Дали салатата од домати и краставици предизвикува подуеност? - Канал 5

Рецепти

Дали салатата од домати и краставици предизвикува подуеност?

Салатата од домати и краставици за многумина е речиси задолжителен дел од летниот ручек.

Дали салатата од домати и краставици предизвикува подуеност?

Сепак, преку некои портали се рашири тврдењето дека овие две намирници не треба да се јадат заедно бидејќи се варат со различна брзина, краставицата брзо поминува низ дигестивниот систем, додека доматите се задржуваат, па во комбинација наводно предизвикуваат ферментација, надуеност и болки во стомакот.

Звучи доволно убедливо да предизвика сомнеж, но добри научни докази за ваквата препорака нема. Здрава личност нема причина да ги одвојува доматите и краставиците ако нивната комбинација не ѝ предизвикува непријатност.

Желудникот не ја сортира храната според брзината на варење

За време на оброкот, храната во желудникот се меша со желудочната киселина и ензимите, и постепено преминува во тенкото црево. Брзината со која желудникот се празни не зависи само од еден прехранбен производ, туку и од целокупниот состав на оброкот, неговата количина, содржината на калории, масти, протеини, јаглехидрати и содржина на влакна, како и од здравјето на лицето.

Со други зборови, желудникот краставицата не ја испраќа на еден начин, а доматот на друг. Дигестивниот систем обработува мешани оброци секој ден, од сендвичи и супи до салати составени од повеќе состојки.

Според Американскиот националниот институт за дијабетес и дигестивни и бубрежни заболувања, мускулите на органите од дигестивниот тракт ја движат и мешаат содржината со дигестивните сокови, додека хранливите материи се разградуваат во делови што телото може да ги апсорбира. Никаде не се препорачува да се одделуваат зеленчуците според нивната наводна брзина на варење.

Дали доматите и краставиците во комбинација предизвикуваат ферментација?

Ферментацијата се случува главно во дебелото црево, каде бактериите разградуваат одредени јаглехидрати кои не се целосно сварени или апсорбирани во тенкото црево. За време на овој процес може да се појават гасови и надуеност, но тоа не значи дека секоја комбинација на храна за која се претпоставува дека се вари со различна брзина ќе предизвика ферментација.

Доматите и краставиците се богати со вода, имаат релативно малку калории и можат да бидат дел од разновидна исхрана. Универзитетот Монаш, чии експерти развија и лабораториски тестираа режим на исхрана ( FODMAP) за одредени луѓе со синдром на иритабилни црева со малку јаглехидрати, ги наведува и доматите и краставиците меѓу намирниците што може да се вклучат во соодветни порции. Во нивните предлози за оброци, двете намирници дури се појавуваат заедно во салата и сендвич.

Ова не докажува дека сите ќе ја толерираат оваа салата подеднакво добро, но јасно покажува дека нивната комбинација сама по себе не е препознаена како проблематична.

Па зошто некој има надуеност по летна салата?

Ако симптомите редовно се јавуваат по салата, тие не треба да се игнорираат. Сепак, причината не мора да биде комбинацијата од домати и краставици. Проблемот може да биде во големата количина храна, брзото јадење и голтањето воздух, но и во другите состојки на оброкот. На пример, кромидот и лукот можат да поттикнат проблеми кај луѓе со синдром на иритабилни црева поради одредени ферментирачки јаглехидрати.

Кај некои луѓе, доматите можат да ги влошат симптомите на рефлукс, додека некои индивидуално може полошо да толерираат суров зеленчук. Масните преливи, многу сирење, мајонез или многу масло, исто така, го менуваат составот на оброкот и можат да го забават празнењето на желудникот.

Надуеноста може да има многу причини, а препораките за исхрана варираат во зависност од симптомите и здравствената состојба. Затоа, не е добра идеја да се изоставуваат намирници само врз основа на правило пронајдено на Интернет.

Како да откриете што навистина ги предизвикува вашите симптоми

Доколку некое лице се сомнева во одредена храна, неколку дена може да води евиденција за тоа што јаде, колку и кога се појавиле симптомите. Доматите и краставиците можат да се пробаат поединечно, а потоа повторно заедно, без да се менуваат десет други состојки истовремено. Ова го олеснува откривањето на можната индивидуална осетливост.

Постојаната или силна подуеност, особено ако е придружена со силна болка, повраќање, крв во столицата, необјаснето губење на тежината или промени во празнењето на цревата, бара посета на лекар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Се појави видеоснимка од скандалозниот потег на тренерот на Лион, кој предизвика тепачка со фудбалерите на Фенербахче

Хаотични сцени се одвивале по реванш-натпреварот од плејофот за Лигата на шампионите меѓу Лион и Фенербахче. 

Се појави видеоснимка од скандалозниот потег на тренерот на Лион, кој предизвика тепачка со фудбалерите на Фенербахче

Последниот судиски свиреж поттикна жесток судир меѓу играчите, а сега се појавија и нови снимки кои фрлаат дополнително светло врз самиот почеток на тепачката.

На социјалните мрежи се појави видео на кое се гледа моментот кога ситуацијата со Матео Гендузи прерасна во физичка пресметка.

Според снимката и извештаите на разни медиуми, тренерот на голманите на Лион, Антонио Фереира, истрчал кон играчот на Фенербахче и се обидел да го удри со нога, изведувајќи потег во стилот на карате.

Ова предизвика реакција кај персоналот на Фенербахче, а конфликтот брзо ескалираше во масовна тепачка.

Видеото поттикна бројни реакции на социјалните мрежи, особено затоа што сега појасно може да се види моментот што му претходеше на ескалирањето на ситуацијата.

Сепак, целата приказна имаше свој вовед. За време на натпреварот, Гендузи беше во центарот на вниманието во напнатата атмосфера, првенствено поради неговиот претходен ангажман во Олимпик Марсеј, голем ривал на Лион.

Французинот беше гласно исвиркан од публиката за време на загревањето, на што тој одговори покажувајќи им среден прст на навивачите.

По натпреварот, тој дополнително ги провоцираше домашните играчи со гестикулации и извици „Allez l'OM“ (Напред Олимпик Марсеј). Неговото однесување дополнително ги разбесни домашните играчи и стручниот штаб, а ситуацијата целосно излезе од контрола по последниот судиски свиреж.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ММА и МРТ: Да се истражи работата на спортските канали Арена во Македонија

Од ММА и МРТ велат дека имаат материјални докази дека спортските канали Арена M1, M2 и M3 премиум подолг период работат без домашна дозвола.

ММА и МРТ: Да се истражи работата на спортските канали Арена во Македонија

Националните радиодифузери членки на Македонската медиумска асоцијација (ММА) и јавниот сервис МРТ се сериозно вознемирени од индициите дека со работењето на неколку нови телевизиски сервиси кои се креирани од српски компании блиски до државата, се заобиколуваат и злоупотребуваат македонските закони, се наведува во реакцијата на ММА и МРТ, а во врска со работењето на спортските канали Арена M1, M2 и M3 премиум.

Од ММА и МРТ велат дека имаат материјални докази дека спортските канали Арена M1, M2 и M3 премиум подолг период работат без домашна дозвола, а македонскиот регулатор АВМУ „на волшебен начин ги третира како странски програмски сервиси кои се реемитуваат во Македонија, иако продукцијата, новинарите, коментаторите и гостите се во Скопје, студиските емисии се произведуваат тука, а програмата се емитува на македонски јазик“.

„Дополнително, во евиденцијата на српскиот регулатор РЕМ каналите Арена M1, M2 и M3 премиум не постојат што значи не се домицилни, српски канали. Истовремено, во операторските евиденции одобрени од АВМУ овие канали се водат како странски сервиси кои емитуваат програма на српски јазик! ММА и МРТ бараат органите на истрагата како и референтните институциите да утврдат дали со ваквото постапување е заобиколена законската обврска за дозвола, дали е причинета штета на буџетот со неплаќање на лиценца и дали постои одговорност кај сопствениците, одговорните лица на ТВ сервисите како и кај службениците на АВМУ. Бараме да се провери и евентуалното неовластено користење на премиум спортски ТВ-права позната како ТВ пиратерија. За жал долгогодишното незаконско реемитување на одредени канали од регионот како што се Хрватска, Албанија, Босна и Србија бараме кончено да влезе во радарот на македонскиот регулатор“, велат од ММА и МРТ.

Оттаму додаваат дека нема да дозволат истиот модел на евентуалното изигрување на законот да биде применет и за најавениот Јуроњуз Македонија, односно АВМУ да го третира како странски сервис на начин сличен на Арена премиум каналите, „како што најавуваат нивните сопственици и структури од Белград“.

„Беззаконието кое денес се толерира како исклучок, утре може да стане правило. ММА и МРТ ќе поднесат соодветни поднесоци до Јавното обвинителство и МВР за да се испита постапувањето и евентуалната одговорност на надлежните лица во АВМУ“, велат од ММА и МРТ.

Тагови: ММА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седма вечер на отвореното културно лето во Карпош

Вчеравечер Карпошовото културно лето започна со презентација на фолклорната  уметност , во организација на АКУД „Мирче Ацев“. 

Седма вечер на отвореното културно лето во Карпош

Освен домашни групи, танцовите фолклорни ансамбли од Мексико, Романија, Унгарија , Полска и Турција, беа одлична можност, почитувачите на автентичниот фолклор да се насладат на интернационална играорна култура од други земји.

Во присуство на градоначалникот на Општина Карпош Сотир Лукровски, во рамки на проектот „ReArt, во кафулето „Ли“, за љубителите на овој вид на уметност, беа изложени и презентирани автентично изработени скулптури од рециклирани материјали, создадени од млади таленти .

-Навистина ми претставува особена чест, што вечерва имаме можност да ги видиме овие фасцинантни дела од оваа изложба. Она што го гледаме пред нас е најдобар доказ дека уметноста може да се роди токму таму, каде што најмалку ја очекуваме. Особено ме радува што зад овие дела стојат млади луѓе. Тие ни покажуваат дека креативноста нема граници, а одговорниот однос кон животната средина може да започне со едноставна промена во начинот на кој гледаме на работите околу нас, потенцираше првиот човек на Карпош , Лукровски.

Во училишниот двор на ООУ „Петар Поп Арсов“ со почеток од 20:00 часот , во рамки на отвореното кино, беше прикажан филмот „Исцелител“. И овој пат, карпошани, заедно со своите маалски соседи, роднини и пријатели, гледаа домашен македонски филм, во една релаксирана и опуштена атмосфера.

Седмата вечер на отвореното културно лето во Карпош, заврши на најдобар можен начин-со одлична забава со неповторливите Игор Џамбазов и Гуру Харе . Нашиот легендарен шоумен заедно со гитаристот во придружба, направија незаборавна вечер за паметење. Со бравурозен настап, како на „филмска лента“ сe редеа познатите македонски поп-рок хитови и евергрини од познати македонски изведувачи кои ги натераа присутните заедно со Џамбазов и Гуру Харе да пејат и одлично да се веселат. Меѓу своите карпошани во релаксирана и опуштена атмосфера се забавуваше и градоначалникот на Општина Карпош Сотир Лукровски , заедно со претседателот на Владата Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер