„Јапонската вежба со одење“ го намалува крвниот притисок - Канал 5

Здравје

„Јапонската вежба со одење“ го намалува крвниот притисок

Оваа вежба се заснова на наизменично брзо и бавно одење коешто трае вкупно 30 минути. 

„Јапонската вежба со одење“ го намалува крвниот притисок

Во големиот избор нови фитнес-трендови, „јапонската одечка вежба“ добива сѐ поголема популарност последниве месеци... Новиот „Тик-ток“ тренд е едноставен, но интензивен облик на одење којшто, ако е редовен, ветува бројни и видливи здравствени придобивки - вклучително и намалување на крвниот притисок, објави „Индекс“ (Index).

Што претставува „јапонското одење“?

Оваа вежба се заснова на наизменично брзо и бавно одење коешто трае вкупно 30 минути. Поточно, лицето оди три минути брзо (со околу 70 насто од својот максимален аеробен капацитет), па три минути со бавно темпо (со околу 40 отсто) - и тоа се повторува. Оваа рутина ја развиле јапонски научници пред речиси 20 години. Притоа, во истражување со луѓе со просечна возраст од 63 години, испитаниците кои вежбале четирипати неделно постигнале значително понизок крвен притисок во споредба со оние кои не учествувале во програмата.

Според американската новинарка Мелиса Метјуз, која пишува за списанието „Рил симпл“ (Real Simple), оваа рутина станува сè попопуларна поради нејзината достапност и делотворност, а и бидејќи е поткрепена од науката.

„Овој метод е совршен и за оние кои во одреден миг не се во добра форма. Побрзите делови, на пр., се доволно напорни за да го стимулираат срцевиот ритам, а да не предизвикаат прекумерен замор, додека бавните делови овозможуваат лесно закрепнување... Иако понекогаш ми требаат повеќе од три минути за мојот срцев ритам да се врати на пониски вредности, се чувствував доволно одморена за да продолжам без никакви проблеми“, пишува Метјуз, која претходно има тренирано за полумаратон.

Таа користела и паметен часовник за да ги следи своите интервали, што ѝ го олеснувало префрлањето од брзото на бавно темпо. Како што забележува, важно е да не се губи чувството за време - за разлика од обичната прошетка, каде што важно е да се одржува ритам.

Според спортистката, „јапонската вежбна со одење“ е одличен избор за секој кој сака да воведе редовно движење во својата дневна рутина, без исцрпувачки тренинзи или потреба од опрема. Вежбањето трае само 30 минути дневно, може да се прави речиси насекаде, а истовремено помага во постигнување на кардиоваскуларните цели за работата на срцето и за полесно закрепнување на физичката кондиција.

Извор: Индекс.хр

Тагови: јапонија крвен притисок одење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен кошаркарот на Србија, Урош Плавшиќ !

Поранешниот кошаркар на Црвена Звезда, српскиот репрезенативец Урош Плавшиќ, е уапсен по наредба на Вишото јавно обвинителство во Белград под сомнение за напад врз обезбедувач на Военомедицинската академија (ВМА).

Уапсен кошаркарот на Србија, Урош Плавшиќ !

Како што пренесува „Спортињо“, инцидентот се случил во текот на ноќта меѓу 16 и 17 јули, кога Плавшиќ наводно ја прескокнал оградата на ВМА и стигнал до шалтерот за прием бр. 2, каде што физички нападнал воено лице кое било на должност. Обезбедувањето успеало да го совлада напаѓачот и веднаш ја известило Воената полиција за инцидентот.

Потоа, припадниците на Воената полиција го предале Плавшиќ на патрола на Министерството за внатрешни работи. Во инцидентот, припадникот на обезбедувањето се здобил со полесни повреди на главата и раката.

На Плавшиќ му е одреден притвор во траење до 48 часа поради сомнение дека сторил кривично дело напад врз воено лице при вршење воена служба, а за понатамошните чекори ќе одлучи надлежното обвинителство.

Инаку, како штпо пренесуваат дел од српските медиуми само неколку часа пред апсењето, Плавшиќ и неговата сопруга, инфлуенсерката Јована Томиќ, организирале голема црковна венчавка и прослава за семејството и пријателите.

Двојката претходно стапила во граѓански брак пред една година, на интимна церемонија. Плавшиќ неодамна стана играч на романскиот клуб Клуж.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес регистриран во источниот дел на Турција

Земјотрес со јачина од 5,0 степени според Рихтеровата скала рано утринава го погоди источниот дел на Турција. 

Силен земјотрес регистриран во источниот дел на Турција

Потресите беа почувствувани во неколку провинции, а засега нема извештаи за жртви или материјална штета.

Земјотрес со јачина од 5,0 степени според Рихтеровата скала ја погоди источната турска провинција Малатија рано утринава, соопшти Агенцијата за управување со катастрофи и вонредни состојби (АФАД).

Земјотресот се случи во 6:20 часот по локално време, со епицентар во областа Баталгази, на длабочина од 15,59 километри, се наведува во соопштението на АФАД.

Потресот се почувствувал и во соседните провинции Елазиг, Адијаман, Тунџели и Шанлиурфа. АФАД соопшти дека засега нема извештаи за материјална штета или жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тухел: „Виновен сум, но не жалам“

Селекторот на Англија, Германецот, Томас Тухел, ги бранеше своите тактички одлуки по поразот од Аргентина (2:1) во полуфиналето на Светското првенство.

Тухел: „Виновен сум, но не жалам“

Германецот изјави дека не жали за ниту една измена и дека ја презема целосната одговорност врз себе.

На прес-конференцијата пред натпреварот за третото место против Франција во Мајами, германскиот стручњак призна дека неговиот тим станал премногу пасивен кон крајот на натпреварот, но нагласи дека не смета оти одлуките биле погрешни.

„Ако некој треба да биде виновен, тоа сум јас. Јас сум тренер и ја преземам одговорноста. Не жалам за моите одлуки; ги донесов врз основа на искуство, инстинкт и желба да му помогнам на тимот да победи. За жал, резултатот не беше таков каков што посакувавме“, рече Тухел.

Англија водеше со 1:0 сè до 85-тата минута, но Аргентина, предводена од Лионел Меси, успеа да направи пресврт и да се пласира во финалето. Тухел објасни дека одлуката неговиот тим да премине на формација со петмина во одбраната била донесена за да се запрат нападите на Аргентина.

„По нашиот гол, Аргентина заигра со многу поголем ритам. Не успеавме да ги спречиме нафрлувањата ниту влегувањето на нивните играчи во шеснаесетникот. Затоа преминавме на систем со петмина во одбраната за да ги затвориме крилните позиции. Сепак, станавме премногу пасивни, додека Аргентина го подигна нивото на играта“, објасни тренерот.

Тагови: Англија СП2026 Тухел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер