Иако со доаѓањето на кросоверите, а особено нивните подинамични купе изданија, класичната спортска форма испадна од фокусот на јавноста, премиум производителите сепак ги нудат овие автомобили.
Меѓу нив, е и „Mercedes“. За волја на вистината, и од оваа компанија се свесни дека преголемата понуда на овие модели нема смисла, па ќе ја скратат на два автомобили.
Еден од нив е новиот „CLE“, кој ги заменува купеата од класата „C“ и „E“ во гамата. Истото важи и за кабрио верзиите.
Можеби најдобрата вест е дека кабриолет верзијата на „CLE“ ќе го задржи покривот од ткаенина, кој несомнено е поелегантен, компактен и многу полесен од преклопувачкиот тврд покрив.
Од друга страна, во тој случај „Mercedes“ ќе мора да вложи повеќе напори на полето на цврстината на самата конструкција.
„Mercedes“ ја најави премиерата на ова купе за среда, на 5 јули, кога најверојатно ќе бидат познати повеќе технички детали за механиката.
Од најавниот тизер можеме само да видиме како „CLE“ го наоѓа својот пример во купето од „S“-класата, кое траеше само една генерација, но беше и остана репер за елеганција.
Во врска со погонот, се шпекулира дека стартот ќе го означи електрифициран 2.0 бензински мотор. За потсетување, неговата хибридна седан верзија (C300e) произведува над 300 КС.
Во секој случај, понудата сигурно нема да оди подалеку од шест цилиндри и најверојатно ќе биде резервирана за изведбата „CLE 53 AMG“.