Шоу биз

„Бриџит Џонс“ е повторно сама- партнерот западнал во финансиски проблеми и банкротирал

Оскаровката Рене Зелвегер, најпозната по улогата на Бриџит Џонс, и ТВ-водителот Ант Анстед наводно се разделиле по четири години поради неговите финансиски проблеми.

Тој и поранешната сопруга Кристина Хак се во правна битка за старателство над нивниот син Хадсон, што наводно довело до проблеми во врската со актерката. „Тие беа многу среќни заедно, но финансискиот притисок стана преголем“, изјави извор близок до двојката за Дејли Меил.

Ант Анстед е забележан како престојува во куќата на богато разведената сопруга во Калифорнија додека актерката ја снима серијата во Њујорк. Според Дејли Меил, тој бил виден како доаѓа и си оди од вилата на Жил Френч во Лагуна Бич, каде што наводно користи апартман за гости. Неговиот претставник нагласи дека нивното пријателство е платонско и дека Рене и Ант се уште се заедно.

Антстед, кој се соочува со финансиски проблеми, вклучувајќи го банкротирање на неговата компанија и неколку тужби, моментално бара нов договор за закуп. Извор близок до Зелвегер потврди дека тие се уште се во врска, но дека таа не сака да живеат заедно, па затоа Ант мора сам да си најде сместување. Двојката, која е заедно од 2021 година, не е видена заедно во јавноста од март, и двајцата се обидуваат да ја задржат својата врска приватна.

Долготрајна битка за старателство

Анстед и Кристина Хак, ѕвезда на HGTV, се разведоа во 2021 година, по помалку од две години брак. Во април 2022 година, тој поднесе барање за целосно старателство над својот син, тврдејќи дека неговата поранешна сопруга го користи за да ја зголеми својата популарност на социјалните мрежи. Следеше скап судски случај, но се чини дека тие пронашле заеднички јазик бидејќи Анстед неодамна изјави дека нивната врска се подобрила во последните неколку месеци.

Рене и Анстед се заедно од неговиот развод

Рене Зелвегер и Ант Анстед се запознале во 2021 година на снимањето на неговата емисија Celebrity IOU Joyride и почнаа да се забавуваат кратко по разводот на Анстед. Нивната врска стана јавна во летото 2021 година, а двојката официјално се појави заедно на Инстаграм и на неколку настани. Во текот на следните години, иако двајцата ги продолжија своите кариери, тие често беа видени заедно, вклучително и на разни јавни настани и семејни собири.

И покрај повремените гласини за можна свршувачка, двојката никогаш официјално не ги објави плановите за брак. И двајцата ја нагласуваа важноста на приватноста во нивната врска, но повремено споделуваа мали знаци на внимание на социјалните мрежи. Зелвегер се зближи и со синот на партнерот Анстед, а двојката ги поминуваше празниците заедно, патуваше и се поддржуваше еден со друг во професионални проекти.

Тагови: партнерот банкротирал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Земјата каде што не се остава бакшиш, келнерите трчаат по гостите за да ги вратат парите

Иако оставањето бакшиш во ресторани и кафулиња е вообичаен начин за изразување благодарност за добрата услуга во многу земји, во Јапонија таков потег може да има сосема спротивен ефект.

Во оваа азиска земја, оставањето пари по оброкот се смета за некултурно, па дури и навредливо.

Обичаите поврзани со бакшишот се разликуваат низ светот. Во Обединетото Кралство, Германија, Данска и Шведска, вообичаено е да се остават околу десет проценти од сметката, додека во Франција, Италија и Шпанија луѓето обично оставаат околу пет проценти.

Во САД, оставањето бакшиш е практично задолжително и често се движи меѓу 15 и 20 проценти, без оглед на квалитетот на услугата.

Сепак, во Јапонија важат сосема различни правила. Според Би-Би-Си, повикувајќи се на туристичката агенција InsideJapan Tours, Јапонците сметаат дека обезбедувањето квалитетна услуга е составен дел од нивната работа; следствено, дополнителните пари не се ниту очекувани ниту посакувани.

„И покрај предупредувањата дека бакшишот не е вообичаен во Јапонија, некои туристи сè уште инсистираат да ја покажат својата благодарност со пари, но тоа едноставно не функционира“, изјави Џејмс Манди од InsideJapan Tours за Би-Би-Си.

Тој забележува дека не е невообичаено да се види келнер како истрчува од ресторанот по муштеријата за да врати пари оставени на масата.

Причината за оваа реакција лежи во јапонската култура, каде што квалитетната услуга се зема здраво за готово како прашање на професионална гордост, а не како средство за заработка на дополнителни пари. Искрената благодарност се цени многу повеќе од бакшишот.

Едноставна „оишиката“ - што значи „беше вкусно“ - или „гочисосама дешита“ - израз на благодарност за оброкот - се сметаат за многу посоодветни начини гостинот да покаже задоволство. Придружени со учтив поклон, ваквите зборови имаат многу поголема вредност од парите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Пејачка го покажа бујното деколте

Популарната пејачка Лидија Бачиќ Лили, позната по својата енергија и активната комуникација со обожавателите, повторно го привлече вниманието со својата најнова објава на Инстаграм.

По серијата летни концерти долж крајбрежјето, пејачката сподели неколку фотографии со кратка и едноставна порака, откривајќи интересен моден избор.

Облечена во црн горен дел од бикини од тантела и тексас-здолниште со висок струк, пејачката позираше потпрена на една голема карпа, прикажувајќи опуштена летна комбинација.

Нејзината објава, проследена само со краткиот поздрав „Здраво“, предизвика лавина реакции, а фановите, како и обично, ја опсипаа со комплименти и емотикони во форма на оган и срце.

Атрактивната пејачка и претходно објави фотки во бикини кои со воодушевување беа прифатени од нејзините фанови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.