Според Тевдоски кредитниот рејтинг на една земја го покажува степенот на ризик од инвестирање во една земја, и е еден од клучните индикатори кои ги земаат предвид потенцијалните инвеститори при носење на нивните одлуки за влез во земјава што ќе влијае на извозот, платите, стандардот и економскиот раст .

Во делот на фискалната политика Фич очекува буџетски дефицит како оној кој го има проектирано и министерството за финансии и за оваа и следната година а на исто ниво се и проекциите кои се однесуваат за државниот долг што укажува дека министерството за финансии и владата своите политики ги темелат на реални проекции. Фич нотира дека рејтингот ББ+ е поддржан од историјатот на кохерентна макроекономска и финансиска политика, како основа на долготрајниот фиксен девизен курс, како и подобрите индикатори за владеењето отколку споредливата група на други слични земји.

Позитивната бизнис клима според извештајот на Светска банка за „Doing Business“ е значително подобар од споредливата група на други слични земји, и поддржува динамични перформанси кај извозот и солиден прилив на странски директни инвестиции. Во извештајот исто така се коментираат и силниот раст на извозот, растот на платите, стабилните девизни резерви како и банкарскиот сектор, кој е релативно добро капитализиран, ликвиден и профитабилен.