„Македонски спасител“ одбележа 15 години - Канал 5

Македонија

„Македонски спасител“ одбележа 15 години

Велешкото здружение „Македонски спасител–безбедност на вода и планина“ синоќа во Европската куќа на млади во Велес одбележа 15 години од своето основање на 28 октомври 2010 година.

„Македонски спасител“ одбележа 15 години

Тие се национален тим за спасување на брзи води на територијата на Македонија, а се во состав на Дирекцијата за заштита и спасување.

Тие се единствен тим во потрага и спасување на давеници во реките во Македонија, како и на исчезнати и залутани лица. Учествувале на 15 - тина реални спасителни акции при поплави и катастрофи: за првпат во поплавите во Шабац-Србија во 2014 како и во поплавите во Стајковци во Скопје во 2016. Во нивното здружение поминале 50 волонтери, а преку нив биле обучени над 80 сертифицирани спасители на вода, а тие извеле и прва обука за јуниори спасители. Обезбедувале и обезбедуваат многу спортски домашни и меѓународни натпревари како кајак купови,параглајдер купови,ендуро и други трки и натпревари во земјава. Тие се прва организација во земјава која обучила странски пожарникари од Црна Гора за спасување на брзи води, информира за МИА, Ангел Пановски, претседател и основач на здружението, кое првично било формиранo за заштита на правата на спасителите на вода при Градскиот пливачки базен во Велес.

Во 2013, 2015 и 2017 година имале три обуки за спасување на отворени води која била изведена на велешко езеро „Младост“ од страна на организацијата ISLA од САД Калифорнија. Потоа во 2017 и 2019 година имале и меѓународна специјална обука за спасување на диви води и при поплави која била изведена на реката Вардар и езерото „Младост“ а која им била дадена од Операцијата „Флоријан“ од Манчестер, Велика Британија која им донела и целосна опрема за спасување која и денеска ја користат. Воедно тие уште пет-шест пати дополнителни им донирале опрема за техничко спасување на води на непристапен терен.

Пановски истакна дека соработката со Операција „Флоријан“ сеуште трае за што им искажуваат посебна благодарност .

Тој потенцира за одличната соработка со Дирекцијата за заштита и спасување,со МВР,со специјалните единици „Тигри“ на полицијата и Специјалнаите единици „Волци“ на Армијата,воедно со екипата на Брза помош при ЈЗУ Здравствен дом, со Општина Велес,Ротари Клубот многу здруженија како и со медиумите меѓу кои и МИА.

Воедно потсетi дека се прва организација во Велес која спровела теоретски предавања во основните и средни училишта со теми за безбедност на вода и планина и прва помош.

Тие се добитници на благодарница од ISLA од Калифорнија,САД, од Општина Велес пофалница 9-тти Ноември. Пановски потенцира дека најголемо признание добиваат од обичните граѓани на кои им помогнале во многи несреќи,поплави и катастрофи во сите изминати 15 години.

- Нашата визија е безбедност на водените површини и планински предели,преку создавање на државен тим за спасување,составен од повеќе единици за одговор при катастрофи.Воедно нашата мисија е превенција при посета на отворени води и планински предели во земјава преку едукација за ризиците при престој покрај вода и планина, најави Пановски.

На јубилејот присуствуваа и претставници на ДЗС и другите служби од МВР и вакви спасителни здруженија од Кочани,Охрид,како и Антонио Додевски претседател на Националниот сојуз за планинско спасување.

Антонио Додевски за МИА појасни дека „Македонски спасител“ е член на Националниот сојуз за планинско спасување во кој членуваат 12 организации од исто толку градови во Македонија.

- Здружението „Македонски спасител“, благодарение на нивната меѓуннародна соработка моментално е едно од подобро опремените организации во државата.Тие особено се истакнуваат со тоа што покриваат еден многу значаен сегмент и се единствени во Македонија за спасување на брзи води, реки, при поплави и во кањони. Затоа ние и како Национален сојуз ги охрабруваме да продолжат, иако нема многу фрекфентна потреба во спасување, но и еднаш да има таква несреќа,тоа е многу комплексна работа и која како држава е неопходно да ја имаме, а нивниот спасителен тим на „Македонски спасител“ досега одлично ја работи таа тешка и одговорна работа, оцени Додевски.

Тагови: Велес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер