„Ден на спортот“ во Охрид: „Прличевци“ најдобри во „Zero Waste“ - Канал 5

Македонија

„Ден на спортот“ во Охрид: „Прличевци“ најдобри во „Zero Waste“

Над 700 дечиња беа дел од „Денот на спортот“ во Охрид. Плазма Спортските игри за млади и езерскиот град се покажаа како совршена комбинација. 

„Ден на спортот“ во Охрид: „Прличевци“ најдобри во „Zero Waste“

Токму од градот на УНЕСКО беше испратена порака преку „Zero Waste“ – „Биди дел од играта – да ја заштитиме нашата планета“.

Ова е уникатен проект, создаден со долгогодишниот партнер на Плазма Спортските игри за млади, Coca-Cola, кој креативно ги едуцира младите преку игра и спорт, овозможувајќи им полесно и поприродно да усвојат корисни навики и да ги применуваат во секојдневниот живот. Едукативниот квиз ги охрабрува да размислуваат логично, да пронаоѓаат причини и решенија за предизвиците поврзани со одржливиот развој, додека спортскиот дел е посветен на практично учење за селекција на отпадот на полигонот СИМ.

Со оваа кампања, Coca-Cola има цел да придонесе за позитивно влијание врз животната средина и да понуди решенија за предизвиците поврзани со пакувањето, во рамки на повеќегодишниот проект „Свет без отпад“. По интерактивната едукација, децата и младите се натпреваруваат на едукативен полигон, а за најдобрите се обезбедени награди.

Победници во третото издание на „Zero Waste“ се „Прличевци“, кои одлично го поминаа полигонот, каде што сите натпреварувачи имаа поддршка и од маскотата Виктор. „Симовци“ се натпреваруваа во Coca Cola Cup 2011, фудбал 2015, ракомет, баскет 3х3, одбојка и народна, покажаа уникатни вештини и натпреварувачки дух. Атмосферата беше неверојатна, фер-плеј играта и пријателствата беа во прв план.

Драган Бочески, поранешен фудбалер на Охрид, Вардар и Пелистер, а денес тренер во младинските категории на ГФК Охрид Лихнидос, заедно со македонскиот боксерски репрезентативец Наум Стојаноски и капитенот на ГРК Охрид, Иван Тасески, кој оваа сезона со својот тим го освои ЕХФ Европскиот куп, го донесоа факелот и симболично го означија почетокот на Плазма Спортските игри за млади во Охрид.

Претседателката на Плазма Спортските игри за Македонија, Елена Мицковска, ја потенцира важноста на Охрид како град за развој на спортот. Таа му ја честиташе шампионската титула на ГРК Охрид во ЕХФ Европскиот куп, како и успешно реализираното јубилејно десетто издание на „Охрид трчаТ“.

„Драги деца, вашите насмевки се најдобар доказ дека ова што го правиме е вистинската работа и дека го правиме најдоброто за вас. Почитувани претставници на градот Охрид, почитувани колеги и колешки, драги деца, дозволете ми најнапред да им ја честитам титулата на ГРК Охрид во ЕХФ Европскиот куп. Навистина нè направија горди, не само вас, охриѓани, туку и сите нас, цела Македонија.

Честитки и за успешно организираниот настан „Охрид трчаТ“, јубилејно десетто издание, како и до градот Охрид и општината, кои уште еднаш покажаа дека вложуваат во спортот, го поддржуваат и се одлични домаќини и организатори.

Сакам да упатам искрена благодарност до Министерството за спорт, до премиерот на Република Македонија, Христијан Мицкоски, како и до нашите партнери и спонзори – Пивара, Плазма, Шпаркасе банка и Шпаркасе Лизинг. Заедно успеавме да ги донесеме овие игри во Македонија, со една заедничка цел, сите вие да имате еднаква можност да учествувате и да се натпреварувате, без разлика дали активно се занимавате со спорт или не.

Тука сме да поттикнеме фер-плеј, толеранција и дружење, нека победат најдобрите. Победниците од Државното првенство, односно 200 ученици, ќе имаат можност да учествуваат на големото меѓународно финале во Сплит, од 17 до 22 август.

Уживајте, натпреварувајте се, дружете се и понесете убави спомени со себе. Охрид е еден од најубавите градови и верувам дека ќе го паметите по прекрасни моменти. Ви посакувам убав и навистина спортски ден“, истакна Елена Мицковска.

Секогаш е убаво кога зад големите спортски настани стојат вистински пријатели, а токму едни од нив се Шпаркасе Банка и Шпаркасе Лизинг.

„Веруваме во спортот, во спортските активности и во создавањето здрави животни навики. Создаваме можности младите да растат, да се развиваат и да го достигнат својот целосен потенцијал. Вие, младите, сте нашата иднина. Веруваме во вашата енергија, во вашите соништа и во вашата сила да создадете подобро утре. Спортот ве учи на вредности кои се темел за успех во животот: тимски дух, дисциплина, упорност, фер-плеј и меѓусебна почит.

Денес е ден за дружење, за насмевки и за нови спомени. Ви посакувам прекрасни моменти, убави пријателства, фер натпревари – и нека победи спортскиот дух“, порача директорката на мрежа експозитури на Шпаркасе Банка во Охрид, Билјана Вранишкоска.

На младите „симовци“ им се обрати и претседателот на Општина Охрид, Перчо Божиновски, кој не го криеше своето задоволство што токму Охрид е еден од домаќините на „Денот на спортот“.

„Денот на спортот“ утре продолжува во Тетово. Претходно се одржа во Скопје, Куманово, Штип, Кочани, Струмица, Велес, Кавадарци, Прилеп и Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Либански гастро- инфлуенсер во колачите криел стотици килограми хашиш, осуден е на доживотен затвор

Жорж Диб, популарниот либански гастро-инфлуенсер познат како Д-р Фуд, е уапсен по месеци бегство.

Либански гастро- инфлуенсер во колачите криел стотици килограми хашиш, осуден е на доживотен затвор

Властите го товарат за меѓународна трговија со дрога и го обвинуваат дека крие наркотици во слатките што ги произведува. За неговите 8,7 милиони следбеници на TikTok, тој беше познат по своите наградни игри и видеа од неговите погони за производство на храна, но зад сцената, велат властите, тој водеше двоен живот. Пред неговото апсење, тој беше осуден во отсуство на доживотен затвор, пишува The Guardian.

Либанските безбедносни сили го пронајдоа пред четири дена во куќа на северот од земјата, во Акар. Диб е во бегство година и пол, и покрај тоа што има потерница по него и е осомничен дека ја напуштил земјата. Во текот на овој период, тој продолжи да објавува содржини на својот TikTok профил и не се осврна на обвинувањата.

Во едно видео, тој се снимаше себеси на Корниш во Бејрут и понуди да им достави храна на раселените лица поради конфликтот меѓу Израел и Хезболах. Пред помалку од две недели, тој објави видео од фабриката на кое се гледа производството на сирење.

Тој беше осуден во отсуство на доживотен затвор со принудна работа

„Тој се пријавуваше во живо, а веднаш потоа го менуваше автомобилот, мобилниот телефон и адресата на живеење“, рече извор од либанските безбедносни служби. Истиот извор наведува дека токму тие видеа на крајот им помогнале да го лоцираат. Кратко по неговото апсење, на Инстаграм профилот на д-р Фуд беше објавена нова наградна игра за следбениците.

Диб беше осуден во отсуство на доживотен затвор со тешка работа минатиот месец. Истражителите тврдат дека пронашле дрога скриена во неговите брендирани чоколади и бисквити наменети за извоз. Обвинението е поврзано со полициска операција во 2024 година, кога 820 килограми хашиш беа пронајдени во пратка колачи.

Либанските власти во последните месеци ги засилуваат напорите за поправка на угледот на земјата како центар за трговија со дрога. Контролите на аеродромот и пристаништето во Бејрут се зголемени. Либан е под притисок од арапските земји од Заливот, кои се главен пазар за дрога на Блискиот Исток. Притисок доаѓа и од САД, кои бараат построги проверки за да се запре протокот на стоки до Хезболах.

Ова не е прв ваков случај

Земјата има долга историја на шверц. Нарко-картелите користат порозни граници, бројни паравоени групи и слаба државна моќ за транспорт на дрога. За време на сириската граѓанска војна, хашишот и каптагонот, стимуланс на амфетамин, пристигнуваа во долината Бека во Либан и сè уште се транспортираа преку пристаништето.

Во 2021 година, Саудиска Арабија го прекина увозот на овошје и зеленчук од Либан, затворајќи го пристапот до голем дел од пазарот во Заливот за либанските производи. Одлуката беше донесена поради пратките што служеа како параван за шверц на каптагон, каде што таблетите беа скриени во лажен зеленчук.

Откако сирискиот претседател Башар ал-Асад беше соборен во декември 2024 година, производството на каптагон во голема мера се пресели во Либан. Сега дрогата патува од Либан во Сирија, а не обратно. Крајните дестинации се Јордан и земјите од Заливот. Д-р Фуд не е првата ѕвезда на TikTok во Либан што е обвинета од властите дека води двоен живот.

Криминалците го користат TikTok

Во мај 2024 година, либанските власти разбија мрежа за трговија со деца што дејствувала преку TikTok. Властите соопштија дека група од 30 трговци со луѓе ги намамувале децата со приватни пораки, а потоа продавале нивни компромитирачки фотографии на темната мрежа. Еден од најпознатите членови на таа мрежа бил либански бербер со илјадници следбеници на TikTok.

Тој често објавувал видеа од себе како им ја сече косата на децата, а властите велат дека ја користел својата популарност за да ги експлоатира. На 31 јули, либански суд прогласи шест мажи и една жена за виновни за учество во таа мрежа на злоупотреба. Тие добија казни од четири години до доживотен затвор.

Тагови: инфлуенсер хашиш

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Само четири кози беа доволни за да предизвикаат катастрофа на пацифички остров

Ослободувањето на четири кози на изолиран новозеландски остров кон крајот на 19 век изгледаше како практично и безопасно решение за обезбедување храна за потенцијални бродоломци.

Само четири кози беа доволни за да предизвикаат катастрофа на пацифички остров

Меѓутоа, она што требаше да служи како „живо снабдување со месо“ се претвори во катастрофа што го промени кревкиот екосистем на островот.

Исчезнувањето на бројни растителни видови

Според историските и научните извори, козите биле пуштени на Големиот Остров (Манававави на маорски), северозападно од Нов Зеланд, во 1889 година.

Поради изобилството на храна и отсуството на природни предатори, нивниот број брзо се зголемил, а до 1928 година имало околу 300 од нив. Ова довело до уништување на вегетацијата и промена во локалниот екосистем, објавува Dnevno.hr.

Ботаничарите кои го посетиле островот кон крајот на 19 век и во текот на 20 век забележале ненадејно исчезнување на бројни растителни видови. Одделот за заштита на природата на Нов Зеланд истакнува дека некои видови преживеале само во траги, додека дрвото Pennantia baylisiana е сведено на еден единствен преживеан примерок во дивината.

Обемот на штетата стана јасен до средината на 20 век, па во 1946 година беше организирана кампања за целосно отстранување на козите. Во тоа време беа застрелани околу 400 единки, што конечно го запре понатамошното уништување на теренот.

Хуман и корисен потег, но...

Иако постепеното закрепнување и враќање на шумската вегетација започна откако беа отстранети животните, дел од штетата е трајна. Многу растенија регистрирани пред периодот на интензивно пасење подоцна повеќе не се наоѓаа на островот.

Практиката на оставање домашни животни на пусти острови беше вообичаена кај морнарите и китоловците во 19 век.

Ова се сметаше за хуман и корисен потег што ќе им овозможи на луѓето да преживеат во случај на поморски несреќи.

Од друга страна, примерот на Големиот Остров претставува важна лекција за модерната заштита на животната средина и управувањето со заштитените подрачја низ целиот свет.

Тагови: кози остров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Над 200 тони медузи ги запреа реакторите на нуклеарка во Франција

Повеќе од 200 тони медузи се појавија во близина на француската нуклеарна централа Гравелине, што предизвика целосно запирање на два од шесте реактори, објави денес францускиот енергетски оператор EDF. 

Над 200 тони медузи ги запреа реакторите на нуклеарка во Франција

Медузи се појавија во близина на системите за филтрирање на пумпната станица што ја снабдува електраната со морска вода.

EDF објави дека реакторите се исклучени како мерка на претпазливост за да се осигури дека големата концентрација на медузи нема да влијае на безбедноста на електраната на никаков начин. Уште два реактори работат со намалена моќност, додека преостанатите два се надвор од работа, меѓу другото, поради планирано одржување и инспекција.

Поради големите акумулации на медузи, Гравелине веќе имаше проблеми со работата на реакторот кон средината на овој месец, како и во август минатата година. Електраната воведе системи за следење за да можат големи јата медузи да се детектираат порано и да се отстранат.

Ова се случило и претходно

Во близина на електраната постојано работат седум бродови кои ловат медузи и ги пуштаат подалеку во отвореното море, изјави портпаролката на EDF. Причините за појавата на толку голем број медузи сè уште не можат да се утврдат. ЕДФ работи со различни партнери за подобро разбирање на феноменот.

Портпаролката истакна дека инцидентот не претставува опасност за француската електроенергетска мрежа. Гравелин е една од речиси 20-те француски нуклеарни централи и се наоѓа на северниот брег на Франција, на околу половина пат помеѓу Кале и Денкерк.

Тагови: медузи нуклеарни реактори

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер