Формула

Хамилтон: Имаме проблем, нашиот болид не е веќе најбрз

Викендов се враќа Формула 1, а Мерцедес ги уверува сите љубители на овој спорт дека борбата за титулата ќе биде многу порамноправна отколку претходните сезони.

Од 2014 година, Мерцедес доминира во Формула 1, но најдобриот возач на светот Луис Хамилтон тврди дека тие веќе немаат најбрз болид.

"Ние не сме најбрзи во моментот и имаме неколку тешки прашања пред нас: Како ќе работиме заедно? Како ќе се обединиме за да стигнеме таму каде што сакаме да бидеме? Можам да ви кажам дека сум многу среќен што повторно ќе видам некои од другите тимови одблизу. Ќе биде одлично за навивачите “, рече седумкратниот светски шампион , Хамилтон.

На тестирањата, Ред Бул изгледал поубедливо, додека Мерцедес имал многу проблеми со болидот. Затоа улогата на фаворит се пренесува од Мерцедес во Ред Бул.

"Ќе видиме ... Она што е важно е како изгледа вашиот автомобил кога ќе се соберат поените. Треба да продолжиме да работиме вака, да останеме фокусирани и смирени", изјави Макс Верстапен од Ред Бул пред првата трка оваа сезона во Бахреин .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Татко и син спасени во Венецуела четири дена по земјотресот

Четири дена откако разорните земјотреси ја погодија Венецуела, спасувачите извлекоа татко и син од урнатините во државата Ла Гваира, давајќи нова надеж во потрагата по преживеани и покрај фактот дека поминаа повеќе од 72 часа од катастрофата.

Тие беа изнесени на импровизирани носилки, видливо исцрпени и носејќи заштитни маски, објави Ројтерс.

Ла Гваира е најтешко погодената област по земјотресите во средата, во кои загинаа најмалку 1.450 луѓе, а илјадници се водат како исчезнати, пренесе Танјуг.

Спасувањето на таткото и синот следеше по 12-часовна сложена операција за време на која тимовите користеа специјализирани камери за пребарување.

Операцијата за спасување ја водат членови на француската цивилна заштита и американски тим за пребарување и спасување од округот Ферфакс, Вирџинија, кои еден ден претходно извлекоа мајка и нејзиното деветмесечно бебе од урнатините. Член на француската цивилна заштита изјави дека и таткото и синот биле многу слаби, откако поминале четири дена под урнатините.

Најмалку 33 лица беа спасени во текот на викендот, но десетици илјади сè уште се водат како исчезнати. Експертите предупредуваат дека 72 часа по земјотресот, шансите да се пронајдат живи луѓе под урнатините нагло се намалуваат.

Тагови: Венецуела земјотреси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Одржан прв состанок за контролата врз Ормускиот Теснец

Заменик-министерот за надворешни работи на Иран, Казем Гарибабади, денеска изјави дека Иран и Оман во Мускат го одржале првиот состанок на заедничкиот комитет посветен на Ормускиот Теснец.

Тој на мрежата X изјави дека двете страни размениле мислења за суверените права на крајбрежните држави од Персискиот Залив, како и за идното управување со Ормутскиот теснец, објави Ројтерс.

Според него, разговорите се водат во рамките на привремениот договор потпишан овој месец од Техеран и Вашингтон.

Тагови: Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Будрис: Литванија направи отстапки за влез во ЕУ

Министерот за надворешни работи, Тимчо Муцунски на работна средба со министерот за надворешни работи Литванија Кестутис Будрис.

Во фокусот на разговорите беше членството Европската унија. Литванскиот министер посочи дека Литванија направила големи отстапки за добивање статус земја членка на Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.