Нов хит меѓу напитоците: Црно млеко и негови предности - Канал 5

Рецепти

Нов хит меѓу напитоците: Црно млеко и негови предности

Алтернатива која помага во балансирање и оптимална функција на организмот.

Нов хит меѓу напитоците: Црно млеко и негови предности

Во последно време, црното млеко привлече внимание, пред сè поради својот нутритивен профил. Се прави од натопено црно сусамово семе, вода и урми, и станува популарна алтернатива за оние кои избегнуваат лактоза и бараат полесна опција.

Следејќи ги трендовите на овесно, бадемово, кокосово и соино млеко, црното млеко се издвојува не само по својот вкус, туку и по богатата минерална содржина. Црното сусамово себе е познат по подлабокиот вкус во споредба со белиот сусам, изобилува со витални хранливи состојки и антиоксиданси што го прави ова млеко интересен додаток во здравата исхрана.

Нутритивни предности

Една од главните причини што црното млеко привлече интерес се неговите нутритивни предности. Црниот сусам е особено богат со калциум, правејќи го овој напиток привлечен за оние што не консумираат кравјо млеко или бараат дополнителни билни извори од овој есенцијален минерал.

Покрај калциумот, црниот сусам содржи и цинк, бакар, витамин Е и антиоксиданси, кои поврзани заедно го подобруваат здравјето на кожата, виталноста на косата и општиот имунитет. Урмите во рецептот имаат двојна цел, даваат природна сласт, а преку своите влакна и природниот шеќер даваат енергија на организмот.

Како се приготвува црно млеко

Приготвувањето и едноставно. За основниот рецепт се потребни: пола шолја црн сусам, 3-4 шолји вода, 2-4 урми и прстофат сол. Натопете го сусамот најмалку половина час, потоа процедете го и измешајте го со вадата, урмите и солта додека не добиете изедначена смеса.

Смесата процедете ја низ газа или фино сито за да се отстранат ситните цврсти делови. Вака приготвениот напиток може да се чува во затворено стаклено шише во фрижидер 3-4 дена, но важно е да се протресува пред употреба бидејќи природните состојки може да се раздвојат.

Вклучување на црното млеко во исхраната

Црното млеко може да го пиете чисто или да го користите како состојка во смутија, овесни каши, кафе, какао или како основа за здрави десерти. Меѓутоа, клучно е да бидете умерени. Иако црниот сусам е хранлив, тој е доста калоричен, содржи и здрави масти, па се препорачува да не се претерува. За оние кои имаат алергии, паметно е да го воведуваат постепено во нивната исхрана.

Препорачаната доза би била пола до една шолја неколку пати во неделата. Црното млеко е вкусен и хранлив додаток во исхраната, не е магично решение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Епидемијата се смирува, но пронајдена е нова бактерија во гостиварскиот водовод

Епидемијата во Гостивар полека стивнува, но водата и понатаму може да се користи само за техничка употреба поради тоа што се појавила нова бактерија во водоводна мрежа кажа вчера премиерот Мицкоски.

Епидемијата се смирува, но пронајдена е нова бактерија во гостиварскиот водовод

Министерот за здравство Клековски пак рече дека бројот на новоаболени се намалува и очекува гостиварци да добијат питка вода до утре . Сепак, вели крај на епидимијата ќе може да се прогласи дури откако ќе нема ниту еден новозаболен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Французите ја открија платата на Зидан во прашање се милиони

Зинедин Зидан е новиот селектор на француската репрезентација, а според информациите на францускиот медиум „RMC Sport“, легендарниот фудбалер и поранешен тренер на Реал Мадрид ќе има многу профитабилен договор.

Французите ја открија платата на Зидан во прашање се милиони

Светската фудбалска легенда, Зинедин Зидан е новиот селектор на француската репрезентација, а според информациите на францускиот медиум „RMC Sport“, легендарниот фудбалер и поранешен тренер на Реал Мадрид ќе има многу профитабилен договор со Француската фудбалска федерација.

Зидан ќе заработува 300.000 евра месечно, а таа сума би можела дополнително да се зголеми преку бонуси.

Доколку ги исполни сите поставени цели, неговата заработка може да достигне и до 450.000 евра месечно.

Новиот селектор на „триколорите“ потпиша четиригодишен договор, а негова главна задача ќе биде да ја подготви репрезентацијата за Светското првенство во 2030 година.

Тоа значи дека неговиот загарантиран годишен приход ќе изнесува 3,6 милиони евра, додека со максималните бонуси би можел да достигне и до 5,4 милиони евра годишно.

Интересно е што Зидан би можел да ги надмине приходите на својот претходник Дидие Дешам, кој ја предводеше Франција 14 години. Според истиот извор, Дешам заработувал околу 3,8 милиони евра годишно.

Претседателот на Француската фудбалска федерација, Филип Диало, не сакаше да потврди конкретни бројки кога новинарите го прашаа за договорот на Зидан, но нагласи дека парите не биле клучен фактор во преговорите.

„Искрено, не станува збор за пари. Првпат се сретнав со Зидан во февруари 2025 година и не разговаравме за пари. Разговаравме за желбата на Федерацијата француската репрезентација да победува и за играчите што тој сонува да ги види во синиот дрес“, изјави Диало. Зидан ќе го има својот прв натпревар како селектор на Франција во Лигата на нации, кога „Триколорите“ ќе гостуваат во Турција на 25 септември.

Тагови: Зинедин Зидан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран: Ормутскиот теснец останува затворен сè додека траат заканите од САД

Иранската Револуционерна гарда објави дека Ормутскиот теснец нема повторно да се отвори сè додека траат заканите од САД и – како што тврди таа – мешањето на Вашингтон во регионалниот поморски сообраќај.

Иран: Ормутскиот теснец останува затворен сè додека траат заканите од САД

„Ормутскиот теснец не може повторно да се отвори сè додека продолжуваат заканите и запаливата реторика од американските официјални лица, како и нивното мешање во поморскиот сообраќај во регионот“, соопшти Револуционерната гарда.

Иран тврди дека има цврста контрола врз влезните и излезните точки на теснецот, кој претставува една од најважните светски рути за транспорт на нафта и гас.

Американската војска ги оспорува иранските тврдења во врска со затворањето на теснецот, наведувајќи дека комерцијалните бродови продолжуваат да минуваат низ него со помош на САД.

Револуционерната гарда тврди дека, поттикнати од американски летала, два танкера за нафта во текот на ноќта се обиделе да поминат низ дел од јужниот дел на Ормускиот Теснец, кој Иран го смета за небезбеден.

Двата брода се вратиле назад кратко откако на еден од нив избувнал голем пожар, соопшти Револуционерната гарда.

Причината за пожарот не е соопштена, а во моментов нема ниту независна потврда за иранската верзија на настаните.

„Ормускиот Теснец е наша територија, а морнарицата на Револуционерната гарда одржува цврста контрола врз него. Нема да дозволиме каква било сила што доаѓа од илјадници километри подалеку да се меша“, изјавија од Револуционерната гарда.

Во последните денови, Иран исто така известуваше за пресретнување или напади врз танкери што се обидувале да пловат низ теснецот без негово одобрение.

Вчера, Револуционерната гарда објави дека пресретнала три танкери за нафта. САД започнуваат нов бран напади врз Иран Соопштението на Револуционерната гарда уследи по почетокот на нов бран воздушни напади на американската војска врз ирански цели.

Тагови: Иран Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер