Кошарка

Звезда и Партизан и следната сезона учесници во Евролигата!

Евролигата  ги објави 18 екипи кои ќе бидат учесници во Евролигата за следната сезона.

На состанокот акционерите( клубовите) на најелитното кошаркарско натпреварување во Европа, Евролигата дефинитивно ја потврдија одлуката за која се зборуваше подолго време.

Во следната сезона очекувано во елитното друштво ќе ја нема Валенсија која ќе го продолжи натпреварувањето во Еврокупот.

На радост на фановите на кошаркарските гиганти од Белград, Црвена Звезда и Партизан „вечните“ ривали трета година по ред ќе бидат дел сЕвролигата.

Следната сезона во Евролигата ќе играат и : Реал Мадрид, Барселона, Басконија, Панатинаикос, Олимпијакос, Асвел, Монако, Париз, Фенербахче, Анадолу Ефес, Олимпија Милано, Виртус Болоња, Макаби Тел Авив, Жалгирис, Баерн Минхен, Алба Берлин, .

Македонија

УХМР: Поради најавените врнежи, можни зголемувања на водостоите

Поради најавените врнежи, можни зголемувања на водостоите и комунални проблеми во градските средини.

Интензивни зголемувања на речните водостои и локални комунални проблеми во градските урбани средини може да предизвикаат најавените врнежи кои попладне, според прогнозите, на повеќе места ќе бидат поројни, предупредува УХМР и додава дека посебно треба да се обрне внимание на скопскиот, кумановскиот, кривопаланечкиот, кратовскиот и тетовскиот регион.

УХМР препорачува внимателно движење покрај помалите реки и суводолиците, како и претпазливост на оние места каде се очекуваат поинтезивни врнежи од дожд.

-Согласно најавата дека попладне ќе биде нестабилно со пороен дожд и грмежи, а на повеќе места ќе има појава на невреме со обилен пороен дожд (над 30 l/m2), доколку процесите бидат интензивни и доколку на одредени места локално за кратко време навранат поголеми количини дожд, можно е да дојде до забрзано зголемување на водостојот на малите реки и суводолиците, каде на одредени локации е можно да се јават локални проблеми. Доколку се јават овие интензивни врнежи, можни се и локални комунални проблеми во градските урбани средини, наведува УХМР.

Македонија

Синдикатот на полицијата поднесе кривична пријава против екс министерот Спасовски

Синдикатот на полицијата во Македонија до Основното јавно обвинителство Скопје поднесе кривична пријава против поранешниот министер за внатрешни работи Оливер Спасовски.

Синдикатот на полицијата во Македонија до Основното јавно обвинителство Скопје поднесе кривична пријава против поранешниот министер за внатрешни работи Оливер Спасовски и против актуелна претседателка на Државната комисија за одлучување во управна постапка и постапка од работен однос во втор степен.

Македонија

Надлежните бараат решение, по зголемениот број на пријави за змии во државата

Во Македонија нема лиценцирани заловувачи на змии, и решавањето на проблемот со овие влекачи, останува на добрата волја на неколкумина вработени од Зоолошката градина од Скопје и пожарникарите.

Поради тоа, ЦУК заедно со повеќе институции, во наредниот период ќе работи на системско решение за да нема зачестено појавување на змии, особено во градските средини.

Првиот човек на Центарот, Стојанче Ангелов упати смирувачки пораки до граѓаните во врска со змиите, кои во неколку наврати беа забележани низ градските подрачја.

Ангелов ги повика и дел од општините да придонесат надминување на проблемот со нивните капацитети.

Дел од општините пак спроведуваат акции за заштита од влекачите. Од Општина Карпош информираа дека продолжиле со поставувањето на „репелент“, средство против змиите, во близина на детските игралишта и околните училишта.

Пред две недели холандски турист беше каснат од змија во Охрид, и со противотров спасен во дебарската болница. Првите случаи во Скопје пак беа регистрирани минатата недела - едниот во центар за обука во Идризово, додека пак другиот во близина на кафеана покрај Вардар.

притисни ентер