,,Дарт Вејдер” пред животна пресвртница:Се враќам на миење прозорци(ВИДЕО)

Дарт Вејдер ја запали својата црвена светлосна сабја во темниот ходник и почна крвав танц: мртвите бунтовници паѓаат во сите правци. Ги има многу, тој е сам, но немаат шанси, сабјата трепка и сече, сече, сече ...

Масовните сцени од филмот „Војна на вездите: Rogue One “ многумина ги сметаат за најнасилни и најзлобни моменти на мрачниот Дарт Вејдер во целиот универзум на оваа франшиза на СФ. Заедно со, се разбира, оној од филмот „Војна на вездите: Империјата го возвраќа ударот“ кога Вејдер му ја отсече раката на Лук Скајвокер.

Британскиот актер Спенс Вилдинг беше под маската на супер-негативецот во „Rogue One“. Сега медиумите на Островот повторнос е околу него, но не поради неговото враќање во некој нов проект и униформата на Темниот лорд Сит.

- Пандемијата на коронавирусот ја уништи филмската индустрија. Време е да се вратам на моите корени “, рече Вилдинг. А, тие корени се - миење прозорци.

Вилдинг се пошегува дека може дури и да ја употреби Силата и да ја заврши работата во секунда.

Дарт Вејдер беше на врвот во неговата кариера, а од 2004 година овој поранешен кик-боксер играше околу триесетина мали улоги, претежно разни чудовишта, маскирани суштества, беше резерва на Бенисио Дел Торо и Роби Колтрејн. Играше и врколак во „Хари Потер“, во „Чувари на галаксијата“ беше злобен чувар, во „Игра на тронови“ бел шетач ...

Но, сега нема работа и мора да заработувате за живот од нешто.

- Многумина се изненадени, но не гледам причина за тоа. Мислам дека не е под чест на никого да се занимавам со чесна работа “, објасни Вилдинг.

- Треба да се живее. Ги сакам луѓето, сакам дружење и ако некому му треба миење прозорец, знам да работам добра работа.

Вилдинг има два сина тинејџери и 27-годишна ќерка и размислува како еден ден ќе им остави добра, добро платена работа.

- Луѓето во мојата област секогаш ме поддржуваа. Сега повторно ќе може да го видат „големиот распон“ на скалите - рече актерот за еден велшки портал и додаде дека се гледа себеси и како вратар, бидејќи тој ја вршел и таа работа пред да започне да глуми.

- Бев добар вратар. Родителите ми велеа: „Кога си пред вратата , знам дека моите деца се безбедни“ - заклучи тој.

Терзиќ се надева на прекинување на црната серија против Баерн Минхен

Борусија Дортмунд сака да ја прекине лошата серија од 9 последователни порази против Баерн Минхен во Бундеслигата кога тимот викендов ќе гостува на „Алијанц Арената“.

-Време е. Наша цел е да одиме во Минхен и конечно да заминеме како победници, изјави тренерот на тимот Един Терзиќ.

„Жолто-црните примија 37 гола на тие 9 натпревари и немаат победа во првенството од 2018 година, а есента загубија на домашен терен со 0:4.

-Влегуваме во последниот и највозбудлив дел од сезоната. Подготвени сме да покажеме дека сме способни за се за да ги оствариме нашите цели, додаде Терзиќ.

Иако Баерн, кој 11 пати по ред е шампион во Германија, нема најдобра сезона, „против нас секогаш го покажуваат најдоброто“, истакна тренерот на Борусија.

Екипата на Дортмунд за утрешниот меч ќе биде без суспендираниот играч за врска Марсел Забицер, повредениот бек Рами Бенсебаини и голманот Грегор Кобел кој има стомачен вирус. /МИА

Велигденска честитка на Киро Стојанов, Скопски бискуп и Струмичко – скопски епарх

„Не е овде! Воскресна! Еве го местото каде што го положија“ (Марко 16,6)

Со овие едноставни зборови, евангелистот Марко опишува како жените, во раните утрински часови, на првиот ден од седмицата, го откриле празниот гроб. Жените со страв го напуштаат местото, иако требало да знаат дека одамна пророците го објавиле настанот на Исусовото воскресение.

Но, како се случи тоа? Само три дена пред Исусовото воскресение, Петар се одрекол од Него. Три пати рекол дека не го познава човекот кој тврди дека е Месија, Спасител. Петар уште немаше сила да посведочи за Христа. А учениците кои после Исусовата смрт на крстот отидоа од Ерусалим во Емаус, го препознале дури кога го прекршил лебот за да јаде заедно со нив.

Учениците кои речиси три години го следеле Исуса, го слушале и ги гледале чудата што ги правел, не можеле веднаш да поверуваат. Уште еднаш требало да поминат низ школата на верата за да ја примат на крајот силата на Светиот Дух, со што ќе се ослободат од својата плашливост и ќе излезат од своето скривалиште и јавно ќе зборуваат за големите Божји дела. На крајот, ги положија своите животи за верата, а во служба на Радосната вест. Силата што ја примија ги одржуваше и ги поддржуваше, да не се плашат повеќе, туку да можат смело да сведочат за Христос, Спасителот на луѓето, кој умре со страшна смрт на крстот и кој воскресна. По воскресението, прво им се јави на учениците свои, а по четириесет дена се вознесе на небото и седна оддесно на Отецот, од каде пак ќе дојде во слава и ќе им суди на живите и мртвите. Оваа велигденска порака ни е предадена во Евангелијата и оттогаш таа се објавува, пренесува, објаснува и постојано се толкува веќе две илјади години.

Денес веќе не гледаме празен гроб на чија порака би можеле да и веруваме. Разните привлечни туристички аранжмани за велигденските празници ја одредуваат сликата за Велигден. Затоа не е лесно да ги откриеме трагите на воскресението во секојдневниот живот. Но, да се потсетиме дека ни учениците од Емаус не можеа да го препознаат Исуса додека беа со него на пат, затоа што очите им беа замрежила и го сметаа за туѓинец, но нивните срца гореа додека тој им го толкуваше Писмото. Го препознале во кршењето на лебот. Господ нека го разгори и нашето срце кога го читаме и слушаме словото Божјо за да можеме да го препознаеме воскреснатиот Христос на секое евхаристиско славење кога молиме: „Господи, Твојата смрт ја навестуваме, Твоето воскресение го славиме, Твоето славно доаѓање го очекуваме!“

На сите Ви посакувам Честит празник Воскресение Христово - Велигден!

Христос воскресе! Навистина воскресе!

Рашфорд може да го пропушти ЕП 2024

Напаѓачот на Манчестер Јунајтед, Маркус Рашфорд би можел да го пропушти Европското првенство во 2024 година, пишува „Телеграф“.

Според изворот на изданието, на селекторот на Англија, Герет Саутгеј не му се допаднал настапот на играчот.

За да добие место во формацијата на „трите лава“, фудбалерот мора да покаже подогри игри на претстојните натпревари.

Оваа сезона 26-годишниот Рашфорд одигра 35 натпревари, постигна 8 голови и 6 асистенции.

Словенија, Данска и Србија ќе играат против Англија во групната фаза на ЕП 2024. /МИА

притисни ентер