„Од дива депонија до европско решение – солуција за Струга“ - Канал 5

Македонија

„Од дива депонија до европско решение – солуција за Струга“

Струшката депонија останува најсериозна еколошка и здравствена закана во градот и пошироко. 

„Од дива депонија до европско решение – солуција за Струга“

При посета на локацијата, евроамбасадорот Рокас изрази шок од размерите на проблемот и се заложи за итни мерки. Невладините организации бараат нејзина целосна дислокација, додека општината најавува редовно одржување сè до трајното решавање на проблемот.

Потребни се итни решенија за струшката депонија, која повеќе од две децении претставува сериозен еколошки и здравствен ризик за населението. Ова е заклучокот од јавната расправа насловена „Од дива депонија до европско решение – солуција за Струга“, што ја организираа Граѓанската сила „Замисли“ и БЦКП „Солуција“ со поддршка на локалната партнерска организација ЗРА „Аква“. Пред почетокот на самата дискусија, депонијата ја посетија евроамбасадорот во земјава Михалис Рокас, струшкиот градоначалник Менди Ќура, заедно со претставници на граѓанскиот сектор, со цел да ја увидат алармантноста на состојбата на лице место.

„Искрено, шокиран сум од размерите на проблемот. Бев свесен дека депонијата не ги исполнува потребните стандарди, но кога човек ќе види дека се наоѓа на само неколку стотици метри од домовите на граѓаните, во непосредна близина на реката, водоводната мрежа и езерото, тогаш станува јасно колку е сериозна ситуацијата“, изјави Рокас.

Тој потсети дека Европската Унија веќе подолг период го поддржува воспоставувањето на регионален систем за управување со отпад во Новаци како трајно решение, но нагласи дека поради доцнењата во реализацијата неопходно е паралелно да се преземат и итни активности за справување со сегашната состојба.

„Европската Унија стои зад проектот за регионален третман на цврст отпад во Новаци, но тоа е долгорочно решение, а состојбата овде бара итни мерки. Ќе разговарам со надлежните институции и со градоначалникот за да утврдиме кои конкретни чекори можат веднаш да се преземат.“, истакна Рокас.

Германската амбасадорка во земјава, Петра Дрекслер, којашто се приклучи на дискусијата, истакна дека и граѓанската одговорност во ваквите случаи е битна, но и дека граѓаните треба да добијат конзистентни решенија, да имаат каде да го одлагаат и рециклираат отпадот што претходно ќе го селектираат.

„Мислам дека треба повеќе притисок од нас како амбасадори врз надлежните институции, за да се интензивираат работите. На земјата ѝ треба колективен систем за менаџмент со отпадот, а граѓаните мора да се добро едуцирани и спремни да придонесат. Ова е многу комплексна дискусија и дефинитивно не е само до владините или локалните институции“, истакна Дрекслер.

Градоначалникот на Струга, Менди Ќура, изрази уверување дека посетата на евроамбасадорот на депонијата ќе даде дополнителен поттик за побрзо реализирање на проектот за регионалната депонија.

„Формирано е координативно тело кое работи на овој проект, а финансиските средства за изградба на системот во Новаци се веќе обезбедени. Активно работиме на подготовките и оваа недела имаме нов состанок посветен на следните чекори. Очекуваме наскоро да биде распишан тендер за постројката за третман на отпадот и веруваме дека на тој начин конечно ќе се надмине проблемот“, изјави Ќура.

Тој посочи дека Општината веќе ангажирала компанија задолжена за одржување на депонијата, чија обврска е и да спречува појава на пожари. Воедно, упати апел за координирана вклученост на сите релевантни институции, како на локално така и на централно ниво, како и за поголема информираност и свесност кај граѓаните за сериозноста на состојбата, со цел што побрзо решавање на проблемот.

Адвокатот и еколошки активист Глигорие Ќатоски оцени дека посетата е особено важна бидејќи за првпат прашањето за депонијата се отвора на повисоко политичко ниво.

„На европскиот амбасадор му ги презентиравме размерите на проблемот. Во 2021 година измеривме дека депонијата достигнуваше висина од 22 метри, додека денес таа е висока околу 30 метри над нивото на теренот. Тоа значи дека во период од пет години пораснала за речиси десет метри“, рече Ќатоски.

Според него, единственото долгорочно и одржливо решение е целосно преместување на депонијата, деконтаминација и рекултивација на просторот и негово пошумување, додека отпадот во иднина би се депонирал во рамки на регионалниот систем во Новаци.

„Сѐ додека не биде изградена регионалната депонија, Општина Струга треба да воведе конкретни мерки за селекција и рециклирање на отпадот. Нашите анализи покажуваат дека на тој начин количеството отпад што завршува на оваа локација може да се намали за дури 80 проценти“, нагласи Ќатоски.

Тој потсети дека законската обврска за решавање на проблемот ја имаат Министерството за животна средина, Општината и Јавното комунално претпријатие. Според него, неопходно е континуирано и одговорно управување со депонијата за да се избегнат нови пожари и еколошки инциденти какви што имаше во минатото. Ќатоски, инаку, има поднесено и две апликации до Судот за човекови права во Стразбур во врска со депонијата, откако во Македонија судските инстанци се прогласиле за ненадлежни за правно санкционирање на загрозувањето на здравјето и животот на граѓаните. И двете апликации се прифатени и во следниот период Судот треба да расправа за овој случај.

Да потсетиме, посетата на депонијата и дискусијата што се одржа вчера произлегоа од јавната дебата „Кажи си ја маката“, организирана на 12 мај годинава од „Замисли“ и „Солуција“, со поддршка на ЗРА „Аква“. Настанот тогаш предизвика голем интерес меѓу жителите на Струга, а заклучокот беше дека депонијата претставува најсериозен локален проблем и дека заслужува посебна јавна расправа насочена кон изнаоѓање конкретни решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Поради кавга за мобилен- татко и син паѓаат во бездна, загина и мајката (Вознемирувачко видео)

Потресно видео кое го прикажува моментот кога татко и син паѓаат од карпа во индиската држава Махараштра кружи на социјалните мрежи.

Поради кавга за мобилен- татко и син паѓаат во бездна, загина и мајката (Вознемирувачко видео)

18-годишното момче и неговите татко и мајка починаа во петок, 21 август, откако скокнаа од карпа еден по друг. На трагедијата ѝ претходела расправија за мобилен телефон што момчето го купило на рати, но не можело да го исплати, објави НДТВ.

Според медиумските извештаи, Кунал Чандгуде излегол од дома по расправија со својот татко и се искачил на рид во областа Тисгаон околу 10 часот наутро. Неговите родители го следеле, а за време на речиси тричасовниот разговор, им се придружиле бројни селани, и го слушнале Кунал како се заканува дека ќе скокне од карпата.

Селаните се обиделе да го разубедат.

„Тој живее за мајка си“, се обидел да го убеди еден човек.

„Не, морам да умрам. Тоа е единствениот начин“, одговорил Кунал.

Поранешниот старешина на селото, Санџај Јадав, исто така, се обидел да разговара со младиот човек.

„Го молевме да ја погледне мајка му, да не скока, му рековме дека е образован и дека има иднина пред себе. Пробавме сè“, рече Јадав.

Други дури понудија да му купат iPhone 15 Pro, но Кунал сепак инсистираше дека смртта му е единствениот излез.

Според полицијата, младиот човек го купил iPhone-от на рати и барал пари од семејството за да го отплати. По расправија со татко му за последната рата, тој излегол од дома во бес и се искачил на карпата. Околу 13 часот, неговиот татко, Мурлидар, му се приближил на својот син кој стоел на работ на карпата и се обидел физички да го извлече од работ. За жал, двајцата ја изгубиле рамнотежата и паднале во бездната, што исто така било снимено со камера.

Мајката на Кунал, Сангита, која ги видела сопругот и синот како паѓаат, отишла до работ на карпата неколку моменти подоцна и скокнала. Сите тројца починале на местото на настанот.

Полицијата сè уште не објавила дополнителни детали за семејниот спор, ниту ги потврдила претходните извештаи дека Кунал можеби се борел со депресија.

Тагови: Мајката мобилен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојче се капело во езеро во САД, кога ја нападнала „амеба што јаде мозок“- почина

Осумгодишно девојче од Луизијана почина од ретка амеба што го напаѓа мозокот, за која се верува дека ја добила додека пливала во езеро во близина на нејзиниот дом.

Девојче се капело во езеро во САД, кога ја нападнала „амеба што јаде мозок“- почина

Веста ја потврдија нејзиното семејство и здравствените власти, пишува CNN.

Лилијан Смарт, од Растон, северна Луизијана, починала во болница за време на викендот, не долго по прославата на својот осми роденден. Нејзините родители претходно објавија дека девојчето имало тежок оток на мозокот предизвикан од паразитот. „Синоќа Лилијан помина од нашите раце во рацете на Исус“, напиша вчера семејството на Фејсбук. „Оштетувањето на мозокот беше премногу сериозно и нејзиното мало тело не можеше да се опорави.“

Смртоносна инфекција

Одделот за здравство на Луизијана минатата недела објави дека едно лице можеби ја добило амебата Naegleria fowleri додека пливало во езерото Клејборн, на околу 50 милји од Растон. Иако властите официјално не го објавија идентитетот, семејството и пријателите потврдија за локалните медиуми дека станува збор за Лилијан.

Овој микроскопски организам живее во топли свежи води, а инфекцијата се јавува кога контаминираната вода влегува во носот и стигнува до мозокот. Министерството објаснува дека болеста не може да се добие со голтање вода, ниту пак се пренесува меѓу луѓето. „Инфекцијата е исклучително ретка, но речиси секогаш фатална“, објавија здравствените власти.

Исклучително ретки случаи

Инфекциите со амебата Naegleria fowleri се ретки. Според Министерството за здравство на Луизијана, од 1937 до 2025 година, потврдени се само 180 случаи, од кои три биле во Луизијана.

Повеќето случаи се пријавени во јужните и централните американски држави поради потоплите клими. Сепак, неодамнешните истражувања покажуваат дека климатските промени ги загреваат водите и во северните и среднозападните држави, проширувајќи ја областа каде што амебата може да се колонизира.

Според Центрите за контрола и превенција на болести (CDC), раните симптоми вклучуваат главоболка, треска, гадење и повраќање. Инфекцијата е тешко да се дијагностицира и брзо напредува. Подоцнежните фази на болеста може да вклучуваат вкочанетост на вратот, конфузија, халуцинации и губење на рамнотежа.

Збогување на семејството

Лилијан е на интензивна нега од минатата недела. Нејзината мајка напиша на Фејсбук дека девојчето било примено во болница поради висока температура, а подоцна почнало да гледа двојно.

Пред нејзината смрт, неколку локални бизниси во Растон организирале собирање средства за семејството на нејзиниот роденден, објави KNOE. Жителите велат дека Лилијан била позната во заедницата по својата веселост. „Таа секогаш беше среќно дете“, изјавил еден сопственик на локален бизнис за KNOE. „Секогаш кога ќе ја видевте, таа имаше насмевка на лицето.“

„Сите правеа сè што можеа за да ја задржат со нас“, напишаа родителите на Лилијан на Фејсбук. „Срцата ни се скршени и искрено не знаеме што да правиме следно.“

CNN претходно објави слични случаи. Во 2023 година, жител на Џорџија починал од истата амеба, додека во 2022 година, првата смрт на дете поврзано со истиот патоген е регистрирана во Небраска. Во двата случаи, здравствените власти потврдија дека пациентите се заразиле откако пливале во свежа вода.

Тагови: девојче езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Грција: Албанец ѝ дал 1.000 евра на сопругата „за трошок“, па отишол да ја убие љубовницата

Албанец (48), осомничен дека убил жена (45), која наводно му била љубовница, вчера наутро во Грција, а потоа извршил самоубиство, ѝ оставил на сопругата 1.000 евра „за трошок“ пред да се впушти во крвавото дивеење.

Драма во Грција: Албанец ѝ дал 1.000 евра на сопругата „за трошок“, па отишол да ја убие љубовницата

Според информациите од грчките и албанските медиуми, Албанецот ѝ ги оставил парите на сопругата пред да излезе од дома, велејќи ѝ да „продолжи да штеди“. Потоа отишол во Неа Смирни, каде што ја убил 45-годишната жена, а веднаш потоа извршил самоубиство.

Сопругата на сторителот, која била повикана да даде исказ, наводно изјавила дека забележала значителна промена во неговото однесување во текот на околу 18 месеци.

Според неа, 48-годишникот често бил отсутен од дома, а имало и ноќи кога спиел на друго место, без таа да знае каде е или дали е во врска со друга жена.

Според истите информации, неговата сопруга ѝ рекла на полицијата дека се плашела од него.

„Раскинав со него затоа што беше љубоморен“

Во исто време, се очекува изјавите на луѓе од околината на 45-годишната да фрлат дополнителна светлина врз нејзиниот однос со 48-годишникот, а особено што му претходело на злосторството.

Според информациите, жртвата ѝ се доверила на својата сестра дека е во врска со маж, но дека одлучила да раскине поради неговата љубомора. Таа наводно ѝ рекла дека ќе продолжи да инсистира и дека се плаши од него.

Ноќта на убиството, 45-годишната била сама во куќата. Нејзината ќерка не била во Атина, туку отишла во Агринио со нејзиниот чичко.

Камерите го снимиле злосторството

Во исто време, природата на врската помеѓу 48-годишникот и 45-годишната жена е под лупа на полицијата, додека неговите електронски уреди се анализираат за да се утврди комуникацијата или други докази што би можеле да ја комплетираат сликата за тоа што му претходело на злосторството.

Одлучен елемент е и снимката од безбедносните камери во областа, кои го снимиле злосторството. Според досегашните информации, 48-годишниот маж изгледал како да ја чекал 45-годишната жена пред нејзината куќа. Кога таа ја отворила вратата и излегла, тој ја застрелал, а потоа го насочил револверот кон себе и извршил самоубиство.

Оружјето што го користел 48-годишникот наводно било во негова нелегална сопственост.

Се истражува и неговото минато во Албанија.

Властите го истражуваат и минатото на сторителот во Албанија. Според информациите од protothema.gr, 48-годишникот бил предмет на интерес на албанските власти во 2016 година, кога бил уапсен во Тирана под обвинение за силување на неговата сопруга.

Албанските медиуми, исто така, објавија дека тој бил гонет за следење.

Тагови: Албанец љубовница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер