Култура

„Ајнштајновите соништа“ на ЈДП во режија на Унковски гостува во МНТ

Југословенско драмско позориште (ЈДП) од Белград вечер и утревечер ќе гостува во Македонскиот народен театар со претставата „Ајнштајновите соништа“

Југословенско драмско позориште (ЈДП) од Белград вечер и утревечер ќе гостува во Македонскиот народен театар со претставата „Ајнштајновите соништа“ според истоимениот роман-бестселер на Ален Лајтман во режија на Слободан Унковски. На матичната сцена во ЈДП претставата премиерно беше изведена во октомври минатата година.

- Тоа не е драма. Нема приказна која е едноставна. Но има други работи кои ги шират видиците во мозокот и ги шират видиците на имагинацијата кај публиката и актерите... ЈДП храбро влезе во проектот. Мислам дека храброста е многу важна за репертоарот на театарот: доколку театарот не е подготвен да излезе од регуларниот репертоар, тогаш на еден начин тој стагнира. Чекорот кон непознатото е секогаш возбудлив за сите – за актерите, за мене, за театарот, и секако, секогаш е ризичен, истакнува режисерот Унковски.

Авторот на романот Лајтман (1948) е американски писател, физичар, основач на Фондацијата „Харпсвел“ и член на Американската академија за науки и уметности. Се едуцирал на „Принстон“ и Калифорнискиот институт за технологија каде и докторирал во областа на теориска физика. Лајтмен има и пет почесни докторати. Работел на „Харвард“ и на Институтутот за технологија во Масачусетс.

Напишал шест романи, неколку збирки есеи, мемоари, наративни поеми, како и неколку научни книги. Романот „Ајнштајновите соништа“ станал меѓународен бестселер, преведен е на повеќе од 40 јазици и е поставуван на театарските сцени низ светот. „Вашингтон пост“ ја избра за една од најдобрите книги во 2016 година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Техеран ракетираше американски бази на Блискиот Исток, САД бомбардираше цели на југот на Иран

Иран изврши серија ракетни и напади со беспилотни летала врз американски цели во Јордан, Кувајт, Ирак и Бахреин, како одговор на американските напади врз Исламската Република.

Јорданските вооружени сили соопштија дека пресретнале 13 балистички ракети, од кои 10 биле уништени, додека три паднале во оддалечени области. Иранските медиуми претходно објавија за интензивни напади врз јужен Иран по должината на брегот, како и дека најмалку четворица цивили биле убиени за време на свадба во градот Сирик, по нападите на американските сили во близина на Ормутскиот Теснец. Вашингтон негираше дека воено интервенирал врз цивилни цели.

Тагови: Техеран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин по заканата на Зеленски дека ќе го нападне руското небо: Не преговараме со терористи

Путин предупреди дека Москва целосно ќе ги прекине мировните контакти со Киев.

Рускиот претседател Владимир Путин предупреди дека Москва целосно ќе ги прекине мировните контакти со Киев и дека жестоко ќе одговори доколку биде загрозена безбедноста на руското цивилно воздухопловство, како што се закани украинскиот претседател Зеленски.

Зборувајќи пред новинарите по самитот на шангајската организација за соработка тој реториката на Зеленски ја нарече чин на државен тероризам и оцени дека барањата на киев за директни преговори се апсурдни во моменти кога украинската страна таргетира транспортни правци. Зеленски претходно се закани дека ќе ги нападне руските цивилни аеродроми и ги повика меѓународните авиокомпании да се повлечат од руските коридори тој рече дека рускиот воздушен простор ќе стане небезбеден и дека бројот на беспилотни летала на руското небо ќе се зголеми.

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лекарската комора почна процедура за избор на ново раководство

Во тензична атмосфера и зад затворени врати, Лекарската комора одржа собрание, на кое беше одлучено процедурата за избор на ново раководство да продолжи на 7 октомври.

Мандатот на актуелната претседателка Калина Гривчева Старделова е истечен од 1 јули, а дел од делегатите ја обвинија дека намерно го опстриура и одложува изборниот процес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.