„Мозокот“ на терористичките напади на 11 септември 2001 наскоро на слобода, Американците згрозени - Канал 5

Свет

„Мозокот“ на терористичките напади на 11 септември 2001 наскоро на слобода, Американците згрозени

Харун Асват (50), кој ја призна својата вмешаност во нападите на 11 септември во САД и бомбашките напади во Лондон на 7 јули 2005 година, наскоро би можел да биде ослободен.

„Мозокот“ на терористичките напади на 11 септември 2001 наскоро на слобода, Американците згрозени

Харун Асват (50), кој ја призна својата вмешаност во терористичките напади на 11 септември во САД и бомбашките напади во Лондон на 7 јули 2005 година, наскоро би можел да биде ослободен од специјализирана психијатриска установа во Велика Британија без целосна проценка на безбедносниот ризик.

Асват беше осуден на 20 години затвор во Соединетите Држави во 2015 година за обид за поставување камп за обука на терористи во Орегон. Додека бил во САД, британски психијатар го посетил, а Асват изјавил: „Јас сум терорист“.

Според документите на американскиот суд кои неодамна беа објавени, Асват признал дека е „мозокот“ зад нападите на 11 септември и бомбашките напади во Лондон во 2005 година, објавува , објави Дејли Меил.

Покрај врските со смртоносните напади во кои загинаа 52 лица во Лондон, Асват, според официјалните обвинувања, постојано се заканувал дека ќе убие Евреи, христијани и одредени групи муслимани.

Иако судијата на Високиот суд Роберт Џеј процени дека постојат „докази за постојана опасност“ што ја претставува Асват, тој ќе биде предмет само на таканаречени „налози за пријавување“ по неговото ослободување. Ова значи дека ќе мора да ја извести полицијата за неговата адреса, патување во странство и возилото што го користи.

Судијата Џеј заклучил претходно оваа година: „Ова се многу сериозни кривични дела и постојат докази за постојана опасност. Проценката на ризикот кога станува збор за терористички акти е секогаш неизвесна, а во овој случај е дополнително комплицирана од менталната нестабилност на обвинетиот“.

Иако целосна проценка на ризикот не е спроведена по неговото враќање во Велика Британија кон крајот на 2022 година, високи полициски службеници веруваат дека Асват сè уште претставува значителна закана за безбедноста. Детективскиот началник Гарет Рис од единицата за борба против тероризмот на Метрополитенската полиција рече: „Врз основа на моето искуство, неговото однесување предизвикува сериозни загрижености за ризикот што го претставува за националната безбедност и јавноста“.

Во американските судски документи се тврди дека Асват бил член на Ал-Каеда и лично се фалел со своите врски со Осама бин Ладен, а се обучувал во кампови во Авганистан во месеците пред нападите на 11 септември. Неговото име се појавило и во документи пронајдени во куќа во Пакистан што ја користел Халид Шеик Мохамед, мозокот на нападите врз САД.

Асват, исто така, му помогнал на озлогласениот проповедник на омраза Абу Хамза да се обиде да постави терористички камп во САД во 1999 година, а истражителите откриле дека 20 повици направени од бомбашите од 7/7 биле упатени кон број поврзан со Асват.

Психијатарот д-р Ричард Тејлор, кој го прегледал во 2022 година, предупредил дека Асват останува опасност. Неговиот извештај открил дека Асват покажал поддршка за Ал-Каеда, испраќал заканувачки писма мотивирани од идеологија и, дури и кога бил ментално стабилен, изразувал насилни екстремистички ставови.

Д-р Тејлор не завршил целосна проценка на ризикот од тероризам, но идентификувал 15 од 22 фактори што се сметаат за висок ризик според владините упатства. Тој заклучи: „Останува ризикот од исламистички мотивиран тероризам, како и ризикот дека тој ќе влијае на други ранливи лица“.

Иако владата на Велика Британија инсистира дека националната безбедност и заштитата на јавноста се нејзин апсолутен приоритет, загриженоста расте по веста за претстојното ослободување на Асват од Кралската болница Бетлем во Бромли.

Портпаролот на Министерството за правда изјави: „Полицијата и разузнавачките служби имаат на располагање низа законски овластувања за справување со секое лице кое претставува закана за националната безбедност. Ние секогаш ќе преземеме каква било акција што е потребна, во рамките на законот, за да ја заштитиме јавноста од потенцијално опасни лица“.

Сепак, опозицијата и многу јавни службеници изразуваат длабока загриженост. Џенрик рече: „Тој никогаш повеќе не треба да доживее слобода“.

Тагови: терористички напади

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пилешки стек со компири

Во вторник (20.10.2026) во емисијата гостин ни бeше Велина Стаменковиќ.

„Гответе со Дракче“ - Пилешки стек со компири

Состојки за денешниот рецепт:

500 гр. мали компири

3 лажици маслиново масло

30 гр. путер

3 парчиња пилешки стек

4 лажици кечап

4 лажици мајонез

1 лажиче сол

половина лажиче бибер

малку рузмарин, лук во прав и магдонос

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Жестока тепачка по турското дерби меѓу фудбалерите

Најголемото дерби во Турција, помеѓу Фенербахче и Галатасарај, заврши со тепачка меѓу играчите на теренот.

Видео: Жестока тепачка по турското дерби меѓу фудбалерите

Најголемото дерби во Турција заврши со победа на Галатасарај над Фенербахче (2:1), но натпреварот го одбележа хаос што настана веднаш штом судијата го означи крајот – и тоа меѓу фудбалери.

Прво дојде до кошкање, а потоа и до физички судир меѓу Арчи Браун и Абдулкерим Бадакчи.

Тие почнаа да разменуваат удари, паднаа на земја, а соиграчите и членовите на стручниот штаб веднаш интервенираа за да спречат уште посериозни инциденти.

Во еден момент, ситуацијата целосно излегла од контрола. До тој степен што полицајци морале на влезат на теренот за да спречат уште поголема тепачка. Играчите никако не можеа да се смират – имаше шутирање, туркање, закани...

Јасно е дека федерацијата ќе отвори истрага и дека ќе следат строги казни. Што се однесува до самиот натпревар, Виктор Осимен постигна два гола за победничкиот тим, додека Ирфан Кавеџи беше стрелец за гостите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Центар е лидер во локалната енергетска транзиција, до крајот на мандатот сите образовни објекти ќе добијат фотоволтаични централи

„Веќе имаме поставено фотоволтаични централи на детската градинка „Корчагин“, клон „Пепелашка“, како и на основните училишта „Киро Глигоров“ и „Св. Кирил и Методиј“. 

Герасимовски: Центар е лидер во локалната енергетска транзиција, до крајот на мандатот сите образовни објекти ќе добијат фотоволтаични централи

Градоначалникот на Општина Центар, Горан Герасимовски, учествуваше на панел-дискусијата „Кој ја обликува праведната зелена транзиција“, во рамки на Социо-еколошкиот форум во организација на Фондацијата „Фридрих Еберт“, каде ги претстави локалните политики и конкретните чекори што ги презема општината за енергетската транзиција, заштитата на зеленилото и унапредувањето на јавните простори.

Тој посочи дека општината со формирањето на „Енергија Центар“ во 2023 година, првото општинско претпријатие во државата за производство и продажба на електрична енергија од обновливи извори, стана лидер во процесот на енергетската трансформација.

„Веќе имаме поставено фотоволтаични централи на детската градинка „Корчагин“, клон „Пепелашка“, како и на основните училишта „Киро Глигоров“ и „Св. Кирил и Методиј“. Следен објект е ООУ „Димитар Миладинов“, каде по завршувањето на реконструкцијата на покривот ќе бидат инсталирани фотоволтаични централи. Наша цел е до крајот на мандатот сите образовни објекти под надлежност на Општина Центар да добијат фотоволтаични централи“, истакна Герасимовски.

Градоначалникот нагласи дека зелената транзиција подразбира и јавни простори што се пристапни за сите, вклучително и за постарите лица, лицата со попреченост и родителите со детски колички. Затоа, граѓаните треба да бидат вклучени уште во фазата на планирање, а не само да се консултираат откако проектите ќе бидат подготвени.

Општина Центар располага и со Зелен катастар и ГИС-портал, преку кои се евидентира, следи и планира зеленилото врз основа на конкретни податоци. Овие алатки овозможуваат подобар увид во состојбата со зелените површини и поодговорно планирање на нивната заштита и унапредување.

„Зелената транзиција не е само прашање на екологија и енергија. Таа е прашање на еднаквост, достапност и квалитет на живот. Ако сакаме навистина зелен и праведен град, мора да го градиме заедно со граѓаните, а не само за нив“, порача Герасимовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер