Расте бројот на заболени жени од еден од најопасните канцери -ракот на грлото на матката. Засега и покрај алармантните статистики, особено на оние што ги објавуваат и дел од невладините организации, никој па ниту државата велат упатени лекари, не направил сеопфатна анализа, кои се причините што бројките на заболените жени постојано растат..

Д-р. Душко Филиповски – претседател на Здружение на гинеколози вели:


- Од 1049 читани пап тестови на гинекологија најдени се само 15 цитолошки промени, ова е само 1.5 отсто. Прифатливиот процент на било какви цитолошки промени кај нашите пациентки е да речеме околу 4 до 5 %. Но со вакви резултати каде што процентот на промени на грлото на матката на дијагностицирани тестови изнесува само 1 процент, ние не би требало да имаме воопшто организиран скрининг на грло на матката бидејќи ова спаѓа во групата на скандинавски земји.

Според д-р Филиповски резултатите од цитолошките пап тестови кои се читаат во приватните лаборатории покажуваат значително повисоки бројки.


Друг проблем вели тој е и недостигот од гинеколошки кадар во земјава, што според него се должи на тежината и одговорноста што ја носи професијата, но и ниските примања што ги добиваат.


Д-р. Филиповски е убеден дека проектот на министерството за здравство со кој државата ги кофинансира специјализациите е одличен потег кој ќе го реши овој проблем, но според него требало тоа да се случи порано. Ракот на грлото на матката е едно од најчестите малигни заболувања кај жените во Македонија, редовните прегледи кај гинеколог се еден од најдобрите начини на превенција, рано отркивање и поуспешно лекување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.