„Највлакнестата тинејџерка во светот“: Ме викаа „мајмунско лице“, а денес имам дечко - Канал 5

Живот

„Највлакнестата тинејџерка во светот“: Ме викаа „мајмунско лице“, а денес имам дечко

Жена која претходно беше прогласена за „највлакнеста тинејџерка во светот“ денес изгледа многу поразлично, бидејќи целосно го избричила лицето.

„Највлакнестата тинејџерка во светот“: Ме викаа „мајмунско лице“, а денес имам дечко

Повеќе од една деценија откако го освои Гинисовиот рекорд за својот влакнест изглед, Супатра „Нат“ Сасупан од Тајланд го ослободи лицето од густата обвивка на влакна.

24-годишната девојка боледува од синдромот Амбрас – ретка форма на хипертрихоза, состојба што понекогаш се нарекува и „синдром на врколак“. Оваа болест предизвикува прекумерен раст на влакна и „дисморфични црти на лицето“, според Националната медицинска библиотека на САД.

Откако ѝ ја доделија титулата „највлакнеста тинејџерка во светот“, Гинисовата книга со рекорди објави дека има само околу 50 познати случаи од Средниот век наваму.

„Имаше некои што ме задевале и ми викаа ‘мајмунско лице’, но веќе не го прават тоа“

Во 2010 година, кога го доби признанието, Супатра изјави: „Не се чувствувам поразлично од другите, и имам многу пријатели во училиште. Влакнавоста ме прави посебна. Ова е најсреќниот ден во мојот живот!“

Можеби ве интересира: Стогодишен старец го собори Гинисовиот рекорд- 84 години работи за иста фирма (ВИДЕО)

Лекарите се обиделе со ласерски третмани да ги отстранат влакната што ѝ го покривале поголемиот дел од лицето, ушите, рацете, нозете и грбот, но тие се враќале сѐ погусти.

Нејзиниот татко, Самруенг, во 2012 година изјавил дека Супатра била самоуверена и активна девојка, и дека сакале луѓето да разберат дека е сосема нормално дете.

Сега е среќна и вљубена

Иако се помирила со болеста, Супатра изјавила дека сѐ уште се надева дека еден ден ќе биде излечена. „Имаше некои што ме задевале и ми викаа ‘мајмунско лице’, но веќе не го прават тоа. Навикната сум на состојбата. Не ги чувствувам влакната, бидејќи отсекогаш сум била ваква. Понекогаш ми пречат кога ќе станат долги и не гледам добро. Се надевам дека еден ден ќе бидам излечена.“

Иако сѐ уште ја има болеста, Супатра успеала да најде начин како да ја контролира – уште во 2018 година се појавија информации дека почнала редовно да го бричи лицето за да ја намали влакнавоста.

На фотографиите објавени на социјалните мрежи, таа е речиси непрепознатлива без густиот слој на влакна на лицето. Судејќи по нејзините последни објави на Фејсбук, изгледа дека сѐ уште се придржува до тој режим.

Во последно време, Супатра споделува и фотографии со нејзиниот нов партнер, со кого, според објавите, е во врска последните седум месеци.

Иако хипертрихозата е многу ретка, таа не е единствената што живее со оваа состојба – и едно семејство од Малезија чие дете ја има истата болест јавно зборуваше за своето искуство, како и едно момче од Индија со слична состојба, пренесува ЛедБајбл.

Можеби ве интересира: Американка го урна Гинисовиот рекорд-има најголема уста на светот (ВИДЕО)

Тагови: Највлакнестата тинејџерка во светот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер