Откако од министерството за образование добиле допис дека за две недели наставниците и професорите мораат да обезбедат оценка за учениците за третото тромесечие. Дел од директорите, кои сакаа да останат анонимни, испратија писмо до Канал 5 во кое реагираат дека платформата која ја презентираше МОН воопшто нема дел и содржини кои се однесуваат на средно образование.
Во некои семејства, реагираат директорите, учениците имаат само по еден компјутер, а се по двајца или тројца ученици и речиси е невозможно да се постигнат сите барања и задачи. Предложениот рок за оценување за 13 работни дена, според нив е прекус и ќе создаде притисок врз учениците и професорите, но и нереални оценки.
-Она што предлагаме е да се воведе описно оценување со три категории: (не реализирал, делумно реализирал, целосно реализирал) за ова тромесечје, бидејќи е ова период на адаптација и прилагодување на учениците и наставниците за он лајн настава. Конечна бројчана оцена да се формулира на крајот на учебната година, со што претсојниот период би се искористил за благовремено информирање на ученците, родителите/старателите и наставниците за условите и начините на спроведување на оценувањето, се вели во писмото.
Канал 5 побара став од Министерството дали се подготвени да ги исполнат барањето на дел од средните училишта, но до овој момент не добивме одговор. Инаку, во упатството кое МОН вчера го објави е наведен начинот на кој наставниците треба да оценуваат за време на онлајн наставата. Во него стои дека основците ќе се оценуваат бројчено или описно, додека за средношколците оценувањето ќе се врши со интерно проверување од страна на наставниците. Покрај ова, упатството налага и правење контролни вежби за учениците и водење е-портфолио за секој ученик.
-Наставничкиот совет за оценување треба да се реализира најдоцна до 14.04. 2020 година. Потврдените оценки на учениците за трето тромесечие од страна на советот на годината, односно советот на струката и наставничкиот совет треба да се внесени во соодветниот Евидентен лист и во е-дневник, најдоцна до 17.04.2020, стои во дописот од секторот за средно образование при МОН.
Во упатсвото објавено вчера од МОН, се вели дека доколку ситуацијата не дозволува учениците да се вратат во училниците до крајот на тековната наставна година, завршните сумативни оценки ќе бидат засновани на резултатите што ги постигнале учениците во текот на целата година преку редовната настава, како и преку активно учество на онлајн-платформите и мрежите.