Против гласаа дури и пратениците од нејзината партија, околу стотина на број. По гласањето, Меј порача дека важно е да се слушне и гласот на народот, а лидерот на опозицијата Џереми Корбин, побара нејзина смена.
Јасно е дека парламентот не го поддржува овој договор, но вечерашново гласање не ни кажува што поддржува. Ништо за тоа како и дали има намера да ја почитува одлуката на британскиот народ изразена на референдумот кој парламентот се одлучи да го одржи.
Ова е катастрофален пораз за оваа Влада, по две години неуспешни преговори, парламентот ја донесе пресудата за нејзиниот договор за Брегзит, која е апсолутно одлучна.
Меѓу опциите кои сега остануваат за владата во Лондон е да останат дел од ЕУ, што е малку веројатно, да ја напуштат унијата без постигнат договор или да се продолжи рокот за Брегзит, до евентуално постигнување на нов договор. Токму тоа за поранешниот амбасадор на земјава во Лондон – Јован Донев е најприфатливо решение.
Со реакции за вчерашното гласање се јавија и дел од лидерите на земјите членки на ЕУ кои порачаа дека нема да има нови преговори за Брегзит. Макрон порача дека Британија би била најголем губитник доколку излезе без договор, Себастијан Курц пак дека нема да има нови преговори. За германската канцеларка Меркел се уште има време да се изнајде ново решение за Брегзит.
Ние веруваме дека сега е ред на британската страна, како што премиерката вчера соопшти, да ни каже што следува. Сакаме да ја ограничиме штетата, а ќе има штета, што е можно помалку. Затоа секако ќе се обидеме да изнајдеме соодветно решение. Но, ние сме подготвени и за случај во кој нема да има соодветно решение.
Напуштањето на Унијата, за Обединетото Кралство создава и проблеми во делот со Северна Ирска. Мирот во овој дел од ирскиот остров долги години беше одржуван и преку тоа што помеѓу Република Ирска и Северна Ирска која е дел од Обединетото кралство, како земји членки на ЕУ, не постоеше видлива граница, која со Брегзитот, ќе мора повторно да се постави.