Технологија

„Google“, „Microsoft“ и „Meta“ ги здружуваат силите во борбата против хакерите

„Google“, „Microsoft“ и „Meta“ формално се здружија за да формираат управен комитет за подобрување на безбедноста на апликациите преку реструктуираната алијанса за одбрана на апликации, која сега е дел од семејството на „Linux“ Фондацијата.

Технолошката тројка планира „да го прошири опсегот на Алијансата за да поттикне заедничко спроведување на индустриските стандарди за безбедност на апликациите“, се вели во соопштението за медиумите.

Алијансата за одбрана на апликациите беше основана од „Google“ во 2019 година за да ја обезбеди безбедноста на продавницата на „Google Play“ и екосистемот на апликации за „Android“, а целта на алијансата беше да открие и спречи малициозен софтвер.

Алијансата го прошири својот опсег во 2022 година, фокусирајќи се на безбедносните стандарди на апликациите. Алијансата сега вклучува соработки низ целата индустрија за одбрана и безбедносна проценка на малициозен софтвер за облак и мобилни апликации.

Алијансата сега брои 17 членки, пренесува „informacija.rs“.

„Алијансата за одбрана на апликациите ќе помогне дополнително да се зајакне довербата во севкупната безбедност на апликациите со обединување со другите во индустријата кои споделуваат непоколеблива посветеност на заштитата на корисниците“, рече Дејв Клајдермахер, потпретседател за инженерство за „Android“ и „ Made-by-Google Security & Privacy“ во „Google“.

Покрај „Google“, „Microsoft“ и „Meta“, членовите на Алијансата за одбрана на апликации вклучуваат „BishopFox“, „Dekra“, „ESET“, „KPMG“, „Leviathan“, „Lookout“, „McAfee“, „NCC Group“, „NetSentries Technologies FZCO“, „NowSecure“, „Orange Cyberdefense South Africa Ltd“, „Prescient Security“, „PwC“, „Schellman“, „TAC Security“, „TrendMicro“ и „Zimperium“.

Извор: Б92

Македонија

ВМРО-ДПМНЕ: СДС со својот коалиционен партнер ДУИ го присвоија судството како да е нивно

СДС и ДУИ ги избираа судиите, кои палеа и гасеа во судството и не испорачаа правда.

Реакција на соопштение на СДС

13.12.2024

СДС со својот коалиционен партнер ДУИ го присвоија судството како да е нивно.

СДС и ДУИ ги избираа судиите, кои палеа и гасеа во судството и не испорачаа правда.

Судиите кои ги избраа криминалната коалиција на СДС и ДУИ, се докажаа како некадарни. Иџет Мемети призна дека земал поткуп, Наќе Ѓорѓиев исто призна дека земал поткуп, а сега и судијата Енвер Беџети е ставен на црна листа на САД поради поврзаност со корупција заедно со вицепремиерот на минатата власт на СДС и ДУИ, Артан Груби.

Само во судството на криминалната коалиција на СДС и ДУИ, нема правда за Дурмо Турс, за модуларната болница, за онкологија.

СДС и ДУИ, треба да прифатат дека треба да понесат одговорност за нивните криминали и да прифатат дека народот повеќе не ги сака, односно рејтинзите им се рамни на статистичка грешка.

СДС и ДУИ го уништија системот и ја урнисаа довербата во институциите. Затоа довербата е помала и од 2% во судството во Македонија.

ВМРО-ДПМНЕ работи на борбата против корупцијата и криминалот. Сите кои згрешиле пред законот мора да одговараат.

ВМРО-ДПМНЕ ја враќа надежта и довербата во правдата и судството.

Центар за комуникации на ВМРО-ДПМНЕ

Живот

Поранешен фудбалер на Евертон осуден на 20 години затвор

Легендарниот кинески фудбалер Ли Ти (47) е осуден на 20 години затвор поради корупција, објавија медиумите во Кина.

Поранешниот кинески репрезентативец (92 настапи и шест гола) и поранешен член на Евертон е последниот во низата спортски работници кои добија тешки затворски казни.

Ли е осуден за примање мито во вредност од над 110.000.000 јени, што е дури 15.100.000 долари во периодот од 2015 до 2021 година, а од таа сума зел 6.800.000 долари како селектор на кинеската репрезентација од 2019 до 2021 година.

Според обвинението, Ли правел услуги како што се избирање на одредени играчи, помагање на некои клубови да доведат фудбалери, а самиот понудил поткуп од 412.000 долари за да стане селектор на Кина.

Казната на Ли веројатно ќе беше уште поголема доколку тој не признаеше дека учествувал во поткуп и местење натпревари во документарен филм емитуван на почетокот на годината на националната телевизија.

Ли Ти играше за Лиаонинг, Евертон, Шефилд Јунајтед и Ченгду за време на својата играчка кариера, а беше тренер на Хебеи и Вухан пред да ја преземе функцијата селектор на Кина во 2019 година, која ја извршуваше до 2021 година.

Свет

Швајцарија планира да ја реновира својата мрежа на бункери

Швајцарија сака да ја надгради својата мрежа на нуклеарни бункери, што се веќе застарени, но се повеќе се гледаат како вредно богатство во овие времиња на глобална неизвесност, јавија локалните медиуми.

Благодарение на законот донесен во 1963 година, Швајцарија веќе е пред соседните земји како Германија. На секој од деветте милиони жители на Швајцарија, вклучително и странци и бегалци, му се гарантира место во бункер за заштита од воздушни напади и радијација.

-Швајцарската конфедерација сака да укине некои од исклучоците што постојат во сегашните правила во наредните години, како и да реновира некои од нејзините постари бункери, рече Луис-Анри Делаража, шеф на службата за цивилна одбрана во кантонот Во, објавија тамошните медиуми.

Швајцарската влада започна консултации на таа тема во октомври за да обезбеди „отпорност на земјата во случај на вооружен конфликт“. Планирано е да се издвојат 220 милиони швајцарски франци (250 милиони долари) за реновирање на старите објекти.

-Ова не значи дека се подготвуваме за конфликт. Тоа не е пораката. Сепак, имаме мрежа на бункери и треба да ги одржуваме за да се увериме дека се функционални, истакна Делаража.

Делаража рече дека откако Русија ја нападна Украина во 2022 година, неговата канцеларија примила многу повици од загрижени граѓани кои поставувале прашања за бункерите.

притисни ентер