Работата на „Alfa Romeo 33 Stradale“ продолжува, а компанијата објави ново видео кое го прикажува прототипот за време на тестирањето во техничкиот центар Нардо.

Автомобилот помина низ „интензивни динамички тестови“ таму за да се осигура дека сериската верзија на суперспортскиот модел ќе ги исполни сите цели за перформанси.

За време на последниот круг на тестирање, тимот „ги следел и потврдил динамички параметри како што се аеродинамиката, максималната брзина, максималните температури, системот за ладење на погонската единица и звучната изолација на кабината“.

Иако беше направено многу, врв беше брзото возење на познатата патека Нардо.

Компанијата ја искористи патеката од 12,6 km за да ја потврди максималната брзина на автомобилот од 333 km/h и забрзувањето од 0-100 km/h за помалку од три секунди.

Овие импресивни бројки се овозможени со 3.0-литарскиот V6 со двоен турбо полнач кој развива повеќе од 629 КС (462 kW).

Моторот е поврзан со осумстепен менувач со двојна спојка, кој ја испраќа силата до задните тркала преку електронски диференцијал со ограничено пролизгување.

Тестовите во Нардо доаѓаат по тестовите на патеката Балоко, каде што прототипот беше подложен на „тестови за средна и голема брзина, со фокус на рамнотежата, системот за сопирање и управувањето на патот“.

Алфа рече дека некои од тие тестови вклучуваат исклучување на системот за контрола на тракцијата и возење блиску до максималната брзина, за да се потврди дека автомобилот обезбедува „изненадувачки леснотија на возење, дури и за непрофесионални возачи“.

Други тестови потврдија дека автомобилот може да застане од 100-0 km/h за помалку од 33 метри, благодарение на карбон-керамичкиот систем за сопирање „Brembo“ кој има клешти со четири и шест клипови, како и вентилирани и перфорирани дискови.

Првите испораки се планирани за следниот месец, а производителот изјави дека тестовите „ја потврдуваат леснотијата со која возачот влегува во синергија со автомобилот, уживајќи во неговата моќ, агилност и неповторливиот звук на „Alfa Romeo““.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.