Непрекинат умор: Што всушност се случува додека „одморате“ пред екран? - Канал 5

Здравје

Непрекинат умор: Што всушност се случува додека „одморате“ пред екран?

 Во свет каде одморот стана синоним за „скролање“, сè  потенка е линијата помеѓу релаксацијата и исцрпеноста. 

Непрекинат умор: Што всушност се случува додека „одморате“ пред екран?

Се будиме почнувајќи го денот со екранот, а така и го завршуваме. Иако денес сè повеќе професии се онлајн и голем дел од нашето работно време го поминуваме пред екранот, ништо поинакво не е ни слободното време.

Според глобалните податоци, просечна личност поминува повеќе од шест часа пред екран дневно, додека кај помладите генерации тој број надминува седум. Истовремено, сè поголем број истражувања укажуваат на истиот образец: колку повеќе време поминуваме во дигитална средина, сè почесто се соочуваме со пад на енергијата, концентрацијата и општото задоволство. Исто така, бесконечното „скролање“ не само што предизвикува незадоволство, туку и го нарушува квалитетниот сон, еден од основните предуслови за здравје.

Анализа на OECD (Организација за економска соработка и развој), спроведена во повеќе од десет земји, покажува дека луѓето кои поминуваат повеќе од пет часа на ден пред екран имаат значително поголем ризик за полошо ментално здравје во споредба со оние кои умерено користат екрани.

Кога последен пат сме си легнале без „брзо“ да разгледаме што има на Интернет? Без да отвориме TikTok, платформата X, да погледнеме уште некое видео за мотивација, или некое еден од оние смешни видеа што сигурно ќе нè насмеат и ќе ни го подигнат расположението?

И кога последен пат сме се разбудиле наспани, расположени, без главоболка, без потребата веднаш, пред да ги отвориме очите, да посегнеме по телефонот?

Парадоксот е едноставен: никогаш не сме имале повеќе можност да се опуштиме без всушност да се опуштиме. Можеби наместо скролање, сме избрале прошетка, кафе со пријатели или тренинг, но известувањата и понатаму пристигнуваат. Мислејќи дека е кратко видео, порака или известување, посегнуваме по телефонот и повторно го активираме нашиот мозок.

Во просек, луѓето го проверуваат својот телефон повеќе од 50 пати дневно, а тоа создава постојано одвлекување на вниманието и нè оддалечува од реалниот живот.

Заморот што го чувствуваме честопати не е последица на физичка работа, туку на постојана ментална стимулација без вистински одмор.

Мини детоксикација како решение

Во денешниот динамичен начин на живот со брза храна, често посегнуваме по брзи детоксикациски решенија - вода со чиа семе или разни напитоци за „чистење“ на организмот, но што ако почнеме да ги чистиме сопствените мисли на сличен начин, создавајќи простор за ментален одмор?

30 минути без телефон по будењето

Ниедна информација не е толку итна што не може да почека додека природно не се разбудиме и го започнеме денот. Утринска нега, туширање, подготовка на појадок без телефон се мали промени што долгорочно може да доведат до големи придобивки.

Читање книга пред спиење

Иако можеме да читаме на екранот, сината светлина нè буди и може да го наруши сонот. Неколку минути читање книга пред спиење може да ни помогне да се опуштиме и да се „исклучиме“ по напорниот ден, без дополнително преоптоварување со содржини.

Кратка прошетка без телефон

Дали некогаш сте се нашле во ситуација да сте прошетале, а да не се сеќавате што всушност сте виделе? Една од причините е постојаното проверување на известувањата. Кратката прошетка на свеж воздух, додека свесно ја набљудуваме околината, може постепено да нè одвикне од постојаната потреба за стимулација.

Решението можеби не лежи во целосна дигитална детоксикација, туку во малите паузи што ги воведуваме во нашиот секојдневниот живот - моменти без екрани, без содржина и без потреба постојано да бидеме стимулирани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Трета економија во Европа, а задолжување секоја недела

Мицкоски ќе ја задолжи земјата со 4 милијарди евра за две години.

СДСМ: Трета економија во Европа, а задолжување секоја недела

Мицкоски може да продолжи со своите бајки за трета економија и да кажува што сака.

Само што ситуацијата не е за смеење - туку за плачење.

Внуците ќе ги враќаат кредитите на Мицкоски. Со генереации.

4 милијарди евра во криминални партиски тендери за 2 години.

Оваа Организирана криминална група нема граници.

Додека премиерот се фали со раст и „трета економија“, реалноста е сосема друга:

• Ново задолжување од 1,3 милијарди евра.

• Вкупно околу 4 милијарди нов долг за само две години.

• Јавниот долг се движи кон 12 милијарди евра – над 65 % од БДП.

• Каматите скокнаа на 350 милиони евра годишно (од околу 120 милиони претходно).

• Буџетот е празен, а парите одат во тендери.

• Потошувачката кошничка се покачи за 10.000 денари за две години и сега е 90.000 денари со кирија.

• Цените се покачени до плафон.

Мицкоски може да се смее колку сака на своите бројки.

Статистиката не ги полни фрижидерите. Граѓаните најдобро ја гледаат во своите празни паричници.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Американските специјални претставници Стив Виткоф и Џаред Кушнер разговараа  во Киев за начините за завршување на војната во Украина. 

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Подоцна им се придружија и некои европски советници за национална безбедност, вклучувајќи го и советникот за национална безбедност на Велика Британија, Џонатан Пауел пренесува Би-Би-Си. Но според медиумот фундаменталните разлики остануваат. Американските претставници дојдоа брзо од Москва, каде што Владимир Путин им кажа дека Русија прави „опиплив напредок“ на бојното поле. Приказната што ја слушнаа од Украина беше поинаква, всушност спротивна. Украинските власти тврдат дека во август добиле повеќе територија отколку што изгубиле, а Русија претрпе 42.000 жртви, мртви или ранети. Путин, исто така, им кажа на американските претставници дека мора да се решат корените на конфликтот, неговите стратешки барања украина да отстапи територија, да се откаже од надежите за приклучување кон нато и да ја намали големината на својата армија.по разговорите, Зеленски инсистираше дека Украина ќе бара „силни и јасни“ безбедносни гаранции, вклучително и силна армија тој не даде никакви знаци дека е подготвен да се откаже од која било територија во источниот регион донбас, прашање што го опиша како „тешко“. Виткоф инсистираше дека е постигнат напредок и дека постојат состојки за спогодба. Но, тој призна дека обете страни ќе мора да направат компромиси за да ги намалат разликите меѓу нив. И во моментов, тешко е да се замисли дека која било од страните ќе го стори тоа. Значи, засега, очекувањето во киев е дека борбите ќе продолжат и дека ќе се соочат со тешка зима.

Тагови: Виткоф и Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во Мајами: Се урна товарен авион, има мртви (ВИДЕО)

Најмалку пет лица загинаа денес кога товарен авион на Амазон излетал од пистата на меѓународниот аеродром во Мајами во САД, удирајќи во неколку возила, соопштија официјални лица.

Драма во Мајами: Се урна товарен авион, има мртви (ВИДЕО)

Неколку лица се однесени и во болници со непознати повреди, соопшти канцеларијата на шерифот на округот Мајами-Дејд, пренесува „NBC“.

Според американската Федерална администрација за воздухопловство (FAA), повеќе од 60 пожарникари од округот Мајами-Дејд реагирале на местото на несреќата.

Пожарникарите се обидуваат да го изгаснат пожарот што избувнал по падот на Боингот 767-300, а надлежната служба потврди дека имало „повеќе повредени“ во овој инцидент, пренесе американската телевизиска станица.

Како што е додадено во соопштението на „FAA“, авионот продолжил да се движи надвор од пистата околу 14 часот по локално време, откако долетал во Флорида од Сан Хуан, Порторико.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер