Намирница идеална за пост на вода – не се знае дали е повкусна во слатка или солена варијанта - Канал 5

Рецепти

Намирница идеална за пост на вода – не се знае дали е повкусна во слатка или солена варијанта

Киноата е одлична безглутенска намирница и одлична како оброк што заситува за време на постот.

Намирница идеална за пост на вода – не се знае дали е повкусна во слатка или солена варијанта

Киноата е исклучително здрава, хранлива псевдожитарка без глутен со потекло од Јужна Америка. Ги содржи сите девет есенцијални аминокиселини, протеини, влакна, железо и магнезиум, што ја прави одлична храна за вегетаријанци и луѓе чувствителни на глутен, а лесна е за подготовка како прилог, во салати или каши.

Клучни карактеристики и придобивки:

Не содржи глутен, па затоа е безбедна за луѓе со целијакија или интолеранција на глутен.

Најпознати се белата, црвената и црната киноа, кои се разликуваат по текстура и вкус.

Пред готвење, важно е да се исплакнете под млаз вода за да се отстрани сапонинот (горчливиот површински слој). Се готви слично како оризот (односот на вода со киноа е обично 2:1), околу 15-20 минути додека зрното не стане меко и воздушесто.

Употреба во исхраната:

Киноата има неутрален вкус, па затоа лесно се комбинира во солени и слатки јадења. Одлична е како замена за ориз, во салати, супи, чорби или како хранлив појадок во форма на каша.

Здравствени придобивки:

Поради изобилството на минерали (магнезиум, манган, железо) и витамини (Б и Е), киноата го зајакнува телото, може да помогне во намалување на ризикот од хипертензија и има антивоспалително дејство.

Како да се користи за време на постот?

Киноата е идеален оброк за време на пост, таа се приготвува така што 1 чаша претходно измиена киноа (се плакне под млаз вода и се процедува 2-3 пати) се вари со 2 чаши вода 15-20 минути на тивок оган додека не се апсорбира целата течност. Зачинете со сол, а за вкус додадете зеленчук (пиперки, брокула, моркови) зготвен без масло или направете салата со свеж зеленчук и лимон.

Предлози за оброци со киноа

Салата од киноа: Измешајте ја зготвената киноа со сварен батат, наут и рукола, зачинете со сок од лимон.

Киноа со зеленчук: Ставете ја киноата во тенџере, додадете сечкан зеленчук (моркови, брокула, кромид) и уште 2-3 чаши повеќе вода. Гответе додека зеленчукот и киноата не омекнат.

Слатка киноа: Сварете ја киноата во вода, а кога ќе биде готова додадете калинка, какао во прав и јаткасти плодови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар од Босна и Херцеговина премина во Хрватска, ангажирани воени авиони и канадери

Пожар на отворено, кој избувна во Босна и Херцеговина, утринава се прошири на хрватската страна на планината Динара, соопшти Хрватската противпожарна заедница.

Пожар од Босна и Херцеговина премина во Хрватска, ангажирани воени авиони и канадери

Противпожарниот центар на Шибенско-книнската жупанија го откри пожарот преку систем за видеонадзор. Противпожарни единици веднаш биле упатени на местото на настанот.

Во гаснењето на пожарот моментално се вклучени 37 пожарникари со 19 возила, тие доаѓаат од Интервентната противпожарна единица на Шибеник, Јавната противпожарна единица (JVP) на Книн, како и од доброволните противпожарни друштва (DVD) на Книн, Кијево и Свети Јурај Кистање.

На терен е присутен и окружниот командант на противпожарните служби.

Во гаснењето на пожарот вклучена е и војската Хрватската противпожарна заедница соопшти дека, заклучно со 10:00 часот утрово, 26 припадници на противпожарниот вод на Хрватската војска се распоредени за да им се придружат на пожарникарите на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Се откажува ли Милан од Леао?

Милан се откажува од  Португалецот Леао?

Се откажува ли Милан од Леао?

Италијанскиот фудбалски гигант Милан одлучил да го намали обештеувањето за својата ѕвезда на 50 милиони евра.

Рафаел Леао би можел да го напушти Милан пред затворањето на преодниот рок.

„Кориере дело Спорт“ пренесува дека тренерот Рубен Аморим не го вклучува во своите планови и дека клубот веќе го известил тимот на играчот за тоа. Наводно, Милан е подготвен да прифати понуда која, вклучувајќи ги и бонусите, би достигнала околу 50 милиони евра

. Галатасарај би можел повторно да се обиде да го ангажира португалскиот фудбалер, откако Габриел Мартинели го одби трансферот во Истанбул.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈО: Тетовец осомничен за загрозување на сигурноста на сопругата и ќерката

Основното јавно обвинителство Тетово поведе постапка против 50-годишник за кого постои основано сомнение дека сторил кривични дела – Загрозување на сигурноста од член 144 став 3 во врска со став 2 и став 1, како и Неизвршување судска одлука според ч

ЈО: Тетовец осомничен за загрозување на сигурноста на сопругата и ќерката

Осомничениот, на 14 август, при вршење семејно насилство, сериозно се заканил дека ќе нападне врз животите на неговата сопруга и ќерка.

Кога во нивниот дом дошле непознати лица, барајќи од осомничениот да им врати 200 евра кои му ги дале за наводно лекување и дијализа на девојчето, сопругата признала дека ги измамил и рекла дека ќе повика полиција.

Во тој момент осомничениот започнал да го удира девојчето и да им се заканува дека ќе ги запали доколку го приведе полиција. Со ова тој предизвикал чувства на загрозување и страв кај оштетените, а ги прекршил и мерките за заштита од семејно насилство кои му биле претходно определени од Основниот суд во Тетово.

Ценејќи ги сите овие околности, надлежниот јавен обвинител до судијата на претходна постапка достави предлог за определување мерка притвор за осомничениот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер