„Болниците ни се полнат значително побргу“д-р Кон предупредува за зголемениот број на заразени

Пандемијата може да се запре само со вакцинација, а кога ќе достигнеме 1,5 милиони вакцинирани со две дози, вирусот ќе започне да го губи својот потенцијал, изјави денес епидемиологот и член на Кризниот штаб на Србија, д-р Предраг Кон.

Тој за емисијата „Уранак“ на К1 телевизија кажа дека епидемиолошката состојба сè уште е неповолна, а целокупната ситуација се влошува. „Вчерашниот број на заболени во Белград беше 945, што е 37 проценти од вкупниот број позитивни луѓе на вирусот во Србија.

Тој додаде дека има постепено зголемување на бројот на заразени од 27-ми јануари, како и стабилизирање на бројот на нови случаи, но на високо ниво, што отсекогаш претставувало нестабилна состојба.

Тој оцени дека се горди од резултатите на вакцинацијата во Србија.

- Засега имаме околу 720 000 лица кои добиле две дози. Кога ќе достигнеме 1,5 милиони луѓе вакцинирани со двете дози, може да се очекува ослабување на потенцијалот на вирусот. Но, за ситуацијата да биде стабилна, три милиони вакцинирани - потенцира Кон.

Тој објасни дека нема место за страв од вакцината, затоа што биле евидентирани само три случаи со рекација на вакцината од вкупно 1,2 милиони вакцинирани граѓани, кои морале да се следат медицински.

Тој исто така истакна дека нема место за страв дека вакцините можат да предизвикаат проблеми во бременоста, но треба да се биде внимателен.

- Нема вакцини направени со жив вирус, и затоа не постои можност вакцината да има штетно влијание врз фетусот или за време на доењето, но на вакцините пишува дека тоа сè уште не е истражено. Затоа треба да се внимава кога треба да се прими вакцината - рече Кон.

Извор: blic.rs

Владата го одобри предлог законот за прогласување на дел од Шар Планина за Национален парк

Владата на денешната 50-та седница го утврди текстот на Предлог законот за прогласување на дел од Шар Планина за Национален парк, подготвен од Министерството за животна средина и просторно планирање.

– Основна цел на ова законско решение е прогласување на дел од Шар Планина за заштитено подрачје од втора категорија – Национален парк, заради обезбедување заштита на исклучителните природни убавини и вредности, разновидноста и богатството на биодиверзитетот, геодиверзитетот, хидролошките карактеристики, пејзажните, пределните и други вредности, како добра од јавен интерес, информираат од владината прес служба, по завршувањето на седницата.

Владата на денешната 50-та седница го разгледа и усвои и Планот за борба против корупцијата и здравствениот протокол за непречено спроведување на Пописот.

Во Нигерија стигнале речиси 4 милиони вакцини преку програмата на СЗО

Нигерија денеска примила скоро 4 милиони дози вакцини од АстраЗенека против ковид-19, објави Министерството за здравство на таа земја на социјалните мрежи.

Контингентот од 3,92 милиони дози вакцини е прва испорака за најнаселената африканска земја, според Би-Би-Си.

Нигерија сега е трета западноафриканска земја што примила вакцина против коронавирус, по соседните Гана и Брегот на Слоновата Коска, и сите се доставени преку програмата COVAX на СЗО.

COVACS е глобална иницијатива која им помага на сиромашните и помалите земји да добијат пристап до вакцините.

Националната агенција за развој на примарната здравствена заштита (НПХЦДА) вчера објавила дека прво ќе се вакцинираат здравствените работници кои се на првата линија на борбата против пандемијата, пренесува Би-Би-Си.

Менкиноски: Ова што се случува со Бугарија е очекувано и наследено од 1941 година

Последните пораки од официјална Софија се со цел да се откажеме од Македонците во Бугарија кои имаат добиено повеќе пресуди од судот во Стразбур, а поради кои официјална Софија е притисната од меѓународните организации.

Ова го вели во интервју за Канал 5 адвокатот и застапник на здруженијата на Македонците во Бугарија, Тони Менкиновски... Тој смета дека официјална Софија врши притисок врз Македонија и Македонците во Бугарија.

Менкиноски смета дека Бугарија покажува јасна агресија кон Македонија и затоа може да се соочи со исфрлање од Советот на Европа, најстарата европска институција.

Менкиноски прашува дали со договорите со Бугарија и Грција се поништени правата на Македонците во овие држави?

Смета дека македонската Влада проблемот со Бугарија треба да го крене на меѓународно ниво.

Со пресудите од Стразбур, Бугарија е задолжена до јуни да го признае македонското малцинство, потсетува Менкиноски.

За жал, Бугарија преку административни забелешки и притисоци кон Македонците не ги извршува пресудите. Од друга страна Македонија не може да се откаже од права на бугарските државјани, вели Тони Менкиноски во интервју за Канал 5.

Со него разговараше Јован Ѓорговски.

притисни ентер