„Мали проблематични девојки“ најдобар медитерански филм на фестивалот „Преку езерото“ - Канал 5

Култура

„Мали проблематични девојки“ најдобар медитерански филм на фестивалот „Преку езерото“

 Со доделување на наградите синоќа заврши 4. издание на фестивалот „Преку езерото“. Наградата за најдобар медитерански филм на фестивалот „Преку езерото“ ја доби филмот „Мали проблематични девојки“ и Уршка Ѓукиќ.

„Мали проблематични девојки“ најдобар медитерански филм на фестивалот „Преку езерото“

Беа прогласени победниците и беше доделена големата награда за најдобар филм на медитеранот, најдобариот режисер на медитеранот, најдобра актерка и најдобар актер на медитеранот, најдобар композитор на оригинална филмска музика на медитеранот, и наградата за најдобар кусометражен филм на медитеранот, за кои одлучуваше жирито во состав: Христос Пасалис, Теодосија Добријанова, и Игор Анѓелков.

Беше доделена уште една награда, за најдобра медитеранска приказна, која ја доделува Студентското жири на фестивалот, кое избира и наградува сосема спротивно и сосема поинаку од големото фестивалско жири! Затоа што младоста има свои приказни!

-Во изминатите неколку денови гледавме неколку прекрасни, возбудливи, итни филмови, многу различни еден од друг, од различни држави, секој со своја естетика и предмет на интересирање. Погледнавме филмови кои ги отсликуваат некои од најитните прашања со кои денес се соочуваат Балканот и Медитеранот. Го видовме регионот како рута, но и како последна станица. Како дом и како ладен, индиферентен домаќин. Филмовите заедно создаваат палета од човечки искуства кои нам сега ни изгледаат барем малку поблиску. Гледајќи ги овие филмови заедно со вас беше привилегија, а да се биде дел од жирито – тоа беше задоволство, но и одговорност која не ја издржавме лесно. Вечерва, на затворањето на фестивалот, имаме чест да ви ги претставиме и победниците, рекол Христос Пасалис, претседател на жирито.

Главната награда за најдобар медитерански филм на фестивалот „Преку езерото“ ја доби филмот „Мали проблематични девојки“ и Уршка Ѓукиќ, за автентичното прикажување на моминското детство и тинејџерската сексуалност. Станува збор за длабоко и лежерно, сензуално деби кое отворено зборува за копнежот по оваа речиси неистражена територија помеѓу детството и животот на возрасните.

Наградата за најдобар краток филм ја добија два филма- „Момчето со бела кожа“ од Симон Панау и „Бланш“ од Јоана Ракотариса.

Наградата за најдобра музика ја доби „Било каде било кога“ од Милад Тангшир, за филм кој ја користи музиката не како позадина или атмосфера, туку како лик во наративот. Како секогаш присутен ентитет, нотите на музиката го следат протагонистот низ улиците на Торино, исполнувајќи ја сликата со носталгија, убавина и тага.

Наградата за најдобра актерка оди кај Фереште Хосеини за нејзиното фасцинантно толкување на модерната Антигона. Делејќи го истото име со својот протагонист, Хосеини отелотворува млада жена сместена во незамисливи услови, која одбива да биде сведена на стереотипи и очекувања за тоа како треба да се однесува еден бегалец, сопруга или жена, и инсистира за прв пат во својот живот, да биде сослушана.

Наградата за најдобар актер му припадна на актерот Акилас Каразисис за улогата на Такис во филмот „Месо“.

Наградата за најдобар режисер ја добива Уршка Ѓукиќ за филмот „Мали палави девојки“, за креативниот процес на откривање на самиот живот, храбриот пристап кон разбирањето на сложеноста на младоста преку автентично раскажување кое ги комбинира желбата, сексуалноста и верата.

Студентското жири ја донесе одлуката наградата „Најдобрата медитеранска приказна“ да му ја додели на филмот „Било ккаде било кога“ на Милад Тангшир, бидејќи овој филм покажува како безвременските теми можат моќно да се преосмислат во убедлива приказна што зборува за денешната општествена реалност подигајќи ја свеста за борбите на имигрантите и нуди свежа перспектива која ги руши стереотипите.

По доделувањето на наградите менторите на работилницата за развој на дипломски и дебитантски краток филм, Александар Русјаков и Дејан Милошевски, и директорот на фестивалот на медитеранскиот и балканскиот филм, проф.д-р Јани Бојаџи, ги соопштија овогодинешните добитници на грантови за развој и продукција на дипломски и дебитантски краток филм, по што следуваше проекција на филмот „Постојам“, Јоргос Цимберопулос (Грција).

Тагови: филмот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Петгодишно девојче проголта златна прачка, докторите со апел (ФОТО)

Неименувано 5-годишно девојче од северна Кина проголтало златна прачка од 50 грама и долга четири сантиметри и било хоспитализирано.

Петгодишно девојче проголта златна прачка, докторите со апел (ФОТО)

Бизарниот случај го привлече вниманието на јавноста и се случил на 16 август, според „Саут Чајна Морнинг Пост“.

Сериозна ситуација

Девојчето било донесено во болница, според локалните медиуми, шест часа откако проголтало мала златна прачка.

Лекарите ја оцениле ситуацијата како сериозна бидејќи тврдата прачка имала мазна површина, па затоа постоела можност да се заглави во дигестивниот тракт.

Таквиот предмет можел да ја повреди мукозната мембрана и да предизвика сериозни компликации, вклучувајќи перфорација и крварење.

Според болницата, девојчето ја проголтало прачката додека си играло дома.

Извршен ендоскопски преглед

Нејзиното семејство посетило неколку медицински установи пред да оди во болница, но ниту една од нив немала услови за итно ендоскопско отстранување на туѓото тело.

Лекарите извршиле ендоскопски преглед и откриле дека прачката се наоѓа во стомачната празнина, каде што просторот за извршување на постапката бил исклучително тесен.

Според извештаите, дури и најмалата грешка за време на интервенцијата можела да доведе до оштетување на мукозата на дигестивниот тракт.

Затоа, докторот внимателно ја зграпчил плочката со специјална форцепс, а потоа постепено ја извлекол од желудникот. На медицинскиот тим му биле потребни неколку минути за целосно да ја отстрани златната прачка.

Апел до сите родители

Според болницата, девојчето се опоравува добро, а сите нејзини витални параметри се стабилни.

Лекарите подоцна откриле дека туѓите тела во дигестивниот тракт се честа причина за итна медицинска помош кај децата.

Во претходните случаи, децата завршувале во болница откако проголтале монети, мали челични топчиња, па дури и шноли.

Властите апелираат до родителите веднаш да го однесат своето дете во болница - ако проголта туѓ предмет, наместо да се обидуваат сами да му помогнат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД почнаа голема операција против Иран- не е воена, туку економска

Американскиот министер за финансии, Скот Бесент, денеска  објави нови сеопфатни санкции кои имаат за цел прекинување на економските врски на Иран со остатокот од светот.

САД почнаа голема операција против Иран- не е воена, туку економска

Тој ја нарече операцијата „економски Ден Д“.

Пет клучни области на санкции

„Новите секторски одлуки за санкции издадени денес се насочени кон пет од најважните области што Иран ги експлоатира во други земји: дигитални средства, технологија, злато, авијација и бродарство“, рече Бесент на прес-конференција.

Мерките се дел од кампањата наречена „Операција Економски егзил“, која има за цел да ги прекине изворите на приходи за Корпусот на иранската револуционерна гарда (ИРГК).

Целта: Спречување на шверцот со нафта

„Министерството за финансии ги идентификуваше сите локации, секој посредник и секоја мрежа што Иран ја користел за шверц на нафта и избегнување на санкциите“, рече Бесент.

„Активностите на Министерството за финансии и другите агенции ќе го затегнат јажето почнувајќи од денес и ќе го блокираат секој потенцијален извор на приходи што ја финансира ИРГК“, додаде тој.

Притисок врз меѓународните партнери

Бесент рече дека тимови од Стејт департментот, Стејт департментот и американската војска се среќаваат со своите меѓународни колеги за да извршат притисок врз нив да ги запрат активностите што ги откри Вашингтон.

Тој рече дека на земјите им е даден рок до кој мора да ги прекинат овие активности и предупреди дека Вашингтон ќе преземе еднострани мерки ако не го сторат тоа.

„Секоја земја има специфичен рок за да ги запре активностите што ги идентификувавме. Доколку не дејствуваат, ние ќе го сториме тоа еднострано, преку механизмите на Министерството за финансии“, рече тој, без да ги именува земјите за кои станува збор или да разјасни кој е рокот.

Заканата на Трамп со економска војна

Претседателот Трамп минатата недела му се закани на Иран со невидена „економска војна“ и предупреди дека земјите што го поддржуваат Техеран, вклучително и оние што го прават тоа на нивните финансиски институции, компании, аеродроми и владини агенции, ќе се соочат со „огромни економски последици“.

Мировните преговори се во застој

Шест месеци откако избувна војната што САД и Израел ја започнаа против Иран, напорите за постигнување мировен договор се во застој.

Иако меѓусебните напади се намалија во последните недели, клучните прашања остануваат нерешени, вклучувајќи го повторното отворање на Ормутскиот теснец и иднината на нуклеарната програма на Иран.

Тагови: Иран операција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар на експресниот пат Штип- Кочани, сообраќајот во прекин (ВИДЕО)

На социјалните мрежи се појави снимка од голем пожар покрај експресниот пат Штип- Кочани.

Пожар на експресниот пат Штип- Кочани, сообраќајот во прекин (ВИДЕО)

Поради силината на пожарот, сообраќајот вечерва е во прекин.

На учесниците во сообраќајот им се препорачува, доколку е можно, да користат алтернативни патни правци и да не се упатуваат кон зафатената делница додека трае интервенцијата на противпожарниоте служби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер