„Охридско лето“ денеска слави 62 години успешно постоење - Канал 5

Култура

„Охридско лето“ денеска слави 62 години успешно постоење

Селекторката на драмската програма, Сања Арсовска честитајќи му го роденденот на  „Охридско лето“, подвлече дека фестивалот е пристаниште за најквалитетните театарски креации.

„Охридско лето“ денеска слави 62 години успешно постоење

„Четврти август, денот кога започна „Охридско лето“, денот кога и се поклонуваме на оперската дива Ана Липша Тофовиќ, го славиме со огромна возбуда но и одговорност пред сѐ поради значењето и големината на оваа наша најголема музичко-сценска манифестација. Низ годините, тука, на фестивалската сцена настапиле најзвучните имиња од светот на музиката и театарот. Звуците на класичната музика во прекрасната Света Софија, грандиозните дела на неповторливиот Антички театар и квалитетните и атрактивни театарски претстави, се само доказ дека во древниот Охрид повеќе од половина век се негува музичката и театарска совршеност“.

Ова денеска го изјави директорката на НУ „Охридско лето“, Наташа Поповиќ на прес-конференција посветена на концертот на Фламенко балетот „ЛУКСУРИА“, едно од најспектакуларните фламенко продукции во светот со што ќе се одбележи 62-от роденден на „Охридско лето“.

Таа додаде дека над 1000 уметници, актери, театарски работници, солисти, хористи, музичари годинава, на 62-то фестивалско издание ја вознесуваат убавината на уметноста и создаваат магија во која уживаат бројни љубители на уметноста.

-За повеќето настани се бара и карта повеќе што за нас значи потврда дека сме на вистинскиот пат. Остануваме посветени и доследни на она што го трасирале генерации пред нас, на нивните напори „Охридско лето“ да биде најголемо, највредно и најзначајно, истакна Поповиќ.

Најавувајќи го вечерашниот роденденски концерт на Античкиот театар на Фламенко балетот „Луксуриа“ од Шпанија, амбасадорот на Кралството Шпанија во земјава, Хозе Луис Лозано Гарсија по повод роденденот на „Охридско лето“ потсети дека овој фестивал е најпрестижниот меѓународен фестивал во Република Македонија на кој откако е основан во 1961 година досега продефилираа реномирани уметници од целиот свет.

-Амбасадата на Шпанија во Скопје со години соработува со фестивалот со цел да ги претстави шпанските музички уметници на овој престижен фестивал и во неспоредливиот амбиент на Охрид, средина класифицирана од УНЕСКО како заедничко наследство на човештвото. Чест е за Амбасадата на Шпанија да биде дел на овој меѓународен фестивал. Благодарност до организаторите и градот Охрид и државните субјекти кои соработуваат, особено Претседателот на Републиката и Министерството за култура. Се надеваме дека овој концерт на фламенко, предложен од самата министерка за култура, ќе и се допадне на бараната публика на овој голем фестивал, изјави шпанскиот амбасадор Хозе Луис Лозано Гарсија.

Како што најавија на денешната роденденска прес-конференција селекторките на музичката и на драмската програма на фестивалот „Охридско лето“, Бисера Чадловска и Сања Арсовска, досегашните концерти и театарски претстави на 62-то издание донесоа многу возбуда кај публиката токму заради нивниот квалитет.

-Досега имавме многу успешни концерти со прекрасни уметници кои гостуваа од целиот свет како и од нашата држава. Се радуваме на нивните успеси и на преполната сала каде што се одржуваат нашите концерти. По вечерашниот настап на Фламенко балетот „Луксурија“ нѐ очекуваат исто така успешни концерти. Се радувам кога се случувааат вакви успешни фестивалски денови и сметам дека овој фестивал е многу значаен за нашата држава како една културна традиција која ќе продолжи со ист ваков успех и интензитет, истакна селекторката Чадловска.

Селекторката на драмската програма, Сања Арсовска честитајќи му го роденденот на „Охридско лето“, подвлече дека фестивалот е пристаниште за најквалитетните театарски креации.

-Благодарение на „Охридско лето“, Охрид изминативе 20-тина дена беше пристаниште на најдоброто од дома, на најквалитетните театарски претстави, на микс на драмски стилови и сценски јазици, наративи со коишто покажавме дека театарската уметност дише значајно, силно и здраво. До крајот на ова фестивалско издание ни остануваат уште четири театарски претстави коишто ќе се закотват на нашето театарско пристаниште. Би сакала да му го честитам 62-от роденден на „Охридско лето“ и да посакам да продолжи да сјаје најсветло помеѓу меѓународните фестивали од ваков тип, додаде селекторката Арсовска.

Честа да го одбележи роденденот на „Охридско лето“ ја има Фламенко балетот „Луксуриа“ од Барселона, Шпанија кој ќе настапи вечерва на Античкиот театар од 21 часот.

Хаиме Транкосо од менаџментот на Фламенко агенцијата се заблагодари за организацијата на вечерашниот настап, на директорката Наташа Поповиќ и на амбасадата на Кралството Шпанија.

-Привилегија е да се настапува на 62-годишнината на фестивалот, а исто така за нас е важно што овој перформанс го подготвувавме уште пред пандемијата и дојде време кога ќе го прикажеме на сцена, рече Транкосо.

Главните танчери вечерва ќе бидат Давид Гутјерез и Паула Рејес.

-Првите импресии се волшебни. Воодушевени сме од Охрид, но и од климата бидејќи Шпанија во моментов се соочува со топлотен бран. Голема благодарност до организацијата на фестивалот и до Амбасадата на Кралството Шпанија за да се реализира проектот. Ги поканувам луѓето во Охрид да дојдат и да уживаат во вечерашната претстава која меѓународно е многу добро прифатена. Она што ќе можат да видат вечер е изведба на класично фламенко со модерни примеси, најави Гутјерез.

-За нас е значаен вечерашниот концерт бидејќи настапуваме пред нова публика и на нова сцена, додаде Рејес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Лавица го нападна и половина час го држи во канџите- сите посматраат, додека човекот не направи нешто неочекувано (ВИДЕО)

Драматичен инцидент во кој еден човек преживеал напад од лавица, благодарение на својата смиреност и необична реакција, се случи во индиската држава Гуџарат.

Лавица го нападна и половина час го држи во канџите- сите посматраат, додека човекот не направи нешто неочекувано (ВИДЕО)

Ѕверот го соборил несреќниот човек на земја и го држел со канџите за да го спречи да избега, додека тој се обидувал да ја смири - галејќи ја.

Таа ги покажала забите и ржела

На вознемирувачката снимка се гледа локален сточар како се обидува да се ослободи од стисокот на големата мачка. Во позадина се слушаат вресоците на собраните луѓе, но никој не се осмелил да се приближи и да се обиде да го спаси.

Лавицата ги покажала забите и ржела во неколку наврати, додека човекот лежел приклештен под нејзините нозе. Според локалните медиуми, животното го држело речиси 30 минути.

Инцидентот се случил на 6 јули во селото Гараџија, објавува Дејли Меил.

YouTube video

Според сведоците, лавицата одеднаш го нападнала човекот додека тој одел да го храни добитокот. Таа го соборила на земја и почнала да го гребе по ногата.

Луѓето што се нашле во близина се обиделе да го исплашат ѕверот фрлајќи камења и викајќи, но нивните обиди биле неуспешни.

Наместо тоа, несреќниот човек решил да направи нешто неочекувано - почнал да ја гали лавицата за да ја смири. Оваа необична тактика се покажала како успешна.

YouTube video

„Ме нападна одзади и ме собори“

По некое време, лавицата се откажала и се повлекла кон блиската шума, а човекот бил однесен во локална болница, каде што се лекува.

Во интервју за локалните медиуми, тој ги опишал моментите на ужас.

„Одев да го хранам добитокот кога лавицата одеднаш ме нападна одзади и ме собори. Ме фати за рака и не сакаше да ја пушти долго време“, рекол тој.

Само неколку недели пред овој инцидент, петгодишно момче било убиено откако било нападнато од лавица во областа Амрели. Детето наводно шетало со својот дедо кога дивото животно ги нападнало.

Шумската служба започна потрага по лавицата што го нападна овчарот, со цел да ја пронајде и безбедно да ја отстрани од областа каде што повторно би можела да претставува закана за луѓето.

Тагови: лавица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По 20 години Палестинците излегуваат на избори- одреден е датумот

Палестинскиот претседател Махмуд Абас го одреди 28 ноември како датум за парламентарните избори, први по повеќе од две децении, објави палестинската новинска агенција WAFA.

По 20 години Палестинците излегуваат на избори- одреден е датумот

Абас го одреди датумот со декрет, повикувајќи ги Палестинците на Западниот Брег, Источен Ерусалим и Појасот Газа да гласаат. На последните избори, на 25 јануари 2006 година, исламистичката организација Хамас освои мнозинство со 74 места во Палестинскиот законодавен совет од вкупно 132 места.

Една година подоцна, Хамас ја презеде контролата врз Појасот Газа по жестоките судири со движењето Фатах на Абас. После тоа, парламентот се најде во голема мера парализиран. Палестинскиот уставен суд на крајот го распушти кон крајот на 2018 година.

Претседателски избори во првиот квартал од следната година

Дали изборите ќе се одржат и под кои услови останува неизвесно, истакнува агенцијата ДПА. Израел го смета Источен Ерусалим за дел од својот главен град, кој го смета за неделив, и ги забрани официјалните политички активности на Палестинската власт во градот. Таа анексија генерално не е меѓународно призната.

Во опустошениот Појас Газа, Хамас е сè уште главен политички актер, и покрај војната со Израел. Претседателските избори, кои исто така не се одржуваат со години подолго од планираното, се закажани за првиот квартал од 2027 година.

Абас, кој сега има 90 години, ги доби последните претседателски избори на 9 јануари 2005 година. Неговиот редовен четиригодишен мандат заврши во 2009 година. Оттогаш, претседателските избори беа одложени или откажани неколку пати.

Тагови: избори Палестинците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Невеста во раскошна венчаница направи хаос на социјалните мрежи- на велот влече бебе (ВИДЕО)

Свадбена фотографија брзо стана вирална на социјалните мрежи, но не поради прекрасниот фустан на невестата, декорациите или романтичниот момент кога младенците влегоа во салата.

Невеста во раскошна венчаница направи хаос на социјалните мрежи- на велот влече бебе (ВИДЕО)

Вниманието на корисниците го привлече еден детаљ на самиот крај од нејзиниот долг вел - бебе завиткано во ќебе, кое на фотографијата изгледа како да е дел од самата свадбена облека.

Видеото прикажува млад пар кој се држи за раце додека влегува во салата. Невестата носи голема бела венчаница со долг, луксузен превез што се протега неколку метри зад неа, додека младоженецот е во елегантен црн костум со елек. Сепак, наместо венчаницата, главната тема на разговор стана она што беше зад невестата.

На крајот од превезот е мало бебе завиткано во меко ќебе, кое невестата го „влече“ по подот со секој чекор, што предизвика изненадување и загриженост кај многумина. Фотографијата набрзо почна да се споделува на социјалните мрежи, а коментарите се слеваа со брзо темпо.

„Дали ова беше навистина потребно?“

Многу корисници не го криеја своето незадоволство и се прашуваа зошто бебето е вклучено во таков момент, објави Она.

Поголемиот дел од критиките беа поврзани со безбедноста на детето, бидејќи некои коментатори истакнаа дека новороденче не треба да биде на подот од салата каде што се движат гости, келнери и младенци, дури и ако целата сцена трае само неколку моменти.

„Прекрасна фотографија, но не можам да престанам да мислам на бебето“, беше едно од мислењата што често се повторуваше меѓу корисниците.

Други веруваа дека целата идеја е направена само заради ефективна рамка за социјалните мрежи и дека денес често се преминува границата помеѓу прекрасен незаборавен момент и потребата да се создаде нешто што ќе го привлече вниманието на интернетот.

Свадбите сè повеќе стануваат спектакл за социјалните мрежи

Оваа фотографија повторно го отвори прашањето колку далеку одат луѓето денес за да го создадат совршениот момент за објавување на интернет.

Свадбите станаа многу повеќе од традиционална прослава во последниве години - младенците смислуваат посебни влезови, кореографии, необични фотографии и сцени што ќе се паметат. Многу луѓе сакаат нивниот ден да изгледа како сцена од филм, но ваквите обиди често предизвикуваат мешани реакции.

Некои го гледаат тоа како креативност и желба да се направат спомените поинакви, додека други веруваат дека практичноста и безбедноста понекогаш се забораваат поради атрактивниот изглед.

Фотографијата од младенците и бебето на крајот од превезот стана уште еден пример за тоа како еден единствен момент може да предизвика сосема различни реакции - од воодушевување и емоции до загриженост и критика.

И додека некои тврдат дека интернетот е премногу брз да суди врз основа на една слика, други веруваат дека прашањата поврзани со безбедноста на децата секогаш заслужуваат внимание. Едно е сигурно - оваа необична сцена од свадба успеа да го привлече вниманието на илјадници луѓе и да стане тема на дискусија со денови.

Тагови: невеста венчаница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер