„Google“ во паника: Се запали мобилен телефон - Канал 5

Технологија

„Google“ во паника: Се запали мобилен телефон

На еден корисник спонтано му се запали„Google Pixel 6a“ додека беше на полнач.

„Google“ во паника: Се запали мобилен телефон

Деновиве е пријавен уште еден случај на спонтано запалување на телефон „Google Pixel 6a“, и покрај неодамна објавената безбедносна надградба која требаше да спречи прегревање и запалување на батеријата.

Корисник на „Reddit“, познат по прекарот „footymanageraddict“, пријави дека неговиот „Pixel 6a“ се запалил додека се полнел преку ноќ. Според него, телефонот бил на неговата ноќна масичка, а инцидентот се случил додека спиел на само 40 cm од уредот.

Според него, го разбудил силен мирис на чад и звук на горење, по што открил дека телефонот е целосно изгорен. Постелнината и дел од клима уредот биле оштетени, додека корисникот цел ден имал болки во грлото од вдишување чад.

I'm the 3rd one posting this for this month. Pixel 6a caught on fire right next to me on the nightstand.
by u/footymanageraddict in GooglePixel

Загрижувачки е што уредот претходно бил ажуриран преку задолжително ажурирање на„ Google“ преку таканаречената „Програма за перформанси на батеријата“, која беше воведена за да се намали ризикот од палења на батеријата кај постарите уреди.

Ова е петти пријавен случај на запалување на модел „Pixel 6a“ во изминатата година, но прв откако беше имплементирано гореспоменатото ажурирање. Инаку претходно, Австралиската агенција за потрошувачи (ACCC) издаде официјално предупредување дека одредени уреди „Pixel 6a“ може да имаат производствен дефект во батеријата што може да предизвика пожар или сериозни изгореници.

Според достапните информации, корисникот го полнел уредот со полнач „Steam Deck“ од 45 вати, а не со оригиналниот адаптер на „Google“, што дополнително ја комплицира ситуацијата. „Google“ досега им советуваше на корисниците да ги заменат батериите, особено за уреди со повеќе од 400 циклуси на полнење, а ажурирањето на софтверот автоматски го ограничи капацитетот и моќноста на полнење на ризичните примероци.

„Google“ сè уште не коментираше за овој конкретен инцидент, иако претходно изјави дека корисниците можат да контактираат со поддршката за да ја заменат батеријата или уредот.

Извор: Б92

Тагови: Google мобилен телефон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер