„Гугл“ со нови функции на „Мапс“ и четботот „Џемини АИ“ - Канал 5

Технологија

„Гугл“ со нови функции на „Мапс“ и четботот „Џемини АИ“

Пребарувачот „Гугл“ воведе голем број нови функции на апликацијата „Мапс“, овозможени благодарение на четботот „Џемини АИ“ (Gemini AI).

„Гугл“ со нови функции на „Мапс“ и четботот „Џемини АИ“

Корисниците, имено, сега можат да бараат понуди и идеи за места, за посета и претпочитани активности. Со помош на „Џемини АИ“, апликацијата ќе може да планира активности за еден корисник, но и за група луѓе во одредена средина. Исто така, може да понуди резиме на искуствата на оние кои веќе биле на одредено место, да одговори дали има седење на отворено, тивка атмосфера, сообраќајните услови, и сл. Новите функции доаѓаат на оперативните системи „Андроид“ (Android) и „ИОС“ (iOS) во САД оваа недела, а подоцна и пошироко.

Возачите кои се потпираат на навигација сега можат да ја користат функцијата „Додај застанувања“ (add stops) за да ги видат знаменитости, живописни места и ресторани на нивниот пат.

Апликацијата „Мапс“ сега појасно ќе прикажува ленти, пешачки премини, паркиралишта и патни знаци при возење и ќе го означува вистинскиот излез. Конечно се воведува и можност за пријавување лоши временски услови.

Новата опција „Тридимензионален поглед“ (Immersive View) им овозможува на корисниците виртуелно да истражуваат стадиони, паркови и рути користејќи ја вештачката интелигенција.

„Имерзив вју“ за почеток ќе биде достапен во 150 градови ширум светот. „Гугл“ го подобрува и „Вејз“ (Waze) со нови функции, вклучително и можностите за пријавување сообраќајни несреќи, известување за ВИ-разговор со поприроден глас и за училишните зони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Тројца малолетници од Скопје предизвикале пожар во парк шумата Гази Баба, уапсени се

Лишени од слобода тројца малолетници од Скопје поради предизвикување пожар, следува пријава.

Тројца малолетници од Скопје предизвикале пожар во парк шумата Гази Баба, уапсени се

На 04.10.2026 во парк шума Гази Баба во Скопје, полициски службеници од СВР Скопје лишија од слобода тројца малолетници од Скопје, постапувајќи по претходна пријава дека предизвикале пожар при што била опожарена сува трева.

Од Бригадата за противпожарна заштита пожарот бил изгаснат, а по целосно документирање на случајот Единицата за внатрешни работи Гази Баба при СВР Скопје ќе поднесе кривична пријава поради постоење основи на сомнение за сторено кривично дело „предизвикување општа опасност“ по член 288 од Кривичниот законик, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Обвинителството ги оспорува заклучоците на вештакот ангажиран од д-р Нино Васев

Во Кривичниот суд продолжи судењето за предметот „Онкологија 1“. Денеска во Кривичниот суд беше испрашуван вештакот Владимир Даниловски, вешто лице ангажирано од страна на одбраната.

Обвинителството ги оспорува заклучоците на вештакот ангажиран од д-р Нино Васев

Неговите заклучоци за терапијата на онколошките пациенти беа оспорени од обвинителството на денешното вкрстено испрашување.

На судењето кое се води против поранешниот директор на Клиниката за онкологија, Нино Васев, и уште двајца онколози, обвинети за несовесно лекување пациенти, обвинителството поставуваше прашања за дозирањето и третманот на конкретни онколошки пациенти со лекови и терапија за кои, како што нагласи вештото лице, се произнесува во своето вештачење и наведува дека се дадени согласно европските протоколи и се во насока на тоа да се види стручноста на ова вешто лице.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли .

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли насочени кон санкционирање на возачите кои управуваат возило со брзина поголема од пропишаната.

При спроведените контроли констатирани се вкупно 628 прекршоци. Од нив, 344 прекршоци се констатирани кај возачи кои ја надминале дозволената брзина надвор од населено место, додека 284 прекршоци се однесуваат на возачи кои ја надминале пропишаната брзина во населено место.

За сите констатирани прекршоци преземени се соодветни мерки и изречени се санкции согласно законските прописи.

Во текот на контролите констатирани се и 66 прекршоци од друг вид.

Министерството за внатрешни работи продолжува со зајакнатите сообраќајни контроли на целата територија на државата, со цел зголемување на безбедноста на сите учесници во сообраќајот и намалување на ризиците предизвикани од непочитување на ограничувањата на брзината, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер