„Нашата држава е кредибилен сојузник“ – Мисајловски на средба со амбасадорот на САД во НАТО, Витакер - Канал 5

„Нашата држава е кредибилен сојузник“ – Мисајловски на средба со амбасадорот на САД во НАТО, Витакер

Министерот Мисајловски, заедно со началникот на Генералштабот на Армијата, генерал-мајор Сашко Лафчиски, го пречекаа американскиот амбасадор во НАТО во касарната „Илинден“ во Скопје.

„Нашата држава е кредибилен сојузник“ – Мисајловски на средба со амбасадорот на САД во НАТО, Витакер

Нашата држава е кредибилен сојузник со исклучително високо ниво на инвестиции во процесот на модернизација и опремување на Армијата, со што заеднички ја зајакнуваме и колективната одбрана на НАТО, порача денеска министерот за одбрана Владо Мисајловски по средбата со амбасадорот на Соединетите Американски Држави во НАТО, Метју Витакер.

Министерот Мисајловски, како што соопшти Канцеларија за воени односи со јавноста, ГШ на Армијата, заедно со началникот на Генералштабот на Армијата, генерал-мајор Сашко Лафчиски, го пречекаа американскиот амбасадор во НАТО во касарната „Илинден“ во Скопје, каде што разговараа за инвестициите во Армијата, исполнувањето на НАТО-целите на способности и зацврстувањето на колективната одбрана на Алијансата.

Мисајловски истакна дека одбранбениот буџет е во континуиран раст и се реализира согласно предвидената динамика. Информираше дека 32,5 проценти од државниот Буџет се издвојуваат за набавка на нова и модерна опрема.

Според него, државата е на добар пат до 2035 година да го исполни заеднички договореното ниво од 3,5 проценти од БДП за одбранбениот буџет и дополнителни 1,5 проценти од БДП за активности и проекти поврзани со одбраната.

Началникот на Генералштабот, генерал-мајор Сашко Лафчиски, информираше дека во тек е вежбата „Блесок 26“, во рамки на која ќе се изврши оценување на Лесната пешадиска баталјонска група, при што ја нагласи поддршката од Соединетите Американски Држави и сојузниците за остварување на оваа НАТО-цел на способност.

Во текот на посетата реализирана е и методско-показна вежба од припадници на Баталјонот на специјални сили и Извидувачко-разузнавачкиот баталјон, на која беа презентирани нивните способности, обученост и подготвеност за извршување на сложени мисии.

По завршувањето на вежбата, амбасадорот Витакер изврши обиколка на тактичко-техничкиот збор, каде беа изложени дел од вооружувањето, опремата, возилата и средствата со кои располага Армијата.

На настанот присуствуваа и вршителката на должност шеф на Мисијата на Амбасадата на САД, Никол Варнс, како и генерали и претставници на Армијата, Министерството за одбрана и Амбасадата на САД.

Од Министерството за одбрана оценуваат дека посетата на амбасадорот Метју Витакер претставува потврда за силното партнерство и сојузништво меѓу Република Македонија и Соединетите Американски Држави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Анчелоти ги израдува навивачите: Нејмар се враќа

Бразилската репрезентација лесно го победи Хаити во второто коло од Групата Ц со резултат од 3:0, а Карло Анчелоти откри неколку добри вести по натпреварот.

Анчелоти ги израдува навивачите: Нејмар се враќа

Бразилците не блескаа во дуелот со Хаити, но тоа беше доволно што по првото полувреме не мораа да се грижат за конечниот исход. Сепак, Нејмар повторно отсуствуваше од составот, кој не отпатува со тимот на вториот натпревар, но Анчелоти откри одлични вести.

Бразилскиот селектор беше прашан дали Нејмар ќе се врати пред дуелот со Шкотска и даде потврден одговор:

- Нејмар ќе тренира индивидуално утре, потоа ќе се врати на тренинг со тимот во недела, а потоа ќе биде во составот за натпреварот против Шкотска - рече Анчелоти.

Имаше сериозна контроверзност околу тоа дали Нејмар треба да оди на Светското првенство токму поради неговите чести проблеми со повреди. Анчелоти сепак го зеде со себе и сега Бразилецот би можел да дебитира на Светското првенство оваа година против Шкотите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Голем пожар беснее во Грција- го гаснат десетици пожарникари и пет авиони (ВИДЕО)

Драматични вести доаѓаат од североисточна Грција, каде што избувна сериозен пожар во земјоделско-шумска област во општина Маронеја. Пожарникарите се во состојба на зголемена готовност.

Голем пожар беснее во Грција- го гаснат десетици пожарникари и пет авиони (ВИДЕО)

Пожарот избувна попладнево, 20 јуни, во земјоделско-шумска област во областа Палеа Кровили во Родопските Планини, што предизвика итна мобилизација на противпожарните сили, објави Прототема.

42 пожарникари се на местото на настанот, потпомогнати од две пешадиски екипи и десет противпожарни возила, додека пет авиони испуштаат вода од воздух.

Во клисурата каде што избувна пожарот дуваат силни ветрови. Куќите засега не се во опасност, а пожарникарите вложуваат максимални напори за локализирање и ставање под контрола на пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Стејт департмент: Наредната рунда преговори меѓу Либан и Израел ќе се одржи во Вашингтон

Следната рунда либанско-израелски преговори ќе се одржи од 23 до 25 јуни во Вашингтон, објави Стејт департментот по телефонскиот разговор меѓу американскиот државен секретар Марко Рубио и либанскиот претседател Џозеф Аун.

Стејт департмент: Наредната рунда преговори меѓу Либан и Израел ќе се одржи во Вашингтон

За време на разговорите, Рубио „ја повтори потребата од разоружување“ на Хезболах и ја потврди „поддршката на Америка за напорите на владата во Бејрут за создавање целосно суверена либанска држава која е во мир со сите свои соседи“, изјави портпаролот на Стејт департментот, Томи Пигот, во соопштението, објави Ројтерс.

Четвртата рунда разговори меѓу Израел и Либан се одржа на почетокот на јуни во Вашингтон, а денес висок израелски функционер изјави дека прекинот на огнот меѓу Израел и либанската милитантна група Хезболах стапува на сила, под услов Хезболах да не го нападне Израел.

Порано, висок американски функционер изјави за Ројтерс дека Израел и Хезболах постигнале договор за прекин на огнот кој требаше да стапи на сила денес во 16 часот по локално време.

Иако потпишаниот меморандум за разбирање постигнат меѓу САД и Иран вклучува прекин на офанзивните операции во Либан, Израелските одбранбени сили (ИДФ) порано денес ги продолжија операциите насочени кон членовите на Хезболах и инфраструктурата на југот на земјата.

Според либанскиот претседател Џозеф Аун, во израелските напади во јужен и источен Либан загинале најмалку 18 лица, меѓу кои жени и деца.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер