Кога Још Дуамел (53) сфатил дека е „престар“ за својата жена (32) - Канал 5

Магазин

Кога Још Дуамел (53) сфатил дека е „престар“ за својата жена (32)

Џош Дуамел се пошегува дека е „премногу стар“ за својата сопруга Одра Мари откако сфатил дека таа е на иста возраст со неговата помлада сестра. 

Кога Још Дуамел (53) сфатил дека е „престар“ за својата жена (32)

Џош Дуамел се пошегува дека е „премногу стар“ за својата сопруга Одра Мари откако сфатил дека таа е на иста возраст со неговата помлада сестра. Актерот и поранешната Мис Америка се во брак од 2022 година, имаат две деца, а возрасната разлика помеѓу нив е 21 година.

Гостувајќи во подкастот „The HoneyDew with Ryan Sickler“, 53-годишниот Духамел рече дека благодарение на една стара фотографија станал свесен за огромната разлика во годините меѓу него и неговата сопруга.

Фотографијата го потсетила на разликата во години

Дуамел откри дека неговата помлада сестра Касиди е на иста возраст како и неговата сопруга. Тој се присети на моментот, кога како 21-годишен студент, дознал дека ќе добие сестра.

„Во тоа време играв фудбал за Државниот универзитет Минот. Се загревав покрај теренот и погледнав нагоре кон трибините и ја видов мајка ми со труднички стомак. Си помислив, „Дали е бремена?“, раскажа тој.

Години подоцна, пронашол фотографија како ја држи својата новородена сестра Касиди во рацете како 21-годишник. Токму таа глетка го навела да ги спореди нејзините години со годините на неговата сопруга. „Ја погледнав фотографијата, а потоа ја погледнав сопругата и реков: „Знаеш, ти и Касиди сте на иста возраст. Дали тоа е добро или лошо? Не сум сигурен“, се пошегува тој.

„Тогаш ѝ реков: „Уф, официјално сум престар за тебе!“ Никогаш не размислував за тоа така додека не ја видов таа фотографија“, рече тој.

Возраста е тема кога разговараат за децата

Одра Мари претходно зборуваше за нивната разлика во години, признавајќи дека тоа не е проблем во нивниот секојдневен живот, освен кога зборуваат за проширување на семејството. „Возраста не е проблем нормално, но дефинитивно станува проблем кога зборуваме за децата“, рече таа во разговор со Греам Бенсингер.

Таа објаснила дека верува оти Дуамел, доколку би бил помлад, можеби би сакал уште поголемо семејство. „Веројатно би имал уште пет деца ако сега имаше барем 40 години. Тоа е веројатно вистина. Сепак, ќе имаме неколку, се надевам, ако даде Бог“, додаде таа.

За неговиот брак со Ферги и животот со неговата позната сопруга

Дуамел се осврна и на неговиот брак со пејачката Ферги, со која беше во врска од 2009 до 2019 година. Тој призна дека не му било секогаш лесно да се справи со нејзината огромна популарност. „Тоа беше огромна пресвртница во мојот живот бидејќи таа беше огромна ѕвезда во тоа време. Искрено, морав многу да се прилагодувам“, рече тој.

Сепак, тој нагласи дека Ферги е сосема поинаква приватно од сликата што јавноста ја има за неа. „На крајот на краиштата, таа е сосема нормална личност. Таа е добра мајка и имаме одличен однос. Таа и мојата сопруга всушност се сложуваат одлично“, рече тој.

Актерот исто така призна дека нејзината голема слава веројатно влијаела на неговото его бидејќи често се чувствувал како да е во нејзина сенка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер