Шоу биз

Златен глобус: Најмногу награди за филмот „One Battle After Another" и серијата "Adolescence"“

Годинешната церемонија на доделување на наградите „Златен глобус“ се одржа синоќа во Лос Анџелес, а филмот „One Battle After Another“ и серијата „Адолесценција“ освоија најмногу награди.

Филмот„Една битка по друга“ беше на врвот на номинациите со девет, а церемонијата ја заврши со четири Златни глобуси. Меѓу нив беа Глобусите за најдобар филм за мјузикл или комедија и најдобар режисер, кој му припадна на Пол Томас Андерсон.

Филмот доби и значајни актерски признанија, а Леонардо Дикаприо, Бенисио дел Торо и Шон Пен добија номинации, додека Тејана Тејлор ја освои наградата за најдобра споредна женска улога. „Грешници“, „Хамнет“, „Ловци на демони“ и „Тајниот агент“ освоија по две награди.

Филмот„Хамнет“ беше прогласен за најдобра драма, додека „Тајниот агент“ ја освои наградата за најдобар филм од неанглиско говорно подрачје.

Актерскиот успех на вечерта го одбележа Тимоте Шаламет, кој го освои својот прв Златен глобус за најдобар глумец во мјузикл или комедија за неговата улога во филмот „Марти Суприм“, по неодамнешната награда за избор на критичарите.

Слична низа успеси ужива и младиот Овен Купер, кој, по наградата за избор на критичарите, го освои и Златниот глобус за најдобар спореден глумец во телевизија за „Адолесценција“. Серијата „Само убиства во зградата“ ја продолжи својата негативна серија, бидејќи не освои ниту една награда оваа година, иако беше номинирана четири пати, со што вкупниот број на номинации достигна 20 без да освои ниту една статуа.

Телевизискиот дел од церемонијата беше доминиран од серијата „Адолесценција“, која освои четири награди, вклучувајќи ја и онаа за најдобра ограничена или антологиска серија. Награди добија и Овен Купер, како и Ерин Доерти, додека Ешли Волтерс беше меѓу номинираните актери.

Тагови: Златен глобус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Политиката на изолација на Мицкоски најдобро се гледа на граничниот премин

Додека Христијан Мицкоски со државниот авион (што веќе го третира како приватен) оди на своите екскурзии, македонските граѓани со децата, стојат со саати под жешкото сонце на граничните премини.

Колони од повеќе километри.

Чекање од 4, 6, понекогаш и 10 часа.

Луѓе што сакаат само да стигнат до море.

Ова е реалната слика на политиката што ја спроведува организираната криминална група ВМРО-ОКГ.

Половина од Владата и голем дел од функционерите на ВМРО имаат бугарски пасоши.

Нивните семејства имаат бугарски пасоши.

Имаат фирми во Бугарија.

Имаат европски документи.

Тие и нивните најблиски минуваат преку посебен - ЕУ премин.

Тие си обезбедија Европа за себе.

За граѓаните на Македонија не им е гајле.

Единствената нивна грижа е што во буџетот сѐ помалку има пари за нови криминални тендери.

Тоа е најголемата грижа на „тендер-патриотите“.

Додека народот стои во колона, тие летаат.

Додека децата седат во прегреани автомобили, тие уживаат во привилегиите што си ги обезбедија преку бугарските пасоши.

Ова е нивна политика - изолација за народот, Европа за себе.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Нов потпорен ѕид во градинката „Кочо Рацин", инвестиција од 5,99 милиони денари

Општина Центар информира дека во кругот на градинката „Кочо Рацин" се отстранува стариот потпорен ѕид и на негово место се гради нов со должина од 37,26 метри и висина од 3,6 метри.

Станува збор за ѕид кој беше стар 25 години, кој сега ќе биде заменет со конструкција од армиран бетон, со темели пошироки од претходните.

„И ова лето вложуваме во воспитно-образовната инфраструктура. Во моментов се работи и на поставување нова енергетски ефикасна фасада на училиштето „Кирил и Методиј", следно е спортската сала во училиштето „Коле Неделковски" и „Гоце Делчев“, а во тек се и санации во ООУ „Димитар Миладинов", рече градоначалникот Герасимовски.

Изградбата на ѕидот се изведува по сите важечки стандарди, со посебно внимание на квалитетот на материјалот и техничката изведба. Проектот е вреден 5.992.394,00 денари и ќе биде целосно завршен во рок од еден месец.

Со оваа инвестиција, Општина Центар продолжува со континуираниот процес на подобрување на инфраструктурата во училишните и предучилишни установи на својата територија.

Со почит,

Одделение за односи со јавност

Општина Центар - Скопје

Тагови: Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Скопје има градоначалник на екскурзија - исто како и неговиот шеф!

Орце Ѓорѓиевски, еден од најблиските соработници на Мицкоски, исто така е на екскурзија.

Како што шефот ја води државата, како на екскурзија, така и Орце го води Скопје - место каде што главна активност се тендерите.

Сѐ уште нема одговор:

• Колку чинеше AI-решението за билбордот? (Веруваме дека е поскапо од вообичаено, бидејќи коњот на билбордот има пет нозе).

• Која фирма го работеше?

• Дали таа фирма има врска со Орце?

• Како е можно билборд што треба да го промовира Скопје повеќе да го промовира Белград и Храмот Свети Сава?

Нема одговор ни за водата.

Не знаеме што покажа дронот што од воздух ги испитуваше Лепенец и Вардар - кој ги загади реките?

Единствено што добија граѓаните од Орце е апел да си го чистат градот од ѓубре,

затоа што тој не е способен да го направи тоа.

Тоа е сѐ што доби Скопје од Орце Ѓорѓиевски: екскурзии, скапи AI-билборди со петножни коњи, промоција на Белград и апел граѓаните сами да си го чистат градот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.