Зошто немаше остра осуда и за скрнавењето на поменот на ОМО Илинден на паметникот на Јане? - Канал 5

Македонија

Зошто немаше остра осуда и за скрнавењето на поменот на ОМО Илинден на паметникот на Јане?

Постојат ли можеби двојни стандарди кај нашите власти кога Бугарија е во прашање? За бугарската страна немаме дилеми- тие имаат само еден стандард - преточен во нивните ирационални барања, кое се далеку од европските цивилизациски нормативи.

Зошто немаше остра осуда и за скрнавењето на поменот на ОМО Илинден на паметникот на Јане?

Денешниот чин на опожарување на портата на бугарскиот културен центар „Ванчо Михајлов“, ( Михајлов е исторски докажан колаборатор на фашистите од Втората светска војна ) , кој се случи баш дента кога почна посетата на бугарската министерка за надворешни работи, Теодора Генчовска е акт кој мора да се осуди од сите политички чинители и од Бугарија и од Македонија.
Тоа и се случи, и чинам како да постоеше еден вид на фото финиш кој побрзо и подлабоко ќе го осуди опожарувањето на вратата на симболот на културата на Бугарите во Македонија.

Но, драги македонски политички лидери, почнувајќи од вас Претседателе Пендаровски, Премиере Ковачевски, Министри во владата на Македонија, драга опозицијо на чело со Мицкоски...потсетете не и нас и јавноста - дали вака ревносно реагиравте кога еден македонски Бугарин, по име Виктор Канзуров кој често има навредлив вокабулар спрема Македонците и нашето минато, го скрнавеше гробот на Јане Сандански, гордоста на Македонија и Македонците ширум светот, и најважно - име кое е дел од нашата ХИМНА?

Да ве потсетиме, овој лик ги фрли во контејнер венците оставени на паметникот на Јане Сандански, и заедно со веројатно својата партнерка ги газеше истите помен обележја оставено од страна на здружението на Македонците во Бугарија - ОМО Илинден.
Со тој чин направи повреда на чл.25 од Уставот на Македонија каде на секој граѓанин му е загарантирана почитување и заштита на достоинството и угледот на секој граѓанин на Македонија, како и чл. 56 од Уставот на Македонија во кој „Републиката гарантира заштита, унапредување и збогатување на историското и уметничкото богатство на македонскиот народ и на националностите“.
Зошто во овој и уште дузина други случаи кога се вршеа дејствија на навреди, драги наши политички лидери не реагиравте соодветно?
Треба ли јавноста и медиумите постојано да ве потсетуваат дека вие сте наши претставници во сите сфери на домашното нои надворешното политичко битисување?
За крај, објаснете и на почитуваната министерка Генчовска дека опожарување не може да биде говор на омраза, како што не е говор на омраза историскиот факт нотиран во нашите и многу европски историски учебници и документи кои ги обработуваат темите од Втората светска војна меѓу кои и улогата на Бугарија во истата која е нотирана и во Парискиот мировен договор од 10ти Февруари 1947 год, каде Бугарија е третирана како губитничка земја , членка на Хитлеровата оска.
Како медиуми очекуваме ургентно да се пронајдат оние кои го уништиле објектот на македонските Бугари во Битола и истите да бидат санкционирани, но очекуваме и реакции за вакви и слични моменти кои се директна повреда на правата на македонските граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Избегната е голема трагедија во Валенсија- луѓе во паника бегаат од зграда што се урива (ВИДЕО)

Застрашувачкиот момент кога одеднаш се сруши станбена зграда беше снимен, само неколку моменти откако жителите избегаа за да си го спасат животот кога слушнаа чудни звуци.

Избегната е голема трагедија во Валенсија- луѓе во паника бегаат од зграда што се урива (ВИДЕО)

Жителите избегаа од сигурна смрт откако се евакуираа од трикатна зграда во Бенитусеро, во близина на Валенсија, Шпанија, непосредно пред да се сруши на земја.

Шокантните снимки покажуваат мали делови од зградата како почнуваат да се откинуваат додека парчиња од фасадата и ѕидот паѓаат на земја.

За неколку секунди, целата структура се превртува и се урива во катастрофален колапс, оставајќи зад себе само куп урнатини. Огромен облак од густа прашина се крева во воздухот, целосно покривајќи го местото на несреќата, објави Ел Паис.

Ужаснатите сведоци може да се слушнат како врескаат од ужас додека зградата исчезнува пред нивните очи. Чудо е што зградата била празна во времето на уривањето.

Драматична евакуација за време на натпреварот

Жителите го гледаа натпреварот на Шпанија на Светското првенство против Франција и потенцијалното финале против Англија кога слушнаа чудни звуци што доаѓаа од зградата.

Плашејќи се од најлошото, тие ги повикаа службите за итни случаи и истрчаа надвор.

Полицијата и пожарникарите брзо поставија безбедносен кордон околу зградата, осигурувајќи се дека никој не е повреден во катастрофалниот колапс.

Тревогата беше подигната околу 22 часот по локално време, при што Шпанија водеше со 1-0 благодарение на пеналот на Микел Ојарзабал.

Спасувачките екипи, исто така, евакуираа соседна зграда како мерка на претпазливост.

Причина за колапсот се претходни катастрофи

Се верува дека колапсот е поврзан со градежните работи што се изведуваа на соседна парцела.

„Зграда се урна синоќа во Бенитусер, без жртви. Жителите на зградата, која се наоѓа на улицата Лас Америкас и веднаш до градилиште, претходно беа евакуирани откако забележаа пукнатини и слушнаа звуци“, потврдија локалните пожарникари во објава на социјалните медиуми.

Не беше веднаш јасно утрово колку луѓе беа погодени од инцидентот, ниту каде ќе бидат привремено сместени.

Бенитусер беше една од областите најтешко погодени од катастрофалните бури и поплави во регионот Валенсија во октомври 2024 година, кои однесоа повеќе од 230 животи.

Тагови: Валенсија зграда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Сопругата на Меси во центарот на вниманието на отворањето на бутикот на Викторија Бекам (ФОТО)

Додека Лионел Меси се подготвува за полуфиналето на Светското првенство помеѓу Аргентина и Англија, неговата сопруга Антонела Рокуцо накратко го замени фудбалот со мода. 

Сопругата на Меси во центарот на вниманието на отворањето на бутикот на Викторија Бекам (ФОТО)

Во Мајами, таа присуствуваше на ексклузивен настан организиран од Викторија Бекам по повод отворањето на нејзиниот нов бутик.

Антонела беше меѓу гостите на отворањето на привремената продавница „House of Victoria“ во луксузниот трговски центар Bal Harbor Shops, каде што ја поддржа поранешната членка на групата Spice Girls, а денес успешна модна дизајнерка.

Антонела блескаше во црна тоалета

За оваа пригода, сопругата на аргентинскиот фудбалер избра елегантен црн фустан кој ја истакнуваше нејзината фигура, а позираше со Викторија Бекам пред продавницата.

За отворањето на нејзиниот прв самостоен поп-ап бутик во Соединетите Американски Држави, Викторија носеше раскошен сатенски фустан во боја на шампањ со суптилен сјај. Во такво издание, таа ги пречека гостите на настанот, на кој се собраа многу познати лица од светот на модата и забавата.

Поддршка на социјалните мрежи

По вечерта, Викторија Бекам сподели фотографии од отворањето на социјалните мрежи и им се заблагодари на сите што дојдоа да го поддржат нејзиниот нов проект. „Голема благодарност до сите што дојдоа да го прослават отворањето на нашиот простор во продавниците „Бал Харбор“ со нас. Каква неверојатна ноќ!“, напиша таа.

Антонела објави фотографии од настанот и на Инстаграм, каде што ја следат повеќе од 40 милиони луѓе, со пораката: „Го славиме новиот дом на Викторија Бекам во Мајами. Ви посакувам се најдобро.“

Викторија одговори со благодарност: „Ви благодарам што бевте со мене на забавата.“ Во коментарите имаше комплименти за изгледот на Антонела, а нејзините следбеници ја опишаа како елегантна и убава.

Пријателство што започна во Интер Мајами

Семејствата Бекам и Меси се зближија откако Лионел Меси пристигна во Интер Мајами во 2023 година. Дејвид Бекам, ко-сопственик на клубот, одигра важна улога во неговото доаѓање во МЛС лигата, каде што Меси денес е капитен на тимот.

Оттогаш, двете семејства често се гледаат заедно на натпревари, приватни настани и добротворни настани во Мајами, а нивното пријателство стана едно од најпознатите меѓу спортските и јавните личности во градот.

Тагови: Викторија Бекам Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагичен крај на потрагата по 11 годишни близнаци- најдени се на дно на река во Шпанија

Безживотните тела на двајца 11-годишни близнаци се пронајдени вчера околу пладне во во реката Тер, во областа Манлеу во Барселона, Шпанија. 

Трагичен крај на потрагата по 11 годишни близнаци- најдени се на дно на река во Шпанија

Браќата исчезнаа во понеделник попладне откако играа фудбал и, како што се верува, пливаа во реката Тер, каде што се удавија, објавува Ел Паис.

Операцијата за пребарување, започната во понеделник вечерта, доведе до откривање на две тела на дното на реката, кои, според сите досегашни индикации и во исчекување на потврда на нивниот идентитет преку анализа на отпечатоци од прсти, им припаѓаат на двајцата браќа.

Како и во многу претходни прилики, момчињата отишле да играат фудбал на училишен терен тоа попладне. Тие требало да се вратат дома околу 21 часот, кога теренот се затвора. Сепак, тие не се појавиле. Според извори во истрагата, браќата решиле да се искапат во реката Тер пред да се вратат дома. Ниту еден од нив не знаел доволно добро да плива и, кога се стемнило, се удавиле.

По полноќ, таткото на момчињата пријавил дека се исчезнати, а локалната полиција во Манлеу ја известила каталонската полиција (Mossos d’Esquadra), која ја презела потрагата. Тие активирале дронови и подводна единица. Во вторник, околу 11:30 часот, екипите за итни случаи пронашле парчиња облека во реката што одговарале на она што браќата го носеле во понеделник попладне. Околу 13:00 часот, телото на првото момче било пронајдено во водата на длабочина од околу три метри. Еден час подоцна, пронајдено е и телото на второто момче.

Семејството, кое било вклучено во потрагата, било на местото на настанот кога биле пронајдени телата и било информирано дека, според описот што го дале, тие се совпаѓаат со нивните синови. Сепак, идентификацијата на близнаците сè уште не е целосно завршена: телата ќе бидат испратени во Институтот за судска медицина на Каталонија (IMELEC) за конечна идентификација со помош на отпечатоци од прсти.

Обдукцијата треба да ги утврди точните околности на нивната смрт, иако сè укажува дека станува збор за случајно давење.

Тагови: близнаци Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер