Зошто појадокот е најважен оброк? - Канал 5

Здравје

Зошто појадокот е најважен оброк?

Прескокнувањето на појадокот, општо гледано, не се препорачува од лекарите.

Зошто појадокот е најважен оброк?

Предупредувањата говорат дека прескокнувањето на првиот оброк може да доведе до акумулација на масно ткиво околу стомакот, на што особено се изложени децата и тинејџерите. Дијабетологот-ендокринолог д-р Луиза Напиорковска од Полска објаснува дека пропуштањето појадок ја зголемува концентрацијата на инсулин и ја влошува отпорноста на телото кон него, што всушност ја предизвикува дебелината кај стомакот.

- Прескокнувањето на оброците го става телото во состојба на „штедење“ до секој следен оброк, наместо да го користи за енергија, што неминовно води до зголемување на телесната тежина. Покрај тоа, високите концентрации на инсулин може негативно да влијаат на концентрацијата и вниманието. Отпорноста на инсулин може да се појави поради дебелина, стареење и недостаток на физичка активност, а понекогаш и Кушингов синдром или хемохроматоза се исто така причинители, објасни таа.

Прескокнувањето појадок не е добро ниту за децата, ни за возрасните, бидејќи тоа може да ја зголеми и опасноста од срцеви заболувања.

Научно истражување објавено во списанието „Дијабетес кејр“ (Diabetes Care) посочува дека пациентите со дијабетес тип 2 кои го прескокнуваат појадокот се изложени на поголем ризик од скокови на нивоата на шеќер во крвта во текот на денот, што може да биде многу опасно за нивното здравје.

Проф. Данијела Јакубовиќ од Универзитетот во Тел Авив се согласува со тоа. Таа вели дека прескокнувањето на појадокот кај дијабетичарите ја нарушува работата на бета-клетките и тоа го зголемува шеќерот во крвта. Д-р Дејвид Катлер за „Хелтлајн“ (Healthline), објаснува дека после гладување, телото „навистина копнее“ за големи количини храна.

- Затоа мора да го контролирате внесот на храна, а тоа значи да бидете посвесни за тоа што јадете. Ако јадете најмалку пет порции овошје и зеленчук дневно, ги добивате сите витамини и минерали коишто, општо земено, Ви се потребни, објасни д-р Кетлер.

Лекарите и стручњаците се согласуваат околу главниот закјлучок: Појадокот е важен и не треба да се прескокнува. /МИА

Тагови: појадок

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер