Шоу биз

„Ме пипаше, а неговата сопруга гледаше “ – актерка со обвинувања за претседателот Буш

Актерката Хедер Линд јавно проговори за сексуалниот напад од поранешниот Американски претседател Џорџ Буш.

Поранешниот претседател на САД , Џорџ Буш ја нападнал актерката, а сведок на нападот била неговата сопруга, Барбара. Актерката Хедер Линд, јавно го посрамоти поранешниот претседател со објавата на Инстаграм.

Ѕвездата на серијата „Turn: Washington's Spies" , на опишала средбата со Буш. „Кога добив можност да го запознаам поранешниот претседател Џорџ Буш пред четири години на промоцијата на една историска серија, на која работев во тоа време, сексуално ме нападна додека позиравме за заедничка фотографија. Ме пипкаше од позади, додека седеше во својата инвалидска количка, а неговата сопруга Барбара стоеше од страна. Ми раскажа и безобразна шега “, напиша 34- годишната актерка на Инстаграм.

Актерката раскажува и дека продолжил да ја пипа и за време на фотографирањето. Неговата сопруга само немо превртувала со очите, најверојатно сакајќи да каже „Не повторно “, а неговото обезбедување и рекло дека не требало да застане до претседателот. За настанот и објавата на актерката, од Дејли мејл се обратиле и кај поранешниот претседател Буш.„ Претседателот Буш никогаш, ниту под какви околности не би направил некој да се чуствува непријатно и затоа најискрено се извинува доколоку неговиот смисол за хумор ја навредил госпоѓицата Лунд “, се наведува во соопштението од кабинетот на Буш.

Македонија

Приведени двајца дилери на дрога, пронајдени над три килограми марихуана

Двајца прилепчани се приведени синоќа бидејќи во возилото „пежо“ со кое се превезувале биле пронајдени торба со над три килограми марихуана и автоматска пушка со празна рамка.

Министерството за внатрешни работи денеска соопшти дека двајцата дилери се приведени на регионалниот пат Дебар-Струга околу 21:30 часот. Автомобилот марка „пежо“ со скопски таблички било на рент а кар компанија. Возилото го управувал 34-годишниот Б.С., а сопатник бил 36-годишниот Д.Н.

Лицата се задржани во полициска станица и по целосно документирање на случајот против нив ќе биде поднесена соодветна пријава.

Здравје

Галант: Израел нема избор, мора да почне офанзива во Рафа

Израелскиот министер за одбрана Јоав Галант синоќа му кажал на својот американски колега, американскиот секретар за одбрана Лојд Остин дека Израел нема друг избор освен да почне офанзива во градот Рафа на југот на Појасот Газа.

Галант во телефонски разговор го информирал Остин за вчерашниот смртоносен ракетен истрел од Рафа на позициите на израелската армија, соопшти неговиот кабинет.

Тој изјавил дека се прават сите напори од страна на државата Израел да се постигне договор за ослободување на заложниците и привремен прекин на огнот и оти Хамас го отфрла секој предлог што ќе го овозможи тоа.

Галант му рекол на Остин дека „нема избор“ и дека тоа значи „почеток на израелска операција во Рафа“.

Притоа, тој се заблагодарил за блиската соработка и истакнал дека САД имаат важна улога во унапредувањето на дијалогот за ослободување на заложниците кои ги држи Хамас, пренесоа израелските медиуми.

Македонија

Демократскиот сојуз:Да гласаме за Македонија

Демократскиот сојуз ги повикува сите граѓани, без разлика на етничка, верска или политичка припадност, да излезат на гласање, да гласаат за стабилна, силна и унитарна Македонија.

Партиите кои се на власт, кои ги разградија институциите, ја криминализираа државата, ги загрозија националните и државните интереси, ги доведоа граѓаните во очај и предизвикаа масовно иселување, треба да одат во опозиција и да одговараат за грабежот и загрозувањето на опстанокот на државата.

Во овие сложени состојби кога се одлучува за иднината на Македонија, Ве повикуваме на масовно гласање за промени, за Гордана Силјановска Давкова (2) и за кандидатите за пратеници на Коалицијата ТВОЈА МАКЕДОНИЈА, предводена од ВМРО-ДПМНЕ (Број 2).

Бојкотот е антимакедонски чин и затоа повикуваме на разумно и одговорно однесување и гласање.