ЗНАМ: Позадинските водачи на СДСМ од Муртино му ги креираат политиките на Венко Филипче - Канал 5

Македонија

ЗНАМ: Позадинските водачи на СДСМ од Муртино му ги креираат политиките на Венко Филипче

Деновиве, македонската јавност е сведок на еден загрижувачки политички наратив кој доаѓа од раководството на СДСМ, а со кој се прави очаен обид за релативизација на прашања од врвен национален интерес.

ЗНАМ: Позадинските водачи на СДСМ од Муртино му ги креираат политиките на Венко Филипче

Кога зборуваме за раководство, не мислиме на формалните членови на партиските тела, кои служат само како декор, туку на муртинските центри на моќ кои од позадина му ги креираат политиките на Филипче.

Тезата дека „сите политичари се исти“ и дека поседувањето компании во странство е вообичаена пракса, претставува проѕирен маневар за да се прикријат вистинските мотиви зад политиките кои одат во прилог на бугарските позиции и да се заштитат огромните бизнис интереси, имотот и капиталот кои одредени структури ги поседуваат во Република Бугарија.

Постои фундаментална разлика помеѓу транспарентноста и молкот. За разлика од заглушувачкиот молк на Филипче и семејството Заеви, Претседателот на Движењето ЗНАМ, Максим Димитриевски, јавно и недвосмислено потврди дека во 2015 година, во период кога не бил носител на никаква јавна функција на државно ниво, со свои деловни партнери основал компанија во Бургас, Република Бугарија.

Станува збор за компанија која од своето основање до денес практично нема остварено никаков промет, факт кој е лесно проверлив и во јавните регистри.

Овој чин на транспарентност е доказ за одговорноста што еден политичар ја има пред граѓаните.

Од друга страна, сведоци сме на целосен молк од страна на Филипче и семејството Заеви во врска со компаниите во Бугарија, чии податоци

Движењето ЗНАМ ги објави на прес конференција.

Јавноста сеуште нема одговор на овие прашања:

Дали ги поседуваат посочените компании, POWER i8 Ltd, GOMASIDRA Ltd. и дали на истата адреса во Петрич, ул. „Гоце Делчев“ бр. 12, се појавуваат и други фирми поврзани со лица од фамилијата Заеви: „ОРИЕНТ ГРУП“ ЕООД, „РАДИША ТРЕЈД“ ЕООД, „ФАРМА ЕУ БГ“ ООД и „МЕДИКАЛ 420 БГ“ ООД.

Со кои дејности се занимаваат тие?

Колкав е капиталот и имотот што го поседуваат во соседната држава?

Овој молк отвора низа легитимни прашања за поврзаноста помеѓу приватните бизнис интереси и застапувањето на државните позиции.

На што се должи необјаснивото инсистирање на Филипче за итна и безусловна промена на Уставот, по секоја цена и со прифаќање на сите услови наметнати од Бугарија?

Кој здраворазумен граѓанин на Македонија може да поверува во тезите дека однесувањето на официјална Софија не го загрозува идентитетот на македонскиот народ, посебноста на македонскиот јазик, култура и историја?

Само политичар кој е уценет или е во длабок конфликт на интереси може да застапува вакви политики на отстапки кои се директно спротивни на долгорочните национални и државни интереси на македонскиот народ и на сите граѓани на Република Македонија.

Движењето ЗНАМ за Наша Македонија цврсто и доследно стои на своите конзистентни ставови, јасно искажани во Платформата на националните црвени линии за македонското национално единство.

Нашиот став е принципиелен и непроменет, уставните измени, кои би го вклучиле бугарскиот народ и другите заедници во Преамбулата на Уставот, можат да стапат на сила исклучиво по приемот на Македонија како полноправна членка во Европската Унија, со целосни гаранции за заштита на нашиот идентитет, јазик и историја.

Секој поинаков пристап претставува откажување од националното достоинство и распродажба на највисоките државни интереси.

Центар за комуникации и аналитика Движење ЗНАМ

Тагови: ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер