Здравје

Природни лекови за менструални грчеви: Кои чаеви навистина помагаат?

Ако некогаш сте доживеале менструални грчеви, знаете колку можат да бидат непријатни.

Менструалните грчеви, познати и како дисменореја, се јавуваат кај 45 до 95% од жените и се јавуваат кога матката се контрахира за да ја отфрли слузницата. Ова ослободува соединенија наречени простагландини, кои може да предизвикаат болни грчеви.

Според нутриционистите најдобар избор кај ваквите болки е чајот од ѓумбир, пишува EatingWell.

Ѓумбирот има противвоспалитени својства и долго време се користи како билен лек. Тој ефикасно може да ја ублажи менструалната болка исто како лековите против болки, како ибупрофенот, но со помалку несакани ефекти. Исто така, помага при гадење, чест симптом на болните менструации.

Ги намалува болните грчеви

Докажано е дека чајот од ѓумбир го намалува интензитетот и времетраењето на болните менструални грчеви. Тоа е исто така одличен природен антихистамин кој може да помогне при грчеви предизвикани од хистамин во лутеалната фаза. Една студија покажала дека две шолји чај од ѓумбир дневно (вкупно 240 ml) ги намалува болните грчеви и болките во долниот дел на стомакот.

Според студиите, ѓумбирот може да биде ефикасен како и нестероидните антиинфламаторни лекови (НСАИЛ) во намалувањето на интензитетот и времетраењето на менструалните грчеви.

За оптимален ефект, се препорачува да се консумираат од 700 до 1000 милиграми ѓумбир во прав во првите три дена од циклусот. Ова е еднакво на околу четвртина до половина лажичка ѓумбир во прав, кој може да се измеша во топла вода за да се направи чај.

Ја ублажува мачнината и надуеноста

Ефектот на ѓумбирот во намалување на менструалните болки и гадењето се должи и на антиинфламаторните соединенија во ѓумбирот, гинџеролот и шогаолот. Овие антиоксиданси ги блокираат сигналите во цревата кои предизвикуваат гадење и повраќање.

Тие исто така го забрзуваат празнењето на желудникот, што може да ја намали надуеноста. Чајот подготвен од една лажичка сушен или една лажица свеж ѓумбир измешан со топла вода може да помогне во ублажување на гадењето.

Го подобрува расположението и функционалноста

Освен што ги намалува болните грчеви, чајот од ѓумбир може да го подобри и расположението. Во едно истражување, тинејџерките кои пиеле по две шолји чај од ѓумбир дневно се чувствувале порелаксирано, имале подобро расположение и повеќе учествувале во училишни и социјални активности.

Други чаеви кои можат да помогнат при грчеви

Иако постојат силни докази за ефикасноста на чајот од ѓумбир, другите чаеви исто така можат да помогнат при менструални проблеми.

Зелен чај: Поврзан со намалување на менструалните грчеви, особено кај умерени до тешки симптоми. Ова може да се должи на катехините, моќните антиоксиданси кои го намалуваат производството на простагландини кои предизвикуваат грчеви.

Чај од анасон: Една метаанализа покажала дека анасонот е исто толку ефикасен како нестероидните противоспалитени лекови, таа студија користела анасон во облик на капсули, масло или таблети. Потребни се повеќе истражувања за самиот чај од анасон.

Чај од лист од црвена малина: Овој чај често се консумира за време на бременост за да поттикне породување, но може да помогне и при менструални грчеви. Го поддржува тонусот на матката и го намалува воспалението, што ја опушта матката, го зголемува протокот на крв и може да помогне во ублажување на грчевите и менструалните болки. Исто така е богат со флавоноиди и елагитанини, антиоксиданси кои се борат против оксидативниот стрес и воспалението.

Чај од мајчина душица: Во една студија на тинејџерки во Етиопија, оние кои пиеле чај од мајчина душица имале 63 % помала веројатност да доживеат менструални грчеви. Листовите од мајчина душица се богати со фитосоединенија кои го намалуваат производството на простагландини, што може да помогне во ублажување на болката. Сепак, концентрацијата на овие соединенија може да варира, што укажува дека се потребни повеќе истражувања.

Чај од цимет: Циметот може да го намали интензитетот и времетраењето на менструалната болка, делумно поради неговите антиспазмички ефекти, кои ги инхибираат контракциите на матката. Поголемиот дел од истражувањата се однесуваат на екстрактот од цимет, па затоа се потребни повеќе истражувања за самиот чај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Сирија осуден на смрт братучедот на Башар ал Асад

Сирискиот суд го осуди Васим ал Асад, братучед на поранешниот претседател Башар ал Асад, на смрт за сторени „воени злосторства и злосторства против човештвото“, откако поранешниот претседател Асад беше осуден на смрт во отсуство една недела претходно.

Судијата Фар ал-Дин ал-Арјан го прогласи Васим ал Асад за виновен за, „убиства со умисла на повеќе лица, придружени со тортура и бруталност... класифицирани како злосторства против човештвото и воени злосторства“ и објасни дека е „осуден на смрт за тоа“.

Во април, во Сирија започнаа судења против Башар ал Асад, кој избега во Русија, и други функционери, за злосторства извршени за време на граѓанската војна предизвикана од бруталната репресија на продемократските протести.

Сирија го осуди братучедот на Башар ал Асад на смрт

Васим ал-Асад е првиот член на семејството Асад на кој му се суди откако беше уапсен и приведен во близина на сириско-либанската граница во јуни. Војната ја опустоши земјата од 2011 до 2024 година, оставајќи зад себе повеќе од половина милион мртви, милиони раселени и десетици илјади исчезнати.

Трибуналот утврди дека Васим ал-Асад формирал две вооружени групи лојални на поранешниот режим, кои извршиле напади во близина на Дамаск во кои загинале десетици луѓе. Тој беше прогласен и за виновен за поттикнување граѓанска војна. Други обвиненија, вклучително и трговија со дрога, беа отфрлени поради недостаток на докази.

Иако не држел висока функција, Министерството за финансии на САД го санкционираше Васим ал-Асад во 2023 година, велејќи дека тој водел паравоена единица и бил „клучна фигура во регионална мрежа за трговија со дрога“.

Неговата пресуда може да се обжали до Касациониот суд, највисокото судско тело во Сирија. Новите сириски власти, кои го соборија претходниот режим во декември 2024 година, ветија дека ќе ги повикаат на одговорност оние што се одговорни за злосторствата извршени за време на владеењето на Асад.

Тој живеел во луксуз во земја на сиромаштија и војна

За време на граѓанската војна, Васим ал-Асад се фалел со своите луксузни автомобили на социјалните медиуми, повремено појавувајќи се во воена униформа и вооружен. На 11 август, Башар ал-Асад беше осуден на смрт во отсуство за „воени злосторства“ и „злосторства против човештвото“.

Шест поранешни воени и безбедносни функционери беа осудени во отсуство, вклучувајќи го и Махер, братот на Асад, кој командуваше со 4-та дивизија, елитна воена единица.

Единствениот што се појави на суд, Атиф Наџиб, поранешниот шеф на безбедноста на покраината Дараа, лулката на востанието од 2011 година, исто така беше осуден на смрт за злосторства против човештвото.

Башар ал-Асад избега во Русија во декември 2024 година, придружуван само од неколку блиски соработници.

Извор: Индекс.хр

Тагови: Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пронајдени 10 лица мигранти од Египет, лишен од слобода криумчарот од Латвија

На 17.08.2026 околу 22:00 часот во с.Богородица, гевгелиско, полициски службеници од Полициската станица за граничен надзор и гранични проверки Богородица го лишија од слобода Р.С.(59) од Латвија.

При контрола во патничко возило „фиат типо“ со скопски регистарски ознаки, кое го управувал, биле пронајдени 10 лица мигранти од Египет. Мигрантите се сместени во Прифатни транзитен центар „Винојуг“ во Гевгелија, а Р.С. е предаден во Полициска станица Гевгелија и по целосно документирање на случајот против него ќе биде поднесена соодветна пријава.

Тагови: мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вчера 166 санкции за прекршоци што ги прават пешаците на територија на цела држава

При контролата, санкционирани се 166 пешаци од кои, 137 поради небезбедно преминување на улица надвор од пешачки премин.

Во текот на вчерашниот ден (17.08.2026) во периодот од 09.00 до 15.00 часот Секторот за сообраќајни работи при Министерството за внатрешни работи спроведе сообраќајна контрола на територијата на целата држава за санкционирање на прекршоци што ги прават пешаците. При контролата, санкционирани се 166 пешаци од кои, 137 поради небезбедно преминување на улица надвор од пешачки премин... За време на контролата санкционирани се и 167 други видови на сообраќајни прекршоци.

Сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи. Пешаците да го минуваат коловозот на обележан пешачки премин затоа што непочитувањето на сообраќајните правила ќе биде санкционирано. Сите заеднички, со почитување на правилата, мора да придонесеме за побезбедни сообраќајници.

Тагови: пешаци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.