„Фолксваген“ привремено запира со испораките на автомобили од Мексико и Европа во САД - Канал 5

Автомобилизам

„Фолксваген“ привремено запира со испораките на автомобили од Мексико и Европа во САД

Концернот „Фолксваген“ (Volkswagen) воведе привремено запирање на железничките испораки на автомобили од Мексико и Европа во САД, а поради новововедените увозни давачки на администрацијата на Доналд Трамп.

„Фолксваген“ привремено запира со испораките на автомобили од Мексико и Европа во САД

Концернот „Фолксваген“ (Volkswagen) воведе привремено запирање на железничките испораки на автомобили од Мексико и Европа во САД, а поради новововедените увозни давачки на администрацијата на Доналд Трамп, објави Automotive News повикувајќи сè на службена белешка на компанијата до авто-дилерите.

Трамп вчера објави опширни мерки за увоз на стоки во САД. Воведени се основни тарифи од 10 отсто за целата увезена стока. Тарифата за Европската унија е зголемена на 20 отсто, додека за Мексико и Канада на 25 отсто, а за Кина на 34 отсто.

Според изданието, цените на автомобилите Волксваген во САД можат да скокнат значително. Компанијата има намера во цената на возилата да ги додаде и трошоците за плаќање на 25-процентната давачка. Во САД во фабриката во Тенеси, Волксваген ги произведува електричните кросовери ID.4 и теренските модели Атлас. Моделите како ID. Buzz и Голф се увезуваат од Европа, додека Тигуан, Таос и Џета се испорачуваат од Мексико.

Се истакнува дека германските производители на автомобили се меѓу најнастраданите компании од новите давачки на Трамп за увоз на автомобили. Високата побарувачка за профитабилни кросовери и бавниот премин на потрошувачите во САД кон електрични возила го прават овој пазар многу профитабилен за такви компании како Mercedes-Benz AG и Porsche.

Дел од американските медиуми јавија дека Mercedes-Benz веќе размислува за повлекување од продажба во САД на своите најдостапни модели, се смета дека со новите давачки нивната продажба овде би била економски непрофитабилна.

Тагови: автомобили фолксваген

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со 77 гласа против, 58 за и 17 воздржани во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

Не помина интерпелацијата за министерот Панче Тошковски

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

На Пелистер спасена мала срна која била нападната од куче (ВИДЕО)

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер