ЗНАМ: Конгресот на СДСМ - “ЕДНО ГОЛЕМО ПРАЗНО” - Канал 5

Македонија

ЗНАМ: Конгресот на СДСМ - “ЕДНО ГОЛЕМО ПРАЗНО”

Конгресот на СДСМ беше претставен како нов почеток, со големи зборови, со нова енергија и ребрендирана политичка понуда под слоганот „Твоја држава, твоја шанса“.

ЗНАМ: Конгресот на СДСМ - “ЕДНО ГОЛЕМО ПРАЗНО”

Но реалната перцепција што го отсликува конгресот е поинаква - празни флоскули, политичко дежа ву и уште еден популистички обид старите политики да се претстават како нова иднина. Таканаречените „6 столба“ претставени во рамки на новата платформа, наместо да понудат суштина и јасна насока, делуваат како 6 празни политички флоскули без реална содржина и без поткрепа за испорачување резултати.

Слоганот на конгресот „Твоја држава, твоја шанса“, во тој контекст, неизбежно отвора прашање пред граѓаните: колку од тие шанси навистина беа искористени во периодот кога СДСМ ја имаше целосната политичка одговорност и каков е реалниот биланс од тие политики денес?!

Во политичкиот период кој го оставија зад себе, секоја шанса која ја имаа пред себе беше пропуштена, а нивните политики завршуваа со одлуки кои ја ослабуваа државната позиција, националниот интерес и ја нарушуваа довербата во институциите.

Контрастот меѓу политичките слогани и реалноста е преголем за да се игнорира.

Пораките како „Живот за сите“, „Нема правда-Нема мир“ останаа во јавноста како симбол на големи очекувања, но и како симбол на неиспорачани резултати и разочарани граѓани, додека привилегиите и користа од нив, се концентрираа во тесни политички и фамилијарни кругови блиски до Заев и Филипче.

Граѓаните не забораваат како и на кој начин двоецот Филипче-Заев се стекнаа со златните визи, не ги забораваат луксузните крстарења и забави во Дубаи, не ги забораваат контроверзиите околу набавките на вакцините, ниту пак, ги забораваат големите ветувања за бескомпромисна борба против криминалот и корупцијата кои останаа без вистинска разрешница.

Денешната политичка комуникација само ја продолжува истата матрица, со нови формулации, но со ист ефект.

За жал, денес СДСМ, од некогашна државотворна политичка партија, се повеќе наликува на структура која ги губи сопствените политички контури и јасен национален компас.

Наместо да биде фактор на внатрешна кохезија и државен интерес, делува како политички гласноговорник на Бугарските наративи и влијанија.

Во таков амбиент, се отвора прашањето дали партијата која некогаш ја носеше тежината на државотворноста, денес навистина ја води сопствената автономна политика или пак постепено се претвора во структура и политички агент, кој сè почесто ги рефлектира и артикулира ставовите блиски до наративите на Румен Радев, наместо јасно да ги брани и застапува државни интереси.

Македонија помина низ премногу искушенија за повторно да биде убедувана дека старите политики можат да се претстават како нова надеж.

Историјата не ги памети оние што најгласно зборувале за вредности, туку оние што имале храброст да ги претворат во дела и да ја стават државата пред партијата и личните интереси.

Граѓаните денес не бараат нови слогани, популистички лаги обвиткани во платформа за обединување, туку одговорност, резултати и стабилни институции.

За Движењето ЗНАМ, Македонија останува трајна државна обврска. Во таа насока, нашата политика и нашите заложби се насочени кон заштита на институционалниот интегритет, јакнење на државниот капацитет и безусловно почитување на македонскиот државен и национален интерес.

Само така може да се гради европска Македонија, држава со достоинство, стабилност и јасна самосвест.

ЗНАМ

Тагови: ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер