Зошто некои жени изгледаат помладо, а други не? - Канал 5

Здравје

Зошто некои жени изгледаат помладо, а други не?

 Осум неочекувани фактори кои влијаат на младоликоста - еден остава без зборови, па сите го користат!

Зошто некои жени изгледаат помладо, а други не?

Иако начинот на кој влегуваме во позрели години е сосема индивидуален и зависи од низа фактори, особено генетиката, некои правилности сепак се изводливи, а ова никако не смеете да го правите ако сакате да го задржите младешкиот изглед.

Стареењето не може да се спречи, но како што поминуваат годините, меѓу луѓето на иста возраст се забележливи големи разлики. Ова особено се однесува на жените и често помислуваме дека некоја дама изгледа како тинејџерка, а додека нејзината врсничка повеќе личи како да ѝ е мајка.

Бројни фактори влијаат на овие разлики, од кои некои се сосема неочекувани.

Високи јаболчици

Враќањето на трендот на високи јаболчици од 1990-тите доведе до зголемен интерес кај жените да се ослободат од букалните масни перничиња(централниот дел на образот). Сепак, операцијата за отстранување на овие перничиња може да има сериозни последици, а пластичните хирурзи предупредуваат на потенцијалните негативни ефекти од оваа процедура.

Премногу козметички третмани

Прекумерната употреба на козметички третмани, како што се пилинг и инјекции ботокс, може да доведе до неприроден изглед на кожата и предвремено стареење. Редовната корекција на лицето со полнила (филери) може да ја наруши природната анатомија на лицето и да додаде години на изгледот.

Ригорозни диети

Губењето на тежината може да доведе до појава на „диетално лице“, со подлабоки брчки и недостаток на волумен, што може да додаде години на вашиот изглед. Една студија покажала дека жените кои одржуваат повисок индекс на телесна маса може да изгледаат помладо од нивните врснички.

Премала или преголема физичка активност

Активниот начин на живот може да го забави процесот на стареење, но прекумерната физичка активност може да доведе до губење на волуменот на лицето, правејќи го лицето да изгледа постаро отколку што всушност е.

„Шеќерно“ лице

Прекумерното консумирање шеќер може да го забрза процесот на стареење на кожата, предизвикувајќи опуштена кожа, брчки и други знаци на стареење.

Спиење на страна или стомак

Недостатокот на сон и одредени положби за спиење може да го забрзаат стареењето на кожата, предизвикувајќи брчки и недостаток на еластичност. Овој фактор изненади многумина, бидејќи тешко дека сме свесни како спиеме во текот на ноќта. Сигурно е дека нема да им се допадне на многу дами.

Развод

Студијата покажа дека луѓето кои поминале низ развод може да изгледаат речиси две години постари од нивните браќа и сестри кои биле во брак.

Антидепресиви

Стресот и употребата на антидепресиви може да влијаат на опуштањето на кожата и да придонесат за визуелно стареење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По девет дена спасени двајца работници заробени во тунел во Непал

Две лица беа спасени од тунел од хидроцентрала, девет дена по катастрофалните поплави што го погодија Непал, додека повеќе од 4.000 луѓе сè уште се водат како исчезнати.

По девет дена спасени двајца работници заробени во тунел во Непал

Спасувачките екипи, со помош на повеќе од 500 инженери, сè уште трагаат по исчезнати, а властите се надеваат дека дел од околу илјада лица кои се водат како исчезнати во шест хидроцентрали преживеале, бидејќи се засолниле во тунелите или работеле во нив за време на поплавата.. Потрагата е отежната од фактот дека поплавите го промениле теренот околу тунелите, донесувајќи големи количини кал и камења. Бројот на жртви во Непал и Тибет надмина три илјади.

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Марта Кос ја откажа посетата на Србија за величењето на Младиќ – поради истата политика на Мицкоски и Стоилковиќ

Европската комесарка за проширување Марта Кос денеска ја откажа планираната посета на Србија поради величењето на осудениот воен злосторник Ратко Младиќ.

СДСМ: Марта Кос ја откажа посетата на Србија за величењето на Младиќ – поради истата политика на Мицкоски и Стоилковиќ

Пораката од Европската Унија и од Кос е повеќе од јасна.

„Величењето што ја придружува неговата смрт е неспоиво со вредностите врз кои се гради патот кон ЕУ. Тој пат бара соочување со минатото, вистинско помирување и почитување на жртвите на воените злосторства“, напиша Марта Кос на X.

Тоа што денеска го кажува Европската Унија е токму она за што СДСМ рeагираше и се случи во Македонија.

Величењето на воен злосторник е неспоиво со европските вредности.

Но, Христијан Мицкоски ги заштити Иван Стоилковиќ и Далибор Китановиќ по нивните ставови и величењето на Младиќ.

Нема оставки. Нема разрешувања. Нема одговорност.

Мицкоски свесно одлучи да ги заштити.

Сега уште појасно се гледа каде ја води Македонија оваа политика на Мицкоски по рецептот на Вучиќ.

Намерна изолација, далеку од ЕУ, антиевропска кампања и одработување за руската агенда, се нмаведува во партиското сопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Руски дрон го погоди седиштето на безбедносната служба на Украина (SBU) во центарот на Киев, а официјални лица изјавија дека нападот бил директно насочен кон канцеларијата на нејзиниот шеф.

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Украинскиот претседател Володимир Зеленски изјави дека дронот ја погодил централната зграда на SBU на улицата Володимирска, спроти историската катедрала „Света Софија“ во градот, објави „Дејли меил“.

„Дронот бил насочен директно кон канцеларијата на шефот на безбедносната служба во таа зграда“, рече Зеленски по разговорите со вршителот на должноста шеф на SBU, Олександр Поклад.

Во нападот се повредени пет лица, според градоначалникот на Киев, додека густ црн чад се издигаше од местото на настанот. Зеленски рече дека службите за итни случаи се на местото на настанот.

Директниот удар се случил по неколкудневни речиси постојани руски воздушни напади врз украинскиот главен град. Снимки од последиците од нападот беа објавени и на социјалните медиуми.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер