„Партнер дизајн“ победник на футсал турнирот „СКОПЈЕ 2014“ - Канал 5

Други спортови

„Партнер дизајн“ победник на футсал турнирот „СКОПЈЕ 2014“

Екипата на „Партнер дизајн“ го освои најголемиот републички футсал турнир „СКОПЈЕ 2014“ што повеќе од еден месец се играше на теренот во Спортскиот центар Ново Лисиче.

„Партнер дизајн“ победник на футсал турнирот „СКОПЈЕ 2014“
На свеченото затворање синоќа присуствуваше градоначалникот на Град Скопје, Коце Трајановски, кој ги додели наградите на најуспешните.

Во големото финале „Партнер Дизајн“ со 3:1 го победи „Дени кетеринг“, а во малото „Спортска гостилница“ и „Илинден“, одиграа 3:3 па на пенали победи „Спортска гостилница“ и го освои третото место.

За најдобар голман на турнирот беше прогласен Дарко Илиевски од „Спортска гостилница“ а за најдобар играч и стрелец, признанието го доби Драган Петровиќ од шампионот „Партнер дизајн“.

Градоначалникот Трајановски истакна дека му претставува чест што секоја година е присутен во спортскиот комплекс во Ново Лисиче, на теренот каде што веќе традиционално се одигрува најголемиот републички турнир во мал фудбал.

- За квалитетот на оваа манифестација говори постојаниот интерес кај екипите за пријавување, но она што посебно радува е многубројната публика, која и овој пат гледаше добри фер - плеј натпревари и уживаше во добрата дружба, и забава, како и во одличниот возбудлив фудбал. Би сакал да им честитам на првопласираните екипи, но и на сите учесници коишто придонесоа во изминативе месец дена да се популаризира ова спортско катче во општина Аеродром, рече градоначалникот Трајановски.

Во рамки на третиот Турнир во мал фудбал „Скопје 2014“, учествуваа 48 екипи од Неготино, Кавадарци, Велес, Прилеп, Куманово, Скопје и околината.

Наградниот фонд беше распределен: 180.000 денари за прво место, 60.000 денари за второ и 30.000 денари за трето место, а покровители на турнирот, традиционално веќе трета година по ред се Град Скопје и Општина Аеродром. За организацијата на овој турнир, Градот Скопје од Буџетот за 2014 година издвои 200.000 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Русија и Украина се согласија на примирје зашто јас така реков (ВИДЕО)

Американскиот претседател Доналд Трамп тврдеше дека Русија и Украина се согласиле да ги сопрат нападите врз енергетската инфраструктура затоа што тој така им рекол. 

Трамп: Русија и Украина се согласија на примирје зашто јас така реков (ВИДЕО)

Тој ја даде изјавата пред новинарите пред Белата куќа вчера, иако ниту Москва ниту Киев не потврдија дека е постигнат таков договор.

Еден новинар го праша како може да тврди дека двете земји се согласиле на прекин на огнот кога двете страни велат дека не се согласиле со тоа.

„Па, тие се согласија. Знаете зошто? Затоа што реков: „Вие се согласувате“. Затоа“, одговори Трамп.

Потоа повтори дека се согласиле затоа што тој рече дека се согласиле.

„Таа војна мора да заврши. Тоа е катастрофа“, додаде американскиот претседател.

Трамп објави прекин на огнот, но Русија и Украина не го потврдија тоа

Во недела, на 11 октомври, Трамп објави на својата социјална мрежа Truth Social дека Русија и Украина постигнале договор за прекин на огнот во енергетиката, според кој двете земји ќе престанат да ја напаѓаат енергетската инфраструктура на другата.

Сепак, украинскиот претседател Володимир Зеленски рече дека не знаел за таков договор пред објавата на Трамп. Тој нагласи дека Украина е подготвена да престане да ги напаѓа руските енергетски објекти доколку Русија го стори истото.

Кремљ не потврди дека е постигнат договор. Портпаролот Дмитриј Песков вчера изјави дека контактите продолжуваат и дека Москва ќе ја информира јавноста кога ќе има нешто да објави.

Русија продолжи да ги напаѓа украинските енергетски објекти

И покрај најавата на Трамп, руските напади врз Украина не престанаа. Зеленски објави дека Русија нападнала најмалку шест украински енергетски објекти откако беше објавено прекинот на огнот.

Кога новинарите го прашаа за наводното кршење на прекинот на огнот од страна на Русија, Трамп одговори дека мора да провери што се случило.

„Би морал да го разгледам тоа бидејќи имало прекршувања од двете страни“, рече тој.

Трамп, исто така, тврдеше дека и рускиот претседател Владимир Путин и Зеленски сакаат да постигнат договор, но не знаат како.

„Ќе ги принудиме да постигнат договор“, рече американскиот претседател.

Во исто време, Трамп го договара купувањето руски дизел

Коментарите на Трамп доаѓаат во време кога неговата администрација одлучи да ги ублажи ограничувањата за рускиот дизел за да се обиде да ги намали цените на горивата во САД.

Тој потег предизвика критики од некои американски претставници и европски сојузници, кои предупредуваат дека приходите од продажбата на руска енергија би можеле да ѝ помогнат на Москва да ја финансира војната против Украина.

Зеленски го повика Вашингтон да го зголеми притисокот врз Русија, нагласувајќи дека Украина е подготвена за меѓусебен прекин на нападите врз енергетската инфраструктура, но дека нема вистинско примирје без согласност на Русија.

Тагови: Доналд Трамп русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Формула 1 се враќа во Африка- познато е кога и каде ќе се вози првата трка

Формула 1 објави 10-годишен договор за домаќинство на Гран При Африка во Руанда, кое треба да биде во календарот од „почетокот на 2030-тите“, соопштено е денеска на официјалната веб-страница на натпреварувањето.

Формула 1 се враќа во Африка- познато е кога и каде ќе се вози првата трка

Ф1 се враќа во Африка за прв пат по Гран При на Јужна Африка во 1993 година.

- Организирањето трки во Африка е долгогодишна аспирација на Формула 1, а денешната објава следи по години соработка насочена кон поставување цврста основа и наоѓање идеален партнер за да се обезбеди успешно и одржливо домаќинство на Гран При од светска класа за идните генерации - соопшти официјалната веб-страница на Ф1.

Првата трка ќе се одржи по завршувањето на новата патека во Бугесера, која се наоѓа 40 километри југоисточно од главниот град на Уганда, Кигали. Формула 1 соопшти дека патеката ќе биде готова „на почетокот на следната деценија“.

Ф1 соопшти дека дополнителни детали за датумот на првата трка, клучните фази од изградбата на патеката и активностите за викендот на трката ќе бидат објавени подоцна.

- Денес е историски момент за Формула 1. Со вклучувањето на Руанда во календарот за следната деценија, нашиот спорт ќе се вози на секој населен континент, доближувајќи го Светското првенство поблиску од кога било до фановите ширум светот. Африка отсекогаш била дел од иднината на Ф1 и од самиот почеток бевме решени да се вратиме на вистинскиот начин - со вистинскиот партнер, со долгорочна посветеност и јасна визија за да направиме значително влијание - изјави претседателот и извршен директор на Формула 1, Стефано Доменикали.

Тагови: Африка трка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хорор во САД: Маж загина по излетување од ролекостер со брзина од 110 км/час- има и повредени (ВИДЕО)

Еден човек загина откако падна од возење на тобоганот во Six Flegs во Џорџија вчера попладне, додека други четворица се повредени, соопшти американската полиција и очевидци. 

Хорор во САД: Маж загина по излетување од ролекостер со брзина од 110 км/час- има и повредени (ВИДЕО)

Падот се случил на тобоганот Голијат, опишан како „хипертобоган“ бидејќи достигнува брзина до 110 км/ч и има висина од 60 метри, се наведува на веб-страницата Six Flegs, објави Хафингтон Пост.

Сведоците рекоа дека мажот некако бил „исфрлен од тобоганот“, по што удрил во различни делови од него.

Некои тврдат дека загинатиот маж бил со дете во тобоганот, но надлежните не соопштуваат ништо за тоа.

- Тој беше на нашите слики. Тој падна и удри во тобоганот три пати, рече еден сведок, додавајќи дека телото на мажот удрило други луѓе пред да слета на друга атракција подолу.

„Сикс Флегс“ го евакуирале ролекостерот и го затвориле паркот откако човекот паднал, а на едно од видеата се гледа како тобоганот застанал и посетителите на паркот излегуваат од скалите покрај оградата.

- Убаво си поминувавме и од тоа само почнавме да викаме: „О, Боже, што се случува? - изјави една жена сведок на падот.

Портпаролот на „Sixs Flags Park“ рече дека паркот и локалните власти веднаш реагирале и целосно соработуваат со истрагата.

- Длабоко сме тажни поради инцидентот со гостите во нашиот парк денеска - рече портпаролот.

Надлежните сè уште не потврдуваат како починало лицето, ниту што ги нанело повредите на останатите. Исто така, не е јасно што го предизвикало инцидентот. Детективите од Единицата за големи злосторства во округот Коб истражуваат.

Минатиот месец, Six Flags Magic Mountain во Јужна Калифорнија објави дека го пензионира својот познат тобоган X2 поради тужбите кои тврдат дека возењето предизвикало сериозни повреди на мозокот. Исто така, Six Flags неодамна ја финализираше тужбата за неправилна смрт поднесена од семејството на 22-годишен маж кој почина откако се возеше на тобоган во 2022 година, а уште три тужби за наводни трауматски повреди на мозокот беа поднесени минатата недела.

Минатата година, 32-годишен маж почина откако се возел на тобоган со голема брзина во забавниот парк „Епик Универзум“ на Universal во Флорида. Тој починал како последица на траума од тапа сила, а неговата смрт била прогласена за несреќен случај.

Тагови: ролеркостер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер