Претседателот на Европскиот совет, Антонио Кошта, јасно порача дека уставните измени се единствениот услов за формално отворање на преговорите со Европската Унија.

Лагите со кои Мицкоски ги манипулираше граѓаните се потопени.

Во исто време, Комитетот за надворешни работи на Европскиот парламент го усвои извештајот на Томас Вајц за Македонија, во кој се констатира недоволен напредок во реформите, особено во владеењето на правото, правосудството и борбата против корупцијата.

Ова е директна потврда дека Владата на Мицкоски не спроведува реформи.

Наместо независни институции, сведочиме на политички притисоци врз правосудството, јавно мешање во работата на обвинителството и обиди за партиска контрола врз институциите.

Извештајот на Вајц дополнително предупредува и на странско непријателско влијание и кампањи за дезинформации кои ја поткопуваат демократијата.

Тоа е уште една потврда за она на што СДСМ предупредува со месеци – дека антиевропските наративи, дезинформациите и евроскептицизмот не се случајни, туку дел од организирана кампања по примерот на Вучиќ и сестринската партија на ВМРО-СНС.

Додека Мицкоски и неговата пропагандна машинерија шират стравови и лаги за наводно загрозување на идентитетот, јазикот и културата, вистинската цел е да се задржи државата во изолација и да се спречи европската интеграција.

Лажниот патриотизам служи само како параван за неспособноста, корупцијата и отсуството на реформи. Наместо напредок кон Европа, Македонија е заглавена со кримимална група на власт.

Денес е кристално јасно: со Христијан Мицкоски и ВМРО нема Европа, нема реформи и нема подобар животен стандард.

Дури и во последниот заеднички документ (position paper) на владите на Берлин и на Париз се Копенхашките критериуми. Значи без реформи и исполнување на единствениот услов за внесување на малцинствата во уставот нема продолжување на преговорите со ЕУ. Уште една потврда на тоа што го говори СДСМ.

Затоа, реформи сега. Европа сега.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ексклузивни снимки добиени од CNN покажуваат обемна штета на најголемиот и најновиот американски носач на авиони, USS Gerald R. Ford, откако избувнал пожар на бродот.

Според извори, инцидентот се случил поради дефект на системот за гаснење пожар на бродот, објавува CNN. Кога во март избувна пожар на најголемиот воен брод во светот, среде воените операции против Иран, американската морнарица ја увери јавноста со кратко соопштение.

Таа тврдеше дека пожарот бил брзо „локализиран“, дека двајца морнари биле згрижени за „повреди кои не се опасни по живот“ и дека масивниот носач на авиони останал „целосно оперативен“.

Сепак, нови видео снимки до кои дојде Си-Ен-Ен откриваат дека драмата во Црвеното Море била многу поопасна, а штетата многу поголема отколку што Пентагон сакал да признае.

Снимките од внатрешноста на бродот покажуваат дека кабините каде што спиеле морнарите биле целосно уништени.

Од креветот останале само изгорените, извиткани метални решетки под таванот, кој буквално бил проголтан од елементот на оган. Од таванот висат оголени жици, а подовите на спалните соби се покриени со купишта пепел.

„Сериозно мислев дека ќе го изгубиме бродот“, изјави за Си-Ен-Ен еден морнар од „УСС Џералд Р. Форд“, опишувајќи го пеколот низ кој поминале додека се бореле со пожарот.

„Во таква ситуација имате само два избора - борете се или умрете“. За да биде уште полошо, вградениот систем за автоматско гаснење пожар воопшто не работел, па морнарите морале френетично да импровизираат сами за да спасат животи и да спречат потонување, потврди за Си-Ен-Ен висок американски функционер запознаен со инцидентот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Венко Филипче е погласен промотор на барањата за уставни измени отколку Бугарија.

Филипче и СДС единствена агенда којашто ја имаат се туркање на уставните измени и внесувањето на Бугарите во Устав.

СДС и Филипче ги игнорираат позитивните оценки од Антонио Кошта за спроведувањето на Реформската агенда, ги игнорираат и средствата обезбедени преку Планот за раст, но затоа прв приоритет им е упорно туркање на темата за уставни измени.

За Филипче и СДС не се важни домашните приоритети во државата, тие работат во прилог на бугарските позиции. За Филипче и СДС постои само една реформа, а тоа е уставните измени и распродавање на државните интереси.

Граѓаните знаат дека токму СДС беше носител на најконтроверзните и најголеми политички отстапки во изминатите децении. Од промена на знаме, име, Устав, до денешните барања на Филипче за редефинирање на историјата, јазикот, културата и идентитетот.

Филипче продолжува по истиот пат на Заев, Ковачевски, барајќи нови отстапки и прифаќање на услови кои не придонесуваат за достоинствен и рамноправен европски пат.

ВМРО-ДПМНЕ останува цврсто на ставот дека националните интереси, македонскиот идентитет, јазик и историска посебност не смеат да бидат предмет на политичко пазарење. Македонија заслужува европска иднина, но не по цена на нови понижувања и откажување од сопствените национални обележја.

Времето кога СДС, Заев и останатите безусловно прифаќаа туѓи диктати е завршено. Македонија ќе продолжи напред со крената глава, бранејќи ги своите државни и национални интереси.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.