перцепираат себеси додека се движат низ нив.

Студијата е објавена во списанието „Frontiers in Psychology“.

Тагови: научниците смртта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Карикатурист е осуден на четири години затвор- нацртал карикатура на кралот на Мароко

Мароканскиот карикатурист Јасер Мунбир е осуден на четири години затвор за „навреда на кралот“ по објавувањето на карикатура од Мухамед VI, објави денес неговиот адвокат.

Карикатурист е осуден на четири години затвор- нацртал карикатура на кралот на Мароко

Судот во Казабланка, исто така, му наложи на карикатуристот да плати казна од 40.000 дирхами, или 3.600 евра.

Неговиот адвокат, Фарук Мехдауи, објави дека ќе поднесе жалба на пресудата.

Член 179 од мароканскиот кривичен законик забранува „клевета, навреда или нарушување на приватноста на кралот“, а таквите дела се казнуваат со затвор од шест месеци до две години.

Во случајот на 22-годишниот Јасер Мунбир, казната е двојно зголемена бидејќи цртежот е објавен онлајн, објави „Ле Фигаро“.

Мунбир беше уапсен во јуни откако цртал и објавил карикатура од кралот на Мароко на својот Инстаграм профил.

Мароканското здружение за човекови права (AMDH) побара негово ослободување.

Активистите за човекови права во Мароко побараа укинување на законите за кои велат дека ја ограничуваат слободата на изразување, како и помилување на осудените за објави на социјалните мрежи, пишува Фигаро.

Тагови: карикатура Мароко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Телефоните на германските министри и пратеници на удар на шпионски софтвер

Apple предупреди дека iPhone-ите на членовите на Бундестагот и членовите на федералната влада можеби биле цел на шпионски софтвер. 

Телефоните на германските министри и пратеници на удар на шпионски софтвер

Германскиот министер за дигитална администрација, Карстен Вилдбергер, изјави дека Федералната канцеларија за информациска безбедност (BSI) им советувала на засегнатите да претпостават дека нивните уреди се компромитирани за секој случај, бидејќи предупредувањето не укажувало дали нападот бил успешен.

Според BSI, овој вид шпионски софтвер може да им даде на напаѓачите пристап до пораки, вклучително и оние испратени преку шифрирани апликации, како и повици, контакти, календари и податоци за локација. Исто така, може да го вклучи микрофонот и камерата на телефоните.

Вилдбергер изјави за ARD дека „добивме известување од Apple дека одредени уреди можеби биле компромитирани од таканаречен шпионски софтвер“, објави Euronews.

Предупредувањата до засегнатите телефони почнаа да пристигнуваат на 29 октомври, според BSI, и тие наведоа дека Apple го открил нападот користејќи „шпионски софтвер“. Министерот рече дека BSI „реагирала супер брзо“ и ги известила засегнатите, со упатства за заштита. Вилдбергер не кажа колку политичари биле предупредени или кои биле цел. Ниту „Епл“, ниту германските власти не кажаа кој би можел да стои зад нападот.

Тагови: телефоните софтвер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер