Демократската унија за интеграција (ДУИ) преку соопштение побара оставка од заменик-министерот за внатрешни работи Астрит Исени, како и целосно расветлување на случајот со двајца млади на 21 и 23 години, кои тврдат дека биле физички малтретирани од полициски службеници.

Според ДУИ, во интерниот полициски извештај се наведува дека младите му го одзеле пиштолот на полициски службеник. Тие, пак, тврдат дека оружјето завршило во нивното возило откако полицијата го скршила стаклото. Според нивните наводи, службениците пукале со огнено оружје, им ги дупнале гумите на автомобилот, а потоа ги врзале и ги легнале на земја, при што биле малтретирани.

Партијата бара итна, непристрасна и транспарентна истрага, како и утврдување на одговорност доколку се докаже дека полициските службеници ги прекршиле овластувањата.

„Правата и достоинството на граѓаните не смеат да бидат повредувани од оние чија должност е да ги штитат“, наведуваат од ДУИ, инсистирајќи на целосна институционална одговорност.

Во меѓувреме, Министерството за внатрешни работи соопшти дека министерот му наложил на Одделот за внатрешна контрола, криминалистички истраги и професионални стандарди да го испита случајот. Ова следува по објавите дека на 7 октомври во Скопје две лица биле физички нападнати од полициски службеници и дека им бил оштетен автомобилот.

Од МВР информираат дека се преземаат мерки за утврдување на фактичката состојба и околностите на настанот, како и за евентуалната одговорност на инволвираните службеници. По завршувањето на проверките ќе бидат преземени соодветни законски мерки, а јавноста ќе биде известена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Насилството ескалираше за време на редовните посети, потврди Секретаријатот за јавна безбедност на државата Синалоа.

Според официјалните податоци, девет затвореници и еден цивил кој бил во посета ги загубиле животите. Сите 16 повредени се затвореници и се префрлени во болница на лекување.

🚨URGENTE Al menos seis muertos y 15 heridos tras motín en el centro penitenciario El Castillo ubicado en Mazatlán, Sinaloa, México. 🧵 https://t.co/Haa2xswbCY

— News On Demand (@OnDemand_News) October 8, 2026

Воспоставена контрола

Локалните медиуми јавуваат дека затворениците користеле огнено оружје во конфликтот. Властите сè уште не објавиле повеќе детали за самиот настан. Федералната служба за безбедност објави дека Националната гарда интервенирала и воспоставила контрола во затворскиот комплекс, во кој се сместени 1.800 затвореници.

Prison riot in Mexico's violence-hit state of Sinaloa leaves 10 people dead and more than a dozen inmates injured https://t.co/AYeTXCyXnT

— TRT World Now (@TRTWorldNow) October 9, 2026

Насилството е чест проблем во мексиканските затвори. Многу од нив се преполни и под силно влијание на организирани криминални групи, првенствено нарко-картели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мегапопуларната Лиз Харли повторно го привлече вниманието на јавноста со својот изглед, овојпат со фотографии на кои позира разголена.

Актерката го промовираше сопствениот бренд за облека, носејќи само гаќички и долга кошула.

Следбениците ја опсипаа со комплименти во коментарите, а многумина не можеа да поверуваат дека британската актерка има 61 година.

- „Изгледаш апсолутно неверојатно“, „Најубавата жена на светот“ и „Безвременска – нема никој како тебе“ – се само дел од комплиментите што ги доби.

Еден следбеник особено се запраша: - „Како е можно да изгледаш вака на твоја возраст?“

Харли често ја покажува својата витка фигура на социјалните мрежи – најчесто во бикини – а претходно откри и како ја одржува формата. Иако вели дека не била во теретана уште од 90-тите години, таа наоѓа можност за физичка активност преку секојдневните домашни обврски.

„Не сум била во теретана уште од 90-тите, но ја одржувам формата преку работа во градината и кастрење на живата ограда. Сепак, бидејќи во Лос Анџелес немам грмушки за кастрење ниту плевел за чистење, одвојувам време за вежби за истегнување“, напиша таа покрај фотографиите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.