Новите модели на PEUGEOT 308 се олицетворение на францускиот шармантен дизајн на PEUGEOT: тие се првите во гамата што имаат осветлен амблем, вистински потпис на брендот. Овој нов преден дел, исто така, вклучува нова решетка и нов светлосен потпис во форма на три канџи, за уште помоќно присуство на патот.

Новите PEUGEOT 308 овозможуваат задоволство при возење и беспрекорно и спокојно искуство со поврзаните услуги, заедно со иновативните функции V2L и Plug & Charge.

Со децении, PEUGEOT е помеѓу главните на европскиот пазар за седани и каравани во C сегментот, нудејќи модели познати по нивниот препознатлив дизајн, задоволство при возење и динамично однесување на патот. PEUGEOT 308 е дел од ова наследство, рангирајќи се меѓу најпродаваните модели во сегментот во бројни земји.

Денес, новиот PEUGEOT 308 го подигнува задоволството при возење на сосема ново ниво, со префинет нов дизајн, уникатни динамични квалитети, низа погонски склопови кои ги задоволуваат сите потреби, вклучувајќи го и уште поефикасен PEUGEOT E-308, и новата низа услуги кои обезбедуваат ова исклучително искуство да продолжи целосно спокојно.

PEUGEOT ги нуди новите модели PEUGEOT 308 и 308 SW со четири опции за погон: електричен, hybrid, plug-in hybrid и дизел, и пет нивоа на опременост, Style, Allure, GT и GT exclusive, како и Business.

Дизајнирани во Франција и произведени во фабриката во Mulhouse, новите PEUGEOT 308 се израз на француската извонредност. Како и сите модели на PEUGEOT во Франција (електричните, ICE и hybrid, PC и LCV), новиот PEUGEOT 308 има придобивки од PEUGEOT CARE: до 8 години / 160.000 km гаранција за возилото. (во зависност од земјата)

Нарачките ќе бидат отворени на есен 2025 година.

ФРАНЦУСКИ ШАРМ

При нивното лансирање, PEUGEOT 308 и 308 SW оставија силен впечаток со нивниот смел и елегантен дизајн. Тие беа и првите автомобили во гамата што го имаа новиот амблем на PEUGEOT. Денес, тие одат чекор уште подалеку со осветлување на амблемот.

Впечатлив стил

За прв пат на PEUGEOT, осветлен преден дел

Впечатлив и дополнително го истакнува уникатниот карактер на PEUGEOT 308 и 308 SW. Амблемот на PEUGEOT, осветлен за прв пат, зазема централно место на овој обновен преден дел, гордо потврдувајќи го изразот на брендот. Радарот за близина, дискретно скриен зад амблемот, останува невидлив за корисникот, а воедно обезбедува високо ниво на безбедност.

Над амблемот, сет од светлечки ленти елегантно ја истакнуваат решетката и го прошируваат осветлувањето на PEUGEOT 308 кон новите предни светла, со што се нагласува цврстатс градба на автомобилот.

Широкоградниот став на новиот PEUGEOT 308 е нагласен со истакнати ексензии од почетокот на крилата до крајот на предната страна, кое се протега од фаровите.

Трапезоидниот облик на долниот дел од новиот браник, исто така, силно ги истакнува новите PEUGEOT 308 на патот, надополнет со отворите за воздух на двата краја.

Дизајн и ефикасност: отворите за воздух на краевите на новиот браник го насочуваат протокот на воздух кон внатрешноста на лаковите на тркалата, правејќи ги новите модели на PEUGEOT 308 меѓу најаеродинамичните во сегментот. Ова ја оптимизира потрошувачката на гориво и опсегот кај plug-in hybrid и електричните верзии.

Новата решетка е во боја на каросеријата, беспрекорно интегрирана во каросеријата, во согласност со најновите модели на PEUGEOT. Кај сите нови PEUGEOT 308, елементите на решетката се распоредени пошироко во центарот за да се оптимизира протокот на воздух и стануваат погусти кон страните, подобрувајќи го неговото визуелно присуство. GT нивото на опременост доаѓа стандардно со осветлен преден дел за дополнително да го нагласи неговиот препознатлив карактер.

Остар изглед

Новите PEUGEOT 308 се одликуваат со уникатен светлосен потпис, со три тенки LED светла во форма на три лавоски канџи поставени во пределот на погледот за да се зголеми експресивноста на возилото. Овој култен потпис, кој исто така функционира и како дневни светла и индикатори (со секвенцијални индикатори на GT и GT Exclusive), целосно го отелотворува идентитетот на PEUGEOT.

За да се зголеми експресивноста кај новиот PEUGEOT 308, функциите на осветлување, средното и долгото светло, распоредени во два надредени хоризонтални делови (средно светло погоре; долго светло подолу) се поставени пониско. Благодарение на многу компактните модули, тие се дискретно интегрирани во браникот, станувајќи речиси невидливи кога сте во мирување.

Предните светла имаат придобивки од новата PEUGEOT FULL LED Technology кај Style, Business и Allure и PEUGEOT Matrix LED Technology кај GT и GT Exclusive.

Новите PEUGEOT 308 сега се опремени со најдобриот заден светлосен потпис кај сите нивоа на опременост со трите наклонети LED светла во форма на три лавоски канџи поставени од двете страни на елегантната црна лакирана лента над амблемот на PEUGEOT.

Новите PEUGEOT 308 и 308 SW, спорт и елеганција

Делејќи ја истата ДНК, но претставувајќи два различни стила. Новиот PEUGEOT 308, со својот уникатен стил и совршено избалансирани пропорции, несомнено овозможува еден од најспортските дизајни во C сегментот. Новиот PEUGEOT 308 SW, целосен модел во гамата, се издвојува со својот елегантен профил и софистициран заден дел што му овозможуваат да комбинира елеганција и практичност.

Уникатен карактер

Нови фелни

Новите PEUGEOT 308 и 308 SW во Allure, GT и GT Exclusive се опремени со сосема нови алуминиумски фелни со дијамантски сјај. Овие Фелни, кои носат елеганција, иновација и аеродинамика, се резултат на оддадената работа од дизајнерскиот тим на PEUGEOT. Овие алуминиумски фелни се достапни во големина од 17” кај изведбите Allure и во големина од 18” кај изведбите GT и GT Exclusive. Сите електрични верзии на PEUGEOT 308 и 308 SW стандардно доаѓаат со новите 18-инчни алуминиумски фелни со дијамантски сјај, во сите нивоа на опременост.

Новите нивоа на опременост Style и Business сега имаат фелни со црна алуминиумска завршна обработка.

Впечатливи нови бои

Новиот PEUGEOT 308 е достапен во нова сина Lagoa боја, која е префинета и впечатлива. Палетата на бои кај новиот PEUGEOT 308 SW е збогатена со симболичната сина Ingaro боја, ценета кај другите модели на брендот.

Префинета внатрешност

Елегантен и пријатен дизајн на ентериерот

Динамиката на надворешниот дизајн се отсликува и внатре: линиите се елегантни, чисти и беспрекорно ги интегрираат инструмент таблата, централниот 10“ екран на допир и главните контроли.

Уникатната архитектура на инструмент таблата е дизајнирана да ослободи максимален простор во корист на патниците напред. Висококвалитетните материјали, како што се вистинскиот алуминиум и Alcantara®, дополнително го подобруваат чувството на удобност.

Елегантна нова графика за инструмент таблата

Сите нови PEUGEOT 308 се стандардно опремени со дигитална инструмент табла, со нова 3D графика (опционално кај GT и стандардно кај GT Exclusive), што придонесува за задоволството при возењето преку својата елеганција и оптимална читливост.

Пет i-Toggles за поинтуитивни контроли

Интегрирани во елегантна црна лента под централниот екран на допир, петте i-Toggles им овозможуваат на возачите на новите PEUGEOT 308 да конфигурираат кратенки до нивните претпочитани поставки за одредени функции: на пр. Клима уред, телефонски контакти, радио станица, навигација до дома, итн.

Прилагодливо амбиентално осветлување

Кај новиот PEUGEOT 308 е посветено внимание на секој детаљ, вклучувајќи го и амбиенталното осветлување (8 бои по избор) што се протега од контролната табла до панелите на вратите.

Новиот PEUGEOT 308 SW практичен колку што е и елегантен

Новиот PEUGEOT 308 SW овозможува одлична секојдневна практичност благодарение на седиштата во вториот ред што можат да се поделат на три дела (40/20/40) со склопливи контроли достапни од багажникот.

Кај новиот PEUGEOT 308 SW Hybrid, во Allure, GT и GT Exclusive, подот на багажникот со две позиции помага идеално да се организира товарниот простор, со волумен од 598 литри до 1487 литри. Дополнително, електричната задна врата од багажникот го олеснува пристапот до багажникот кога имате полни раце.

СЕНЗАЦИИ КОИ ГО ЗГОЛЕМУВААТ ЗАДОВОЛСТВОТО

Повеќе од кога било, новите PEUGEOT 308 го продолжуваат наследството на моделите PEUGEOT во C сегментот, овозможувајќи исклучително задоволство при возењето.

Посветени на задоволство при возењето

Динамично однесување кое поставува стандард

Наследувајќи ја реномираната експертиза на PEUGEOT во однесувањето на патот, новите PEUGEOT 308 се издвојуваат по својата агилност, динамичност и стабилност. Сензациите при возење се оптимизирани со ниската положба за возење и квалитетот на филтрација на вибрации што ја обезбедува суспензијата.

PEUGEOT i-Cockpit® со уникатна ергономија што служи за задоволство

Клучен елемент на задоволството при возење кај PEUGEOT, познатиот PEUGEOT i-Cockpit®, достигнува еден од своите најпрефинети изрази кај новите PEUGEOT 308. Со инструментална табла во висина на погледот, компактен управувач... ергономијата е исклучителна. Сè е природно позиционирано во висина на погледот и рацете на возачот, вклучувајќи ги и контролите лоцирани на централниот дел од контролната табла, која е малку ориентирана кон возачот.

Сеопфатен избор на погонски склопови

100% електрични сензации, зголемен опсег

За да ги поттикнат своите клиенти кон нивниот премин кон електрична мобилност, кај новиот PEUGEOT E-308, PEUGEOT нуди особено високо-перформансен погонски склоп со зголемен опсег. Еволуција што дополнително ја подобрува привлечноста на PEUGEOT E-308, веќе рангиран како најефикасен автомобил на пазарот (зад E-208) на германскиот ADAC Ecotest 2024.

Електричниот мотор од 115 kW (156 КС) заедно со 270 Nm вртежен момент овозможув динамично забрзување. Тој е комбиниран со батерија од 58,3 kWh (55,4 kWh употреблива) што работи на 400 волти.

Регенеративното сопирање овозможува непречено искуство при возење. Користејќи ги палките зад компактниот управувач, возачот лесно може да го активира регенеративното сопирање на 3 нивоа, левата палка ја зголемува регенерацијата, а десната ја намалува. Трите нивоа на регенерација се: Ниско (-0,8 m/s²) за сензации блиски до оние на возило со внатрешно согорување, Умерено (-1,3 m/s²) за зголемено забавување при отпуштање на педалата за гас и Зголемено (-1,8 m/s²) за максимално забавување и со тоа максимална регенерација. Последните две нивоа автоматски ги вклучуваат задните стоп светла.

Новиот PEUGEOT E-308 овозможува продолжен опсег од 450 km (комбиниран циклус според WLTP), со што се позиционира на врвот во својот сегмент во овој поглед. Овие перформанси, кои претставуваат напредок од 34 km во споредба со претходните модели, се постигнати преку извонредната работа на ефикасноста.

Трофазен вграден полнач е стандарден, испорачувајќи 11 kW моќност. Приклучокот за полнење е компатибилен со сите режими на полнење. На јавна станица за полнење од 100 kW, можно е полнење од 20% до 80% за 32 минути.

Разноврсност и моќност на plug-in hybrid

Новиот PEUGEOT 308 Plug-in Hybrid со 195 КС комбинира електричен мотор од 92 kW (125 КС) со 1,6-литарски 4-цилиндричен мотор со внатрешно согорување од 150 КС (110 kW), за комбинирана моќност од 195 КС (143 kW). 7-степениот автоматски менувач со двојна спојка e-DCS7 гарантира брзо и непречено менување на брзините.

Овој plug-in hybrid погонски склоп од втора генерација вклучува батерија од 17,2 kWh што обезбедува дополнителни 20 km опсег, добивајќи 100% електричен опсег за возење до 85 km (комбиниран циклус WLTP). Може да се полни за само 2 часа и 5 минути (полнач од 7,4 kW) или за 7 часа и 25 минути со користење на стандарден приклучок за домаќинство (10 A, 2,3 kW).

Динамичност и едноставност на хибридот

За клиентите кои бараат прв премин кон електрификацијата, кај новиот PEUGEOT 308 има верзија и со hybrid погонски склоп од 145 КС поврзан со 6-степениот електрифициран автоматски менувач со двојна спојка e-DCS6.

Благодарение на батеријата што автоматски се полни за време на возењето, оваа технологија обезбедува дополнително зголемување на вртежниот момент за особено динамично забрзување, а воедно одржува контролирана потрошувачка (4,8 до 5 l/100 km во зависност од моделот, комбиниран циклус WLTP). Во урбаните средини, PEUGEOT 308 и 308 SW Hybrid 145 можат да возат до 50% од времето во 100% електричен режим со нула емисија.

Ефикасен дизел за задоволување на сите потреби

Со посветеност на обезбедување решенија прилагодени на сите клиенти и употреба, PEUGEOT го нуди новиот PEUGEOT 308 со 1,5 L BlueHDi 130 КС четирицилиндричен дизел мотор кој ја докажа својата ефикасност. Со својот автоматски менувач EAT8, тој е особено погоден за интензивно возење на долги растојанија.

Задоволство за сите патници

Седишта посветени на Вашето спокојство

Новите PEUGEOT 308 се одликуваат со елегантни, спортски предни седишта. Сертифицирани од AGR, ознака за извонредност доделна од независно здружение на медицински и здравствени професионалци за нивните ергономски квалитети и широк спектар на прилагодувања, се достапни како опција кај нивоата на опременост Allure и GT.

Функциите за масажа и греење кај предните седишта се нудат и како опции кај овие нивоа на опременост и се стандардни кај GT Exclusive.

Особено богата опрема за удобност

Новите PEUGEOT 308 поставуваат највисоки стандарди во својот сегмент со опремата поврзана со удобност.

Опционално кај GT и како стандард кај GT Exclusive, AQS (Систем за квалитет на воздух) постојано го следи квалитетот на воздухот што влегува во кабината и, доколку е потребно, автоматски го активира рециклирањето на воздухот. Овој систем е надополнет со Clean Cabin, кој го третира воздухот со филтрирање на штетните гасови и честички.

За оптимална удобност, апликацијата за паметни телефони MyPEUGEOT овозможува далечинско програмирање на системот за клима уред/греење на автомобилот, осигурувајќи дека кабината е на идеална температура до моментот кога ќе тргнете. Опционалниот подвижен покрив овозможува да уживате во сончевата светлина.

За исклучително музичко искуство, како опција е достапен Focal® Premium Hi-Fi систем, резултат на неколкугодишна соработка во дизајнот помеѓу PEUGEOT и тимовите на Focal®, француски специјалист за висококвалитетни аудио системи. Се состои од 10 звучници со ексклузивни патентирани технологии, спарени со 12-канален засилувач од 690 W.

Новите PEUGEOT 308 се стандардно опремени со целосна поврзаност, вклучувајќи функција за безжично пресликување на паметни телефони Apple CarPlay и Android Auto, и четири USB-C приклучоци (два на предните седишта, два на задните седишта).

СЕКОЈДНЕВНИ ПАРТНЕРИ ДИЗАЈНИРАНИ ДА ТРААТ

Новите PEUGEOT 308 се најсовршениот израз на искуството на PEUGEOT во сегментот C...

ФРАНЦУСКА ИЗВОНРЕДНОСТ

Уникатни комбинации на материјали

Сите нови PEUGEOT 308 (Allure и GT) се одликуваат со уникатни материјали за седишта кои се особено елегантни и висококвалитетни. За уште поголема удобност и префинетост, GT Exclusive може е опремен и со Alcantara® тапацир.

Елеганцијата на оригиналните алуминиумски украсни елементи е еден од заштитните знаци на PEUGEOT 308. Достапни во GT опремата, тие се протегаат по целата ширина на контролната табла, продолжуваат на вратите за ефект на обвиткување, а се наоѓаат и на централната конзола.

Префинетост во секој детаљ

Окружувањата на лаковите на тркалата лоцирани на двата краја од долниот дел на задниот браник сега се покриени со особено елегантен црн лак. За траен модернизам, новите PEUGEOT 308 повеќе не се опремени со хромирани украсни елементи. Конечно, тие ги добиваат и новите PEUGEOT монограми, кои комбинираат современост и префинетост.

Високо ниво на рециклирање

Новите PEUGEOT 308 и 308 SW поставуваат нови стандарди во одржливоста, интегрирајќи над 30% зелени материјали (рециклирани и обновливи) во нивната конструкција. Повеќе од 30 полимерни компоненти, како што се инструмент таблата направена од влакна од коноп и рециклирана пластика што се користи во браниците и кутиите за складирање, ја истакнуваат оваа еколошка посветеност.

Сите наши возила се во согласност со строгите критериуми за хомологација, со 85% рециклирање по маса и 95% можност за обновување.

PEUGEOT 308 користи 31% рециклирани материјали (405 kg), со 34% челици и 58% рециклиран алуминиум, како и 40 kg рециклирани полимери и биоматеријали.

PEUGEOT 308 SW исто така содржи 31% рециклирани материјали (423 kg), со 33% челици и 58% рециклиран алуминиум и 40 kg рециклирани полимери и биоматеријали.

Овие резултати ја покажуваат посветеноста на PEUGEOT кон животната средина, правејќи ги новите PEUGEOT 308 и 308 SW одговорни избори за потрошувачите.

Новиот стил на PEUGEOT 308 е дизајниран од дизајнерските тимови на PEUGEOT со седиште во Vélizy во парискиот регион. Сите нови PEUGEOT 308 се склопуваат во историската фабрика во Mulhouse во источна Франција.

Целосна гама на услуги за целосно спокојство (во зависност од државата)

Далечински ажурирања

Новите PEUGEOT 308 имаат придобивки од далечински ажурирања на софтверот, што им овозможува на корисниците секогаш да имаат придобивки од најновите достигнувања без да мора да го посетуваат својот дилер.

Најновата генерација на информациски системи на PEUGEOT и поврзани услуги (во зависност од земјата)

Новите PEUGEOT 308 во Style и Allure стандардно доаѓаат со инфозабавниот систем PEUGEOT i-Connect®, овозможувајќи целосна поврзаност благодарение на функцијата за безжично пресликување (Apple CarPlay/Android Auto). Тие исто така имаат придобивки од пакетот за поврзани услуги PEUGEOT CONNECT ONE*: известување за состојбата на возилото и потенцијални повици испратени до паметниот телефон на возачот преку апликацијата MyPeugeot, е-Coaching преку совети прикажани на централниот екран на автомобилот за оптимизирање на возењето во 100% електричен режим, е-ROUTES со Free2Move Charge...

Технолошкиот пристап е комплетен кај новите PEUGEOT 308 кај Business, GT и GT Exclusive со системот PEUGEOT i-Connect® Advanced, кој се одликува со високо-перформансна TomTom поврзана навигација. Тие исто така нудат пакет за поврзани услуги PEUGEOT CONNECT PLUS** кој интегрира вештачка интелигенција ChatGPT поврзана со гласовниот асистент PEUGEOT, далечински команди преку апликацијата MyPeugeot (видете подолу), Планер за патувања (видете подолу), лоцирање на возилото итн.

* Вклучена претплата за 10 години.

** Вклучена пробна претплата за 6 месеци.

Апликацијата MyPeugeot за секогаш да останете поврзани (во зависност од државата)

Апликацијата за паметни телефони My PEUGEOT му овозможува на корисникот на новите PEUGEOT 308 и 308 SW постојано да биде поврзан со своето возило и да пристапува до многу далечински функции:

Добивајте известувања за какви било потреби за одржување, закажете термин директно со Вашиот дилер на PEUGEOT и консултирајте се со Прирачникот за одржување на автомобилот во апликацијата.

Лоцирајте го Вашето возило, на пример кога е паркирано подалеку.*

Далечински командувајте заклучување на вратите и активирајте светла или сирена за да го лоцирате автомобилот.*

Започнете или закажете претходно поставување на температурата. Освен удобноста, оваа функција помага да се оптимизира опсегот кај plug-in hybrid и електричните верзии со предвидување на претходното климатизирање на температурата на батеријата кога возилото е вклучено во струја.*

Прегледајте, закажете, започнете или одложете го полнењето на батеријата за plug-in hybrid и електричните верзии. Ова не само што заштедува време, туку е и начин да се избегне трошење или потрошувачка повеќе отколку што е потребно.*

*Достапно со пакетот PEUGEOT CONNECT PLUS. (во зависност од државата)

Целосно и оптимизирано електрично искуство

За да им обезбеди спокојство кај клиентите, PEUGEOT нуди Планер за патувања кај новиот PEUGEOT E-308. Интегриран во поврзаниот систем за навигација и услугите PEUGEOT CONNECT PLUS, овој систем оптимално ги планира патувањата за да го максимизира опсегот на автомобилот и да го олесни полнењето. За да ја пресмета идеалната рута, системот го зема предвид растојанието што треба да се помине, нивото на наполнетост на батеријата при поаѓање, посакуваното ниво на полнење на батеријата при пристигнување и достапните станици за полнење кон дестинацијата, интегрирајќи ја предвидливата потрошувачка на енергија (врз основа на критериуми како што се брзина, сообраќај, условите на пат и надморска височина).

Доаѓањето на функцијата „ограничување на полнење до 80%“, достапна во наизменична струја (AC), овозможува прилагодување на нивото на полнење на дневната употреба.

Полнењето на јавните станици е олеснето со новата функција "Plug & Charge": станицата автоматски го препознава автомобилот штом ќе се поврзе кабелот за полнење, елиминирајќи ја потребата од значка, наменска апликација или дури и банкарска картичка за плаќање! Цената на потрошената електрична енергија ќе биде директно земена од сметката на сопственикот. Оваа нова функција "Plug & Charge" е веќе достапна на над 10.000 станици за полнење во Европа, главно лоцирани на главните сообраќајни патишта, и се очекува да биде широко развиена во наредните години.

PEUGEOT E-308 сега е опремен со можност за поставување на функцијата V2L, овозможувајќи ѝ на високонапонската батерија на автомобилот да напојува надворешни електрични уреди. На пример, за полнење на електричен велосипед или за управување со мобилно осветлување. Системот може да обезбеди до 3,5 kW и 16 A. Адаптерот за напојување на надворешна опрема е достапен како додаток во дилерските салони на PEUGEOT.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.