Во своето обраќање, министерот истакна дека водата денес се третира како прашање на безбедност, економски развој, јавно здравје и квалитет на живот. Тој нагласи дека новите европски политики ја позиционираат водата како стратешки ресурс и клучен фактор во климатската адаптација и одржливиот развој.

„За нас ова е и обврска и можност – да го забрзаме усогласувањето со европските стандарди и да ги унапредиме реформите за поефикасно и поодржливо управување со водните ресурси“, истакна Хоџа.

Министерот посочи дека климатските промени веќе имаат директно влијание преку суши и поплави, кои вршат притисок врз водните ресурси, земјоделството и екосистемите. Во тој контекст, тој го нагласи значењето на интегрираниот пристап, кој ги поврзува политиките за животна средина, земјоделство, енергетика и просторно планирање.

Во своето обраќање, Хоџа стави посебен акцент на дигитализацијата на управувањето со секторите за вода во рамки на институциите, како и на инвестициите во природно-базирани решенија, кои претставуваат клучен дел од долгорочната климатска отпорност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лидер во Реформската агенда за Западен Балкан е Македонија. Не Црна Гора која е фронтранер за влез во ЕУ, не Албанија за која исто така се вели дека е фронтранер, не Србија, Босна и Херцеговина или Косово. Македонија.

Од 4 извештаи за Реформската агенда, Македонија 3 пати е на првото место во исполнување на реформите. Последен доказ за тоа се доделените 65,7 милиони евра за Македонија од Европската комисија за остварување на реформите. Ако не правите реформи нема да има пари. Со тоа што имаме најмногу добиено од цел регион, тезата на СДС пропаѓа во вода.

А токму тоа им смета на СДС, кои не знаат како да се однесуваат кога некој во државата работи во интерес на граѓаните. Тие се навикнати на неработа, на крадење и на местење тендери, договори и анекси.

Кога говорат за корупцијата и криминалот, ги посочуваме да погледнат во својот двор. Имаат човек во Извршниот одбор кој е осуден на 8 месеци затвор, Филип Андов – Сокол. Поранешен потпретседател на СДС и дете на Заев, Стефан Богоев фатен со мито за местење тендер. Поранешен градоначалник на општина Свети Николе од редовите на СДС, добил кривична пријава за злоупотреба на службената положба. Поранешниот функционер на СДС, Васко Ковачевски, избеган во странство поради криминал. Модуларната болница во Тетово, поради 20% анекс на договор кој го потпишал Филипче се запали и изгореа 14 наши сограѓани.

Корупцијата и криминалот е во сржта на СДС.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Брисел по скратена постапка бара измени на Законот за Судски совет.

А владата со месеци го претставуваше Законот како доказ за наводен реформски напредок. Сега стигна потврдата дека со манипулации и со трикови реформи нема.

СДСМ за ова предупредуваше уште од самиот почеток.

Претседателот Филипче, јавно посочуваше дека законот е усвоен без целосно почитување на препораките на Оценската мисија и Венецијанската комисија.

Истото беше нотирано и во забелешките што СДСМ ги достави, но Филков и Мицкоски намерно ги игнорираа.

Денес се покажува дека СДСМ бил целосно во право.

Ова е уште еден доказ дека реформите на власта се само илузија, лага и манипулација.

Нема реформи во правосудството. Има само партизација и ставање под политичка контрола на власта.

Советник на Мицкоски станува судија, за обвинител се избира сопруга на градоначалник од ВМРО.

Портпаролката на Владата, на телевизиски настап изнесува информации за судски предмет којто е во тек.

На прес конференции во ВМРО се изнесуваат детали за истраги во тек.

Мицкоски дели задачи од собраниската говорница, преку телрвизија и преку телефон.

Нема ништо за милионските скандали со тендери кои ги објави СДСМ, тешки над 100 милиони евра. Експресно се одбива кривичната за Мицкоски, се молчи за кривичната на Славески, сопствениците на Алфа, нема истрага за Алта банка.

Тоа е вистината денеска.

Затоа столбот во Фронтот за вистина и правда е новиот Антикорупциски Закон.

Правда со целосна дигитализација, соработка со Европското обвинителство, на кое што никој нема да може да влијае, како и заштита на сведоците кои што ќе пријавуваат коруптивни зделки.

Само така може да се поврати довербата на граѓаните и да се направи нов систем.

Доста беше од манипулации, доста беа лаги. Граѓаните заслужуваат вистински реформи.

Прес конференција на СДСМ, Александар Саша Димитријевиќ - генерален секретар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.