Таа ги освои наградите за најдобра песна, најдобра снимка, албум на годината, најдобра поп соло изведба и најдобра поп албум за албумот „25“ на годинешното издание, беа доделени вкупно 89 награди.
Бијонсе се расплака поради гестот на Адел, која ја скрши статуетката на два дела и изјави дека не ја заслужува.
- Не можам да ја прифатам оваа награда, многу сум благодарна, но уметникот на мојот живот е Бијонсе. Нејзиниот албум „ Lemonade“ е монументален, толку убаво осмислен, толку душа носи во себе. Начинот на кој правиш да се чувствувам јас и моите црни пријатели е инспиративен. Те сакам, секогаш сум те сакала и секогаш ќе те сакам.
Бијонсе беше номинирана за 9 награди а замина со две - наградата
Најдобар урбан современ албум и Најдобро музичко видео
Греми и годинава им одаде почит и на музичарите кои минатата година заминаа во легендите.
Постхумно, на Дејвид Боуви му припаднаа пет греми награди во категориите: најдобра рок изведба, најдобра рок песна, најдобар аранжман на албум, најдобар алтернативен албум и најдобро снимен албум.
Сите овие награди ги доби за албумот „Блекстар“, објавен само два дена пред да почине.
Адел емотивно ја отпеа песната „Брза љубов“ на Џорџ Мајкл, ќерката на Бјонси и Џеј Зи, Блу Ајви му одаде почит на Принс облечена во негов стил, а тоа го сторија и Мори Деј и Џими Џем од „Тајм“ со изведбата на „Слатко валкано“ и Бруно Марс, облечен како Принс со изведбата на песната „Ајде да лудуваме“.