Повеќето корисници на „Windows“, без разлика дали имаат „Windows 10“ или новиот „Windows 11“, па дури и оние што користат постари платформи „Windows 7“ или „Windows XP“, се запознаени со тоа како функционира функцијата „Windows Power“. Постојат опции: „Shut Down“, „Restart“ и „Sleep“ за компјутер.
Во случај на некои итни ситуации, кога корисникот не може да ја заобиколи апликацијата, компјутерот или програмата се замрзнува, достапна е практична опција CTRL+ALT+DEL. Повеќето корисници го знаат ова кога ќе се заглават во оперативен систем или апликација.
Комбинацијата на копчиња CTRL+ALT+DEL го стартува екранот, со мени што ги содржи следните опции: Заклучи, Lock, Switch user, Sign out и Task Manager. „Windows 10“ има и опција „Change Password“, која не е достапна во „Windows 11“.
Сепак, она што многу корисници на „Windows“ не го знаат е постоењето на тајна опција „Emergency Restart“, која е скриена во рамки на CTRL+ALT+DEL екранот.
За да пристапи до функцијата „Emergency Restart“, корисникот мора истовремено да го притисне копчето „Power“ во долниот дел од екранот и копчето CTRL на тастатурата. Ако само го притиснете копчето „Power“, ќе се појават опциите „Sleep“, „Shut Down“ и „Restart“.
Microsoft ја имплементирал опцијата „Emergency Restart“ од самиот почеток на платформата, од верзијата „Windows NT 3.1“ од 1993 година. Интерфејсот секако еволуираше и стана помодерен, а како изгледа можете да видите во видеото.